岩岩帶左對仔女（兩歲以下）去playroom玩。
有個6，7歲既細路無啦啦好大力掉左一箱玩具係我地前面，我都嚇一嚇，因為飛左好多細細件既玩具出黎，差d飛到我同對仔女。
我就好客氣咁同佢講，呢度唔可以咁樣掉野架，你可以係屋企掉，但係呢度唔得，不如你執返佢啦。我仲幫佢推埋一邊等佢自己執。
跟住佢條氣應該唔gur，佢攞個玩具掉我個頭，我即刻著L左火。
我加重語氣但其實都唔係好惡（我覺得），我話小朋友你好無禮貌喎，你唔可以攞玩具掉人架喎，你係咪應該講對唔住呀？（佢好細聲講左對唔住），我話ok，咁你唔好再咁做，執返d玩具啦。
你地會唔會咁樣話其他小朋友？我自己認為6，7歲應該係可以管理到自己既行為先話佢。
再另一個問題，我發覺好多家長都唔理。
首先呢個小朋友好似係有個60幾歲既屋企人睇住，但係見到都唔理。
再之後又有個差唔多三歲既小朋友推我個仔，不過我知道太細個唔識野，所野我ok，我無話佢，但係我望一望佢阿媽，佢就咁望住我，好似個仔唔係佢既咁，又係唔理，後尾佢有個婆婆黎捉住佢，咁ok啦。
我自己覺得家長想坐係一邊玩電話放鬆下係ok，係人湊仔都會覺得攰，但唔係完全唔理下化。。。？
你地點睇？定係我太小9氣？
2個讚
佢整到自己小朋友一定出聲，但話完佢自己走開，唔會幫人教仔，佢執唔執，講唔講對唔住我就理唔到咁多
不過我去playhouse 會睇實自己小朋友，整到人，俾人整到都唔想
1個讚
我岩岩都覺得自己好似幫人教仔咁。。。
我都係，但係眼見其好多人都唔理，攪到都唔知自己正唔正常。
我覺得你做得好好呀, 我有時都想同啲行為唔好嘅小朋友說吓教… 但佢地通常唔 show 我, 未講完已經走咗去 
不過有時我見到自己小朋友俾其他細路 ‘恰’ (未必有惡意, e.g. 打尖 / 輕力推撞), 我鍾意睇吓自己小朋友有咩反應先, 俾時間機會等佢自己搵辦法處理. 有時可能佢唔在乎, 有時佢到咗夜晚傾計先 bring up 返件事, 我覺得有助佢適應一套同人相處嘅方法
2個讚
近期天氣熱我都有帶小朋友落clubhouse涼冷氣，好involving ge 或者係旁邊look手機既媽媽角色我都有做，我會咁睇：
- 當我hands on 既時候
宗旨係我只可以管好自己小朋友而管唔到其他人。所以人若犯我，頂多會話佢整到人，再睇自己小朋友有無事，唔會再理個個小朋友。如果個個小朋友仲繼續naughty, 我就會叫自己小朋友避開玩。如果個場好多人都不受控，就少d落去，因為好易模仿變bad influence.
至於naughty 小朋友既屋企人，就唔會expect 佢地會出手，所以保護好自己小朋友就算，唔會幫人教仔。
- 當我係旁邊look手機時
其實係睇唔到出事個刻係點
，因為通常都miss jor. 所以呢個時候，如果聽到有人講一句發生咩事，eg 你掟到我呀，或者在場有熟既小朋友走黎同我講咩事，就一定對自己小朋友嚴肅處理。
1個讚
係唔會聽架。一來小朋友要面，2來又唔知你咩水，3來自己屋企人都未出聲幾時到外人出聲，所以我唔會自討沒趣。
蝦我小朋友一定出聲
試過一次咁既
我小朋友好鐘意同大哥哥姐姐玩
咁見到哥哥姐姐（大概十歲上下）玩緊佢都鐘意既玩具咪一齊去玩
點知班哥哥姐姐圍住手指指鬧佢
我話佢地佢地仲差D走黎打我
行開左都仲响我附近拍牆嚇我
我嬲到想報警
我已經唔係第一次見佢地蝦小朋友
都無大人理
可能我覺得年紀細嘅小朋友本性都係善嘅, 只係佢屋企人可能冇教佢點樣表達自己情緒. 我覺得只要唔係鬧小朋友, 以嘗試了解行為背後嘅意思, 同提醒吓有其他方法表達, 喺自己啲女眼中都係一個以身作側嘅榜樣, 等佢知道當佢自己一個嘅時候應點處理"頑皮"嘅同學仔/朋友仔
1個讚
睇到 O 咀, 而家嘅細路咁大膽?! 我諗我嗰時著撚咗會兇返班細路轉頭
1個讚
講到幫人教仔，我都有個故事可以分享。
話說我小朋友搭校巴既上車點有好幾個同學一齊搭，校車未到大家玩下跑下好平常事，而送返學既都係姐姐或老人家，大家日日見面都認得晒對方。其中有位伯伯講野比較大聲， 有一日佢見到個同學行為唔太proper就「講」左某同學幾句，同學即喊。
turn out 呢件事係校巴谷度發酵，有家長問做咩整喊我小朋友，又問有無人知咩事，又話做咩咁惡，又話搭車有陰影，另一方就話唔係鬧係提醒咩咩咩。到最後其中一方唔再搭校巴。
講咁多其實想帶出，你好心幫人教仔，人地未必係咁睇，更加唔好講多謝。
1個讚
好好心機
我呢家已經唔再咁involve。 如果我既小朋友比人恰我會睇自己小朋友點表現先，通常自己都解決到，咁就無事。deal唔到又唔嚴重就事後先review, 總之我就會hands off.
但事實睇返小朋友係識自己點lead住去玩。anyway 呢個係佢地世界既社交，我通常做observer or偷懶一下。
唔整到我或者我小朋友,我唔會話!唔會幫人教仔女!
但如果我小朋友在場離遠望到,我會細細聲係耳邊教我小朋友,咁做唔啱架!唔好學!學校老師點教你做架?如果遇着咁既情況?..
但如果整到我小朋友,睇下嗰位家長在唔在場或者在場有無職員.
有職員我即時會投訴,叫佢即刻比口頭警告個小朋友同要留意下佢!
無職員,得小朋友一個,整到嚟,我都似樓主咁會鬧下!
但如果佢家長在場,我會即時問個小朋友,你父母係邊?3口6面講清楚
講真,我試過投訴比個職員同家長,好湊效
1個讚
你做得好好呀！又提得好溫柔啦！
我都會出聲話架，我通常會鼓勵小朋友自己解決，但係佢搵得我，即證明佢自己搞唔掂，咁我一定會幫手出聲。
2個讚
公園好多呢Ｄ細路，如果影響到我小朋友而又冇家長理，我會出聲鬧
2個讚
mmvmv
20
我個仔得兩歲，佢唔識解決，又想同大哥哥姐姐玩。痴去人地度人地又係咁叫佢走開。我只有追住佢保護佢。