如果傷害到小朋友，大人一定要介入叫佢停止嗰個行為。但道歉或者解釋叫佢執返玩具嗰啲就唔會。
1個讚
我以前都係狂追住
我大果個好易出手打人，要睇住
1個讚
唔會小器
我好欣賞你有guts話佢添 
(俾我可能未必夠薑直接鬧佢)
1個讚
你無做錯，始終仔女都細，不過其實6，7歲都有啲唔係好識表達自己想點，佢會講對唔住都ok la, 我仔細個3-4歲去公園時都會有啲哥哥姐姐走埋去想同佢玩，但有時動作過大都會嚇一嚇，我自己做法係會問下佢哋係咪想同弟弟玩，不如一齊玩吖（咁我自己就會落埋場一齊玩，一來可以提下哥哥姐姐點樣就啲細嘅小朋友玩，二來比仔學下點玩，雙贏），我仔今年都七歲，佢唔太鐘意同細個佢嘅小朋友玩，見到會避開或者玩第二啲
影響到自己、傷害小朋友一定出聲，唔係話幫人教仔，係要保護自己小朋友。
1個讚
我未有小朋友，但都會睇唔過眼。試過坐巴士下層，坐對面係一個婆婆同佢嘅孫,目測三歲左右。個細路企喺座位上，勁危險，婆婆話佢佢唔聽，我忍唔住眼神凌厲望住個細路，佢見到嚇親慢慢滑番落黎坐低。
2個讚
你做得正路啊！
1個讚
我都係，如果有傷害性嘅行為會阻止，但就唔會幫人教仔。
同埋有時小朋友之間有小衝突，只要唔係有傷害性（依個係底線），我會由佢地自己處理，但會全程mon住，因為將來我地大人無可能每刻都在側邊，佢要學識去面對。
1個讚
嗰次無辦法,佢8歲仔推我3歲小朋友額頭,成個人向後仆,唔整親後腦算好彩!我梗係要阻止!
當面話佢,一來佢可以喊,以為我大蝦細!2來我講佢又唔知聽得幾多?可能平時佢出街都比人話慣!
咁咪問佢父母係邊,交代完件事,叫佢父母唔該睇住自己小朋友!佢有責任睇住!整親邊個都唔好!咁樣講已經好客氣,無理由個父母唔處理~
後尾佢老豆有教有勸個小朋友,最後都咁曳,比佢老豆帶走
我女細個時去clubhouse玩，有班8-9歲嘅細路仔全場走嚟走去，又互追互打，但現場有十個左右年紀大約2-4歲嘅小朋友響度玩。本來河水不犯井水，但跑跑下班細路走埋過嚟，好幾次幾乎撞到d bb。Clubhouse 入面已有工作人員叫住佢哋，話唔比跑，佢哋都唔理，而成班阿媽就坐響度吹水睇電話。
跟住我老公好大聲喝停佢哋：呢度唔比跑架，你哋聽唔明廣東話呀？你哋d媽咪呢？
喝完之後，果班細路仔停晒，佢哋d阿媽先走出嚟，死死氣話比人鬧喇，話咗唔好跑啦⋯⋯然後成班走晒。
所以有時唔企出嚟話佢哋唔得架。
就係因為我小朋友未去到果個階段我唔知到6，7歲既小朋友係點。我只係知道小朋3歲前係不能夠控制自己，所以我覺得5，6歲應該可以控制自己，所以應該可以出聲。
講真我都唔想帶童年陰影比小朋友 
所有無小朋友既人都唔會明。包括我自己。無果時都唔明點解佢地可以咁唔聽話。
但係到自己有，開始睇小朋友發展先知，3歲前（就算4歲）太細個，係佢地個腦未發展到可以控制自己。
我應該未必夠薑咁樣搵佢父母出黎講，感覺有少少落佢面咁。如果有一日我都比人搵出黎話，我會覺得自己顏面何存。 
真係要件事發生左我先知自己會點處理。
我果度都係啦，其實果日係有限人數要登記先入得，但係個細路仲叫埋自己無登記既朋友入去玩，跟住有班女仔岩岩上完堂又走晒入去玩，變左成班大哥哥姐姐係度跑全場。
佢地全部都知要登記，但係班阿媽就係出面吹水，望住佢地玩，完全唔理，衰d講句，呢d咪家教囉。
唔係薑唔薑或者面子問題!係責任問題!如果我小朋友整親人,我都唔想,我知都會要小朋友自己認錯道歉!真係唔可以扔底佢哋自己玩,出事都唔知成件事仲麻煩! 
不過你處理左就算啦!你都做得好好! 佢父母識諗,分分鐘多謝你!有 d 小朋友,唔聽自己父母講,但人地講一句,即乖晒,以後唔再做! 
所以有時有人話我小朋友,我會加多句:我講你唔聽,而家比人話,醜未? 
仲易教好多! 
要接受每個小朋友獨特性格,唔係個個易教又乖!佢哋個個咁細個都係張白紙,只係我哋做大人家長點教佢哋 
我脾氣比較暴躁，所以見到d唔守規矩嘅小朋友都會話佢哋 
試過有幾個場合我都有話d小朋友
-
帶自己小朋友去playground玩，我小朋友比較細又細膽，行動比較慢，有個6,7歲嘅小朋友想超越我小朋友行先，踩咗落我小朋友隻手度（其實應該冇踩正，因為我小朋友冇喊），之後我話個小朋友，話佢踩親我小朋友要佢道歉，個小朋友係呆咗，之後我不停重複話整到人要道歉（當時我小朋友突然爆咗句對唔住
我話唔係你講啊），最後個小朋友道歉咗，我thank you 返佢肯道歉 -
帶小朋友去樂園玩，入其中一個遊戲要行入去排隊，其實唔多人，所以都係慢慢行，後面d人都係慢慢行，點知突然有兩個7, 8歲嘅小朋友係後面跑上嚟（佢哋係好後已經聽到佢哋追跑嘅聲音同回頭望都見到佢哋跑緊上嚟），後面行緊嘅人都畀佢哋超越咗，直到佢哋去到我哋後面，剛好我同先生平排擋住咗佢哋，佢哋就想超越我哋，但我小朋友係前面慢慢行，我唔想佢哋跑過撞到我小朋友，再加上其實行緊入嚟嘅時候我覺得已經係排緊隊嘅一部分，其實佢哋係打緊尖，所以當佢哋想攝過我嘅時候，我就回頭話佢哋，你哋知唔知要排隊，當然佢哋呆咗，我再加多句，你哋前面係咪有人，佢哋繼續呆咗，細d 個個有d 驚直情行後咗幾步，我再repeat，你哋前面係咪有人，之後佢哋話唔係，咁我就話佢哋要排隊，咁啱佢哋家長追上咗，但唔知咩事，兩個小朋友都畀我話完唔敢出聲，最後分開咗排隊就冇再見到佢哋
-
續2，分隊排期間自己小朋友本身靜靜地排緊隊，後面有兩個5,6 歲嘅小朋友不停係個欄杆擒高擒低仲越迫越埋，而個家長完全冇理，我小朋友見到就學佢哋開始擒，我就好嚴厲咁話我小朋友唔可以咁，只可以係playground 咁做，repeat 咗好幾次，後面兩個小朋友聽到我話我個小朋友，結果都唔再擒，而個家長應該feel到我唔高興，就捉返佢兩個埋d佢度
-
係playground，自己小朋友係d假車車裡面坐（格車前後有4個位，當時都有其他小朋友一齊玩緊），跟住有個差唔多年紀嘅小朋友走埋我小朋友度整我小朋友隻手（當時個家長都望住個小朋友但冇制止），我先生同個小朋友講唔可以咁，個小朋友冇理到（其實仲細唔明，但家長都冇理），就繼續整我小朋友，我先生就再話個小朋友，之後個家長就行埋去話佢個小朋友同我小朋友玩je，話我先生咁樣會嚇親佢小朋友，我先生就好大聲話返個家長你個小朋友依家勁整我小朋友隻手，整咗幾次都叫玩，之後個家長就好驚青咁捉走咗個小朋友
其實我哋唔係想幫人教仔/女，只係自己都頂唔順呢d行為忍唔住出聲
3個讚
我會選擇提個小朋友唔可以咁做，因為唔知小朋友係頑皮定有SEN。
好似我囡(2歲半)其實係懷疑有自閉症，琴日病去診所睇醫生，佢太驚所以不停喊。有個大概3.4歲小朋友既家長不停同自己個小朋友講，唔好嘈會唔影響人（佢小朋友其實係周身郁，無咩聲）。明顯係話我個囡，但我好難同人講我個囡有問題所以先咁不停喊。
1個讚
兩歲半我覺得唔應該話，再加上嗰度係診所，小朋友睇醫生驚都好正常，所以就算係大個嘅我覺得喺診所喊都ok。
我覺得係果個家長唔ok。
其實小朋友有SEN真係可能外人睇唔到。
我囡個同學仔放學坐火車返屋企發脾氣大吵大鬧，落車之後我媽聽到啲乘客話同學仔既屋企人唔識教仔，我媽聽完覺得好心up.
無嘢嘅你都好溫和
平著喺我都會話其他小朋友，因為我覺得喺做得唔啱就要同佢講。
因為呢樣野喺好影響小朋友既成長，無論喺蝦人個個定俾人蝦個個都好。
同埋我都試過我個小朋友俾個大佢好多既小朋友推開左，我都喺會問左做咩要咁推人。
如果佢仲喺無歉意既我就會大聲小小咁同佢講，因為有啲真喺俾屋企人寵壞晒。
加上出去玩都要小心睇住自己個小朋友，因為見過好多次啲家長喺唔睇住自己個小朋友，
只喺識一味咁玩電話，其他就咩都唔理，我對呢啲好反感-0-