背景:
我仔返學老師話佢從來唔會打人
係屋企都唔會
同同學出去玩都唔會
上興趣班都唔會
同男家cousins(10個以上)都唔會打人,相處非常融洽
人地喊佢仲會主動去tum人,好sweet
但一對住表弟好似變左另一個人咁
我仔2歲幾
表弟(我家姐個仔)歲幾
近排成日無原因地對表弟郁手
eg路過無啦啦一野拍落去
雖然唔大力,但都絕對唔岩,我都非常唔好意思
次次都馬上處罰
有鬧/講道理/罰企/沒收玩具
佢個下會明,會say sorry,會攬返表弟
但下次再見面又係咁
我問佢點解要打表弟
佢成日就話唔鍾意表弟,想佢喊
我成日話你唔鍾意人都唔可以郁手
況且表弟乜都無做過
我乜方法都用過
日日洗腦咁um佢要對表弟好d
但都好似無一個好work既方法(我地反對體罰)
好煩惱 
PS
佢係女家第一個孫
表弟出世後,所有attention去哂表弟到
公公婆婆無乜再理佢
佢係咪因為呷醋呢?
好苦惱 
照你描述，我偏向相信係呷醋。
你其實已經知道原因，唯有同佢解釋下bb 細，要多啲照顧，如果父母明事理，提下佢地，偏心都唔好咁明顯
我可以點教佢?
就算公公婆婆偏心,我都控制唔到
乜方法都用過,都唔係好work
而家一同表弟見面我就好大壓力
mark實佢阻止佢郁手
好驚佢整到人
我有解釋過比我仔聽,但佢都好似唔係好buy咁
其實老實講,佢地偏心做得幾明顯下
我有時睇都有d hard feeling
但又覺得人地都有權偏心
如果我咁同父母講
佢實話我亂up邊有呀等等
會唔會係同公公婆婆講番個情況？等佢地知道偏心行為造成有咁嘅情況，有時老人家d說話行為真係好hurt人架
我會試下講左先，如果佢地話邊有，我就反問：你唔覺得佢成日打表弟咩？你都想二個孫相親相愛嫁？
再舉一二個例子，當下佢地可能會話反駁，但可能私底下諗完，會有改善
會唔會試下呢排唔好帶阿仔返去公公婆婆度先?
阿仔2歲幾其實仲好細個… 未必明白點解公公婆婆會偏心
只係知道… 多左個表弟就唔同左
公公婆婆注意力去晒表弟 無人理自己
所以唔鍾意表弟
分享我做法，以前我都有差不多經歷。
我就不斷同仔玩，等佢分唔到心去搞表弟。
搵好多嘢同仔玩、畫下畫咁。
不過亦要睇你家姐點處理成件事，偏心你控制唔到，唯有自己錫自己仔仔。
其實我有間接講過架
有時佢兩個玩,表弟比較細膽
2個玩得興奮少少,表弟就會去抱住婆婆腳
婆婆即刻會抱起佢仲阻止我仔接近表弟
叫佢唔好蝦表弟
但其實我仔無做過任何欺負既行為
我即刻同我媽講佢地玩咋,你唔洗隔開佢地
我媽即刻話"佢要我抱唔通我唔抱咩?你唔教下你個仔唔好搞人?"
我真係激到…
我諗情況再咁落去
我都會好好地同佢傾
雖然佢實駁我
但希望佢會好似你講咁之後會諗下…
我地2姊妹每星期返娘家食一次飯
好難避免
我唯有盡量mark實佢
絕對唔會比佢2個獨處
但表弟又會成日過黎想一齊玩
好難真係完全隔開 
有時小朋友唔識表達會用打人釋放情緒，可以試下先握住小朋友既手，堅定嚴肅咁同佢講「唔可以！」之後再問返佢原因點解咁做。
有呀,我次次都係咁做
佢次次都係答我因為唔鍾意表弟
想整喊表弟
咁就要做媽媽嘅你控制成件事，
例如畫緊畫表弟想加入，我會企係兩個中間隔開佢哋，同時叫仔問表弟，係咪想畫畫？之後我會俾張紙畫筆表弟畫。
返到屋企記得讚仔仔今日嘅表現。
記住，唔需要嘗試改變老人家偏心，你只要控制好自己個仔，做到有家教就得。
我會努力
同時希望修補到佢地關系
多謝你建議
我哋大人都會唔鍾意某個人，細路一樣，但佢哋比較純粹。
在我角度，你只需要做好控制自己個仔，唔好俾位你屋企人話你就足夠。
佢哋會唔會變friend，唔到你控制。
唯有係咁
多謝你
其實你家姐點睇？會唔會你家姐出聲叫父母唔好咁偏心會好啲？