呷醋啦！
大家又係男仔！得個2歲好正常既！
有時間帶佢睇下啲有關bb既節目/書
教佢點樣關愛bb，再順帶一提「表弟」都係bb，應該點樣look after佢。
不過2歲都好細，慢慢教
依家只係開始，偏心會引起一連串問題，問題係老人家唔會理，而咁做係養緊一個惡霸。
成件事係偏心引起，你仔係受害者。
就算下次仔仔同表弟爭玩具，我覺得無需話個仔，只要抱走仔仔，你搵d嘢再同仔仔玩就得，但返到屋企就同仔講今日嘅表現。
我家姐個人無乜所謂
乜都唔係好介意,無乜所謂咁(佢應該覺得問題不大)
所以佢更加唔會出聲
我認同，所以我覺得要同父母講下，我媽嗰時都偏心大仔，但講完就有改善，原來佢唔知自己偏心偏出面
我仔都兩歲，最近情況一樣，成日推個妹。
但好老實講，你同佢講佢都唔會明，因為佢個腦未成熟到可以明白點解唔可以推，而家係同野生動物溝通咁。要到佢地差唔多三歲先會明。
等一年啦。
老人家係偏心佢個仔，佢緊係唔會出聲啦 
唔好介意我咁講，我覺得公公婆婆好過份喎，由好鍚個孫突然當佢透明兼極偏心另一個孫，如果發生喺我身上，我會減少見面，2歲幾好細個，未必明發生乜事。