上黎呻下，差不多晚晚失眠，越加速個人就情緒越差。
睇住香港惡化好痛苦，好想走又未走到，另一半唔想走，唯有再儲下盤川可能遲啲自己走。仲有父母都係唔放得低原因。家家有本難唸的經
心情好煩惱，巳少左睇新聞，但個情緒巳去到低到一個點，真係好難捱
每次同另一半呻佢淨係叫我唔好睇新聞，唔好理繼續生活，佢話無辦法改變，其實我都明白，但身處係度點可能無感覺，好難受，巳去到萬念俱灰，好想一訓就唔醒，或者患絕症快啲離世，再係咁真係迫到痴線
平時勸人鼓勵人容易正面啲就容易，但當係自己咁樣真係唔知點好。
24個讚
試下先唔睇新聞，睇正面事情。
做一啲令自己開心的事
睇書，睇劇，睇笑片…
做運動，多鍛煉…
唔易，但要知道留低要正面同健康
下半年要面對很多事情
有時很多困難是試煉
熬過就會有光明
9個讚
不如試下做筆友，既同路人互相扶持，又可梳理和抒發一下心中思緒。
另外，又可睇下書，俾個藉口自己每日定時專心學一樣嘢。禪繞、外語、山醫命卜相、廚藝、寫程式…
學習緊張同放鬆。
4個讚
揾啲野做(玩)，將視線轉移，我沉迷打機差不多一年，近期就做咗神徒(Mirror@Anson Lo)。
6個讚
謀事在人，裝備好自己，可以準備嘅都盡做。
成事在天，有大事可能冇得避，亦改變唔到，但係機會嚟嘅時候就唔會因為冇準備而錯失。
2個讚
我都努力緊，我已經暴瘦、冇食慾同埋瞓得差，我唔知可以點算
會否做下運動﹖
1個讚
係無壓力情況下 做運動係可以好瞓啲
但我久唔久都會有壓力 諗太多時 就會瞓唔到 做運動啦…
煲啲乜好瞓啲嘅湯啦…
全部都無用
最緊要身體健康
放鬆啲先
2個讚
我最近學緊結他, 自己在屋企跟YOUTUBE學, 唔出街學無壓力. 得唔得都算.
真係要揾啲野分散自己, 如果唔係好快爆煲.
要記住仲有好多同路人因為各種原因留低, 你並不孤單.
8個讚
支持下告急嘅同路人，繼續推介太子潮州人。
洗錢係好好減壓，不過買名牌無意思，食餐飯比多十幾二十蚊貼士，都係一種唔錯嘅方式，又唔會破產
4個讚
做運動, 夜晚煲番全民做星1, mirror go, error 自肥, 考有feel…etc. 應該有幫助！
6個讚
做下運動(例如跑步)，睇下mirror / error，聽下歌(林家謙真係好正) …
如果實在唔得，就拎BNO走啦…
4個讚
拉下筋，研究下增肌同食療，揀飲擇食地養好身體等贏
1個讚
好明，有時好似靜少少落嚟又彈d痴線新聞出嚟，你唔係自己一個，大家支持住
3個讚
咁唔得㗎喎, 將來機會來時你健康都支撑唔到
1個讚
永遠支持自己想支持的人
1個讚
多謝大家既回覆，其實最近都有做唔太劇烈運動，做緊港豬唔睇咁多新聞，不過仲未抽離到無事發生。
我都明好多人好努力咁生活去抗衡中，好無奈都無辦法。
琴晚聽clubhouse 有人分享越嚟越多年輕人睇政府精神科，我諗好多人都好困擾果種壓迫到個人情緒困擾真係好痛苦。
以前個人唔會放負的，好樂觀，而家180度轉變左，而家既我做咩都提唔起勁，睇吓mirror / error 啲節目果一刻笑完，其他時間都係皺眉頭
還在努力調整心理情緒中😮💨
5個讚
穩定後都會有好多人回來，唔需要擔心
2個讚
姊妹，你好似幫我打埋咁，感受同狀況完全一樣，點算﹖
我都驚驚地，最衰我屋企同工作都有啲狀況，我更加放鬆唔到
我寄望過埋呢個星期會好啲，我想行下山、游下水、跑下步
本身最鍾意睇書，但而家唔係點入到腦 