你好呀，方唔方便可以email 有關IVF 資料俾我嗎？email 係 catoisk 之後係 outlook
感激你呀🥹
1個讚
Ok, 你收到email嘛？
收到呀，麻煩晒你 
你好，我腥左email 到你outlook email, 唔知你收唔收到，sender 係catoisk ，我之前寫錯outlook, 應該係hotmail, 唔好意思，thank you.
真心恭喜你！你既努力同堅持終於有回報，睇到我都又緊張又擔心，亦都多謝你無私分享你既經驗！
1個讚
Ok 我再email 你，你睇吓收唔收到
好消息！好消息！我終於訂到機票返香港喇帶住孖B返香港搵爸爸，佢哋都成年半無physically 見過，爸爸終於可以再抱抱孖B喇。孖B今次係第一次坐飛機，唔知會點呢？會唔會喊足全程？會唔會走嚟走去?（平時飛果陣都見唔少我都真係有啲驚驚地，究竟我搞唔搞得掂孖B呢）
孖B第一次返香港有好多嘢要做，有好多人要見，基本上香港所有嘅親朋戚友都未見過孖B，（全部都只係見過孖B啲相同video）個個都排住隊要見佢兩個。（真係巴閉）
不過，有一個好特別嘅人，今次返嚟就算幾忙都要專登安排時間飲茶見面，佢就係我喺馬來西亞做IVF嘅時候，幫我安排所有booking 嘅Siska姑娘，咁啱Siska 姑娘下個月會嚟香港交流，又知孖B返嚟，佢都未physically見過孖B，所以一定要約出嚟見吓面。我仲好記得喺馬來西亞做成個ivf療程可以咁順利，都係全靠有佢幫手安排。我有啲咩唔明白，唔清楚全部都係問佢。
1個讚
終於Book好晒返香港啲嘢啦，等我繼續寫埋我個分享先
一擘大眼就見到今日嘅午餐係黃芽白煮雞髀飯，嘩！突然間覺得好肚餓呀！唔知係唔係肚餓嘅原因，我覺得今日醫院啲午餐好好食，我三扒兩撥就將啲雞髀飯食得乾乾淨淨。如果有得再添就好啦。（不過我食完之後就開始驚，好驚自己又嘔返晒出嚟）為免成日諗住自己會嘔，於是我又埋頭苦幹去打機麻醉自己，打吓打吓無端端有個醫生走埋嚟睇我，佢話佢係內科醫生，因為之前份抽血報告指出我嘅肝酵素持續偏高，所以過嚟睇我。醫生話雖然起初我有食中藥，但係已經有一段時間冇食中藥都仍然肝酵素超標，所以佢哋內科會follow我個case，會安排我照肝。不過太多人等緊照肝，有機會等三、四個月先有位照。（我心諗等三、四個月，孖B到時會唔會已經出咗嚟㗎）醫生咁宜家可唔可以出院返屋企呀？暫時其實冇嘢可以安排到比你，宜家亦都冇嘢要check ，正常出院係冇問題嘅，不過你都要等婦產科醫生呢邊睇吓俾唔俾你出院先得！（嘩！正呀，可以唔使請假就返屋企啦，終於都可以出院喇！yeah！）我急不及待就打俾老公話佢知我可以出院啦，老公話放工過嚟接我之後就去食做冬飯。突然間覺得自己變咗隻小學雞咁，好期待今晚餐做冬飯。
一同老公收線，我就開始換衫執嘢準備走人，點知姑娘話要等主診醫生簽咗紙先至可以走得，咁唯有等下啦，不過等下等下，等到派晚飯啦，都仲未有聲氣可以走。唉！我開始懷疑緊我今晚究竟係咪真係可以出院番屋企，係咪真係可以出去食到餐做冬飯㗎！
等到七點鐘啦，我忍唔住走去問姑娘究竟仲要等幾耐呀？姑娘先至話醫生啱啱到咗病房，佢宜家簽緊啲文件準備俾我出院，佢叫我等多陣。吓，救命呀，我已經由下晝三點等出院等到宜家，點解出院都要等咁耐㗎！
待續……
各位jm恭喜發財！新年快樂！祝大家兔年身體健康！心想事成！想果樣得嗰樣！
嘩！我都已經好一段時間冇update啦，呢幾個月好忙，忙住帶孖B返香港探親朋戚友（當然唔少得見吓啲同路嘅jm啦）⋯⋯之後又飛咗去馬來西亞玩順便返去診所探吓醫生同姑娘。聖誕節後又番返咗英國，跟著又收到jm們嘅好消息。其中一個jm報喜話bb已經順利出世，我收到呢個msg嗰陣真係開心到喊咗出嚟（令我諗返起生孖B嗰陣嘅感覺：我唔係發夢呀嘛？bb真係嚟咗我身邊啦？OMG! 我真係做咗人哋阿媽啦？OMG!原來我出嘅post真係幫到人 
）我祝bb身體健康！聰明伶俐！活潑可愛！快高長大！希望下次返香港有機會見吓你啦！
好啦！好啦！係時候要繼續寫吓我個update 啦！
等到七點半終於見到醫生啦，佢話睇緊我啲report，簽埋啲文件就可以俾我出院，佢叫我再等多陣，（我心諗我已經由下晝三點等到而家啦，你可唔可以快少少啊？我開始有啲肚餓！咦！終於唔係想嘔，而係想食嘢啦，孖B你哋係咪都好期待快啲返屋企同埋快啲有嘢食呢）到咗八點終於走得去食飯啦！孖B佢哋完全好合作，無反抗，好耐冇試過食哂成碗飯，又食咗好多餸仲要飲埋汽水添（哎喲，好驚呀！好有罪惡感添，希望孖B今晚乖乖地唔會令我嘔突啦）
嘩，好耐都冇試過一覺瞓到天光啦，好好彩孖B好合作冇令到我嘔突。見天氣好就同老公出去散吓步行吓街。唔知係咪好耐冇正式食過野，突然之間好想食豬腸粉、格仔餅同飲珍珠奶茶。於是我就叫老公陪我去食，嘩！一去到就見到有車仔麵、豬腸粉、西多士，好想全部都叫哂佢，老公初初唔比我叫咁多野食，怕我又嘔過（我心諗唔會嘅，孖B會錫住我唔會比我再嘔嘅）最後老公都妥協比我叫哂全部，不過我除咗碟豬腸粉自己成碟清晒之外，其他嗰啲都係食咗兩三啖就唔想再食，最後都係要麻煩老公執手尾食埋佢（辛苦晒你啦，老公）
食飽飽就返屋企瞓個晏覺休息一下，點知瞓醒個晏覺之後，嗰種想嘔嘅感覺又試返嚟啦，唉…慘啦！睇嚟今晚又要成晚唔使瞓啦。好彩，坐咗一陣，今次想嘔嘅感覺只係持續咗好短時間，都仲有胃口食飯，食完個飯冇耐又開始想食嘢。（唔通已經開始慢慢咁漸入佳景？可以去到啲大肚婆又食得又瞓得嘅階段？）係就好啦，話哂我嘅體重都係比放胎前重得嗰幾磅。
眨吓眼，又過咗個聖誕節同新年假期，呢個假期都算食得瞓得，起碼食完冇再嘔。我仲記得我一年前嘅大除夕我出發去馬來西亞準備抽卵，當時都唔知做幾多次先會搵到正常嘅胚胎，估唔到一年之後孖B已經係我個肚入面打關斗（真係好感恩）
其實當我係加拿大第二次失敗咗之後，老公就book咗同我去郵輪玩6日5夜當係休息一下散吓心（我本身好鍾意上郵輪周圍去玩，估唔到今次去會係帶埋孖B一齊上郵輪飲飲食食hea下chill下，好期待呢個越南之旅，話哂我都未去過越南玩，希望同孖B會有一個happy holiday啦）
待續……
3個讚
你太耐冇update ，我已經唔記得上集講到邊
好少有人去馬來西亞做ivf
Hello Lhyl
在我喺呢方面好亂時，尋找緊方向時，我希望係緣份下俾我在網上看到你的post，一口氣用了幾個鐘又開始看到尾（待續），看到你同孖B既點滴，你既ivf 歷程，真係好感動呀，我都希望接到好孕，我也已是高齡了，亦已試過多次ivf 失敗，所以一直看，又些位置真係心同感受，我已email 了妳求你在馬來西亞最後一次IVF成功既資料
希望你收到
1個讚
Ok, 已經reply 你了，唔知你收唔收到我嘅回覆呢？
1個讚
沒有呀
可以send 多次嗎？[email protected]
眨下眼咁快又差唔多半年啦，實在太忙，無乜時間寫post，有jm問我呢段時間忙緊乜？唔經唔覺孖B都已經三歲，之前帶咗孖B返香港過生日，多謝出席孖B生日會嘅jm們，孖B玩得好開心。開生日會之餘順便搵個機會同啲jm聚吓，估唔到喺BD出post，除咗幫到一班jm，仲可以俾我識到一班好jm，好開心好感恩。過完孖B生日之後，我又帶咗佢地過大海玩下睇下，唔覺唔覺都差唔多返咗香港個幾月，點解會玩咁耐？咪就係因爲玩完返去英國之後就到我開始繼續飛來飛去嘅生活。疫情過去啦，生活開始回復正常，我3年幾嘅偽產假終於都要結束啦。所以每日都係由朝忙到晚忙到一頭煙，趁住呢幾日放假，總算有啲me time 比自己，就等我繼續寫埋個post先。
好啦，終於都到咗上船嘅日子，既興奮又緊張！今次係我第一次喺香港上遊輪。咁啱老公啲同事同朋友都會一齊去，一行30人，唔知孖B會唔會enjoy 呢？不過千祈唔好再要我嘔餐飽就得啦！到咗碼頭off load 咗啲行李，check 埋in，上到船第一時間梗係走去食個brunch 先啦，食飽飽之後再周圍行吓睇吓。
嘩！夠鐘啦，到咗開船時間啦，今次住喺露台房，所以可以坐喺個露台度睇住隻船離開啟德，過埋大嶼山一路開出公海。望住個海真係好chill好relax，唔知係咪個人開心同relax 咗，上咗船之後我就冇再嘔過，而且連條俐都冇再酸過冇再刮過條俐，開始食多咗嘢。我每日都係瞓醒就食，食完就周圍行周圍睇吓人玩（始終陀住孖B，有啲嘢想玩都冇得玩，咁就唯有食食食啦）我就連隻船埋咗岸，落咗船之後都係食唔停嘴。不過唔知係咪行得多得滯，我雙腳開始腫到變咗隻豬蹄咁，完全分唔到啲腳趾同腳板，我老公啲同事話腫係正常㗎喎，腫到3次就生得。（我心諗：吓！仲要腫多兩次？唔係啊嘛？係咪真㗎？真係腫3次就生得？有冇jm有啲咁嘅經驗呢？）
快樂嘅時光過得特別快，眨吓眼六日五夜嘅遊輪假期又完結啦，上船之前老公就約好咗落船之後同孖B去照結構同影4D相，有啲期待見吓孖B嘅4D樣。落咗船返屋企擺低啲行李之後，就急急腳走去照結構。嘩！原來真係好多人排隊去照，希望唔使等好耐啦。等咗大半個鐘頭多啲終於輪到我照啦，醫生不斷喺個肚度碌嚟碌去，碌咗成15分鐘都好似未照到（我心諗：點解要碌咁耐嘅？唔通照唔到？唔係吖嘛。孖B你哋係咪未ready見媽咪呀？）說時遲那時快醫生就話阿仔個頭跌咗落去下面，照極都照唔到。醫生叫我休息一下先，抖一陣睇下阿仔會唔會轉個身俾佢照到。
結果又等咗1個鐘頭多啲，終於再輪到我照。今次又係咁，碌來碌去照來照去，跟著醫生就話阿仔個頭都係跌到好低照唔到，佢話冇辦法，唯有要由下面照上去。唉！又要插支野入去照。呢次好快就照完下面，不過醫生又再照返個肚，我終於都忍唔住問醫生，醫生做乜要照咁耐嘅？照來照去都係照個肚個位，係咪有啲乜嘢事呀？醫生開始係度吞吞吐吐，叫我等一陣等佢再照清楚啲先再講。過咗15分鐘之後，佢就同我講由於我嘅宮頸過短，孖B可能會隨時出世，佢要求我即刻入醫院。除此之外，佢仲話佢照到阿囡個腦嘅積水都係唔合格，砸住條警戒線，即係表示阿囡啲腦水太多，咁會非常影響佢嘅腦部發展。醫生話要即時寫紙俾我入院再做詳細檢查。
待續……
3個讚
我諗住做ivf 啱啱喺香港做完檢查 覺得香港啲醫生護士麻麻哋 請問你可否send你在馬來西亞做Ivf的資料send俾我？
我email係egoinvest
yahoo com
感謝
1個讚
Ok, 你睇吓有冇收到我嘅email 
1個讚
收到 謝謝
嘩呢一兩個星期實在太高興喇，幾忙都要同各位JM報個喜先。最近jm們嘅好消息接二連三，有一位JM嘅B女早幾日剛剛出世，另外有2位JM亦都成功懷孕，真係好開心，恭喜哂咁多位JM，之前嘅努力同堅持終於得賞所願 
雖然我自己呢排個個星期都要飛，不過我都係時候要努力一下，繼續寫落去，仲要寫快啲啲，希望快啲寫到孖B出世。
吓！即刻要入醫院？我宮頸過短？咁究竟宜家係有幾短呢？我上個禮拜（上船之前一日）先去過私家度做產檢，當時產檢嘅醫生都話係一切正常，叫我enjoy the holiday ，點解一個星期後就會咁快變咗過短呢？醫生話我個宮頸得返1.1cm，隨時可能會早產！我即時忍唔住問醫生：‘我想問下我宜家係week 22+4，咁22+4嘅正常長度究竟係幾多cm呢？’ 不過佢淨係答我：其實每個人都唔同，有啲係1.5cm有啲係1.2cm。好難講！（我心諗：吓？唔係呀嘛？如果係咁嘅話，醫生我都唔係特別短姐。）醫生咁如果係咁講，點解你話我過短呢？1.2cm同1.1cm都只係差0.1cm啫。佢冇正面回答我，只係話宜家寫張紙俾我，叫我返屯門醫院做檢查。我一聽到叫我返入去屯門醫院我就開始有啲炆憎！我同醫生講我今晚會飛走返英國，我冇時間入屯門醫院做檢查！佢不斷喺度話唔得㗎喎，咁樣會好危險。我開始有啲唔耐煩就問佢：你話我宜家嘅狀況好危險，咁究竟危險啲乜呢？係危險在我宮頸短？定係危險在我個囡嘅腦積水問題呢？佢冇答我。我再一次好清晰咁同佢講：我今晚會飛返英國，我係唔會改期！其實聽朝一早到咗英國之後，我就可以去見我家庭醫生，如果家庭醫生佢覺得真係有問題嘅話，佢會即時轉介我去醫院做檢查。醫生就即刻反問返我：你肯定你一定有醫生睇？你返到英國如果有問題，醫院佢哋會即時收你嗎？我答佢：係！一定會！因為喺英國如果大肚婆有事一定係優先處理。
之後我就問醫生可唔可以幫我寫返封信詳細咁講吓我宜家嘅狀況及危險嘅情況呢？等我返英國之後可以俾我個家庭醫生睇。醫生就話寫俾我冇問題，不過依家唔入院嘅話，如果有啲乜嘢事佢唔會負責。我就答佢：冇問題，如果我喺返英國見我家庭醫生之前有啲乜嘢事，你一定唔使負責，醫生你放心啦！之後佢就叫我出去等，一坐就又坐咗40分鐘左右終於都等到佢封信。收到封信之後我就即刻email咗封信俾我英國嘅家庭醫生。亦都即刻打長途電話俾診所book定聽朝早嘅appointment 。
攪咗成日，終於都攪掂哂，望吓個鐘原來已經差唔多5點半，我亦都開始有啲肚餓，同老公食少少野就搭車返屋企執埋啲行李準備出機場。終於都要帶孖B返英國啦，心情有啲緊張，話哂第一次帶住佢哋兩個坐長途機，希望孖B今晚聽聽話話可以俾我喺飛機度一覺瞓到天光就好啦。
待續……
5個讚
你好，睇完你的文章非常想了解你馬來西亞醫生的資料，可否方便給我有關IVF馬來西亞醫生的資料嗎,萬分感激
我的email:[email protected]
謝謝