我忘記咗佢中文名 
因為我多數叫佢英文名，我淨係記得佢姓葉 
好
謝謝你呀
1個讚
我是高齡，試過到台灣做兩次Ivf 失敗。請問可唔可以比馬來西亞個醫生個資料我，唔該晒
Email : angel305
可能我是新會員，佢唔比我加email 連結，唔好意思，要麻煩你係個名後面加@gmail . com
1個讚
Ok, 冇問題我宜家pm你 
上個月啱啱同孖B開咗個小型生日會同佢哋慶祝兩歲生日，我自己掛住預備生日會嘅食物同埋忙著親手做個生日蛋糕比佢哋，都冇乜時間繼續寫同update我嘅分享，就趁佢哋今晚早咗瞓，等我繼續寫個分享先。
唉！入院果一刻仲諗住住一兩日就可以返屋企，宜家咁既情況！走到？走唔到？呢次睇嚟都真係要靠彩數。算吧啦！聽完醫生咁講，我成個人醒哂，個腦不斷係度轉……幾時可以返屋企呀！我已經冇再飲中藥啦，點解仲咁高㗎，我好想快啲返屋企呀！諗咁多都無謂，不如打吓機打發吓時間好過。
話咁快又到lunch時間，無乜胃口，食兩啖就算，因為食完又要食啲最難飲嘅鉀水。
姑娘，我飲完啲鉀水好想嘔呀！究竟仲要食到幾時啊？姑娘無即時答我，隔咗15分鐘左右姑娘返嚟同我講：你今朝個驗血報告出咗啦，我嘅鉀已經回復返正常水平，今晚唔使再飲鉀水，食鉀丸就得。咁起碼你食完之後唔會再有想嘔嘅感覺先。（吓，我仲諗住正常返就乜都唔使飲添，點知都仲要食丸仔。）
隔咗一陣，隔離床嘅準媽媽就開始撩我傾偈。佢話聽到醫生講我係陀孖胎，因為肝酵素高而入咗嚟，跟著佢就話我知原來佢都係陀孖胎而且又係肝酵素高。佢話佢已經住咗5日啦，不過肝酵素都仲係好高，所以仲未出得院。（吓！你已經住咗5日？！咁我係咪都要住咁耐㗎，定係會仲耐呀？救命呀！）佢話已經同醫生堅持咗好耐要求要出院，但係最終都唔成功。原來佢已經連肝都照埋，不過暫時都仲未搵到原因。所以醫生話會轉介佢去內科check吓究竟乜嘢事而導致肝酵素高先至俾佢出院。
突然間對面床嘅準媽媽又加入我哋既對話：‘咦！我又係肝酵素高要入嚟㗎喎，我哋咁多個都係肝酵素高嘅，咁其實肝酵素高係咪正常㗎？’（點解咁多準媽媽都係咁㗎？）
待續……
5個讚
hihi,我好想知多DD。。可否pm我。。因為我唔係咁識喺呢到pm…希望你會睇到呢個訊息。。。
我email address :nicolechiuc 我係用gmail的
希望可以收到你回覆。Thanks a lot
1個讚
Hi Nicole, 我剛剛pm咗你 gmail, 你睇下收唔收到 
我email 係 ihyltwinsbb 我用 outlook 的
樓主你好 我email咗你的mythiclet/gmail,望回覆
1個讚
嘩~
咁快兩歲!
恭喜 
1個讚
我收唔到你email ，不如你試多一次
我嘅email 係 ihyltwinsbb / outlook
時間真係過得好快，好快又話要開始返學
3個讚
會唔會到佢哋畢業都未update到佢哋出世
見到你成功果吓都感動到眼濕濕🥹
我一年前流產之後再備孕到依家都未成功, 想了解馬來西亞診所的資料。可以email 我嗎？
bjviolet888 @ gmail. com
1個讚
可以呀，你睇吓收唔收到個email
你好，多謝你的分享。
可以PM 馬來西亞做IVF information 比我嗎? 謝謝你。 
1個讚
你好呀，呢排比較忙，遲咗覆你，唔好意思。可能我係新會員，我係度pm唔到你，不如你pm我，我嘅email 係 ihyltwinsbb / outlook
應該唔會掛 希望唔會啦 
嘩！唔覺唔覺原來我差唔多有成4個月都冇繼續update我個分享啦，呢4個月除咗忙著湊孖B，我又同咗佢哋去游水、上咗郵輪玩，而自己又去咗返part-time（賺吓啲奶粉錢），搞到都冇乜時間寫個分享! 就趁住份part-time完咗，我要快啲繼續update我個分享先，我知道有好多jm 都期待緊個update。
同其他準媽媽分享我嘅造人之旅，佢哋都聽到好肉緊，唔經唔覺又到咗醫院晚飯時間。不過，我發現對面床嗰個準媽媽就預備返屋企，一問之下，原來佢攞咗假返屋企瞓，第二朝7點前要返到嚟。oh 乜原來住醫院都有假攞㗎咩？！？咁得意! 
晚飯過後又到咗探病時間，我見到老公就即刻同佢講，香港住醫院原來可以攞假返屋企瞓，聽晚本來約咗屋企人食做冬食飯，我宜家咁嘅狀況睇嚟都唔可以聽日出院㗎啦，不如試吓同醫生攞假，聽晚返屋企瞓啦，咁順便可以出去做冬，第二朝先返嚟再等過啦。老公就話佢轉頭問吓醫生，不過等到探病時間都差唔多完，都仲未見到醫生，老公就叫我一陣間自己問醫生，再唔係就聽朝一早問醫生。
探病時間一到，護士又請人走喇。我老公走咗我就開始有啲睡意想瞓覺，點知隔離床位個準媽媽就喺呢個時候大叫呻吟同喊。呢位準媽媽其實係入嚟催生，今朝早打完催生針到夜晚先至開始有反應，開始陣痛已經痛到喊，過咗冇耐仲痛到嘔添！嘩！我第一時間就諗，將來到我生嘅時候，我又會唔會痛到嘔㗎呢？我宜家未生都已經嘔成咁，我好驚到時嘔得仲勁過宜家！我會唔會嘔到虛脫無力生㗎？（不過後來我先知，原來生孖B係一定要開刀嘅！唉，我越諗就越驚！都係唔好諗咁多，費事一陣又攪到瞓唔著坐天光啦！）到最後個準媽媽等到差唔多成點鐘先至推落産房生，本來諗住隔離床冇人今晚可以瞓個好覺，點知隔咗一陣有兩個姐姐就走嚟執床同換床單，然後又抹下地抹下櫈，攪到張床同枱推來推去，係咁不斷咁撞到我張床撞到好似地震咁，唉！就係咁我成個人就比佢哋撞到醒晒完全瞓唔返，望下個鐘都巳經成3點9，仲有兩個零鐘又到6點夠鐘開燈。（唉！睇嚟對熊貓眼會越嚟越深色同有排跟住我）
好啦，一夠6點大房啲燈又著哂喇，姑娘又開始過嚟check孖B嘅心跳，今日個姑娘超好，check完第一個B嘅心跳就話比我知佢準備check第二個B嘅心跳，當佢check 哂兩個B之後又會話比我知孖B嘅心跳聲好正常叫我唔使擔心（好幸運比我遇到呢個姑娘同我check孖B嘅心跳，比我一個好窩心既感覺，我相信今日應該會有好事發生）
食完早餐冇耐，醫生就嚟巡房，我第一時間就問醫生我幾時可以出院。不過佢都係嗰句要等內科醫生嚟check 咗個肝同埋等啲肝酵素去返正常水平先至可以出院（唉，即係講咗等於冇講！我夠知個肝酵素要正常返先至可以出院啦）醫生咁我可唔可以今晚攞一日假返屋企然後聽日再返嚟啊？醫生問：點解要咁做呢？因為我一早就已經約咗屋企人今晚食飯做冬，不過我宜家仲係度未走得。老人家有啲失望，因為啲長輩始終都係覺得冬大過年，做冬食飯一定要齊齊整整一家人先至開心。
醫生望咗我個file一陣，佢就話既然佢哋都唔知內科幾時有醫生過嚟follow我個case，佢就比我請一晚假，仲話記得第二朝準時返嚟。（yeah！好開心呀！今晚終於可以返屋企瞓個靚覺啦）晏啲會有姑娘安排我出院。一知道可以今晚出院，我就即刻話比老公知，佢話叫我瞓陣先，等佢收工過嚟接我。可能尋晚瞓唔到覺，所以我坐吓坐吓就不知不覺咁瞓著咗。直到lunch time姐姐派飯拍醒我。
待續……
7個讚
Hi 
請問可唔可以分享馬來西亞醫生資料給我呢？謝謝你！ 我的email是surfayew,
後面是yahoo gol hk
1個讚
Ok，我send 咗個email比你，你收到嗎？