上次講到老公出軌, 見到佢呢幾個星期無論係邊係我面前不停㩒電話同人地line message, 個賤人又驚我見到佢同邊個傾計
update:
而家好傷心, 今日佢話同佢fd食飯, 全日ws已無應我機, 之後佢send張相嚟同我講食緊飯, 圖中有4隻碗, 佢話佢fd同佢女友同埋佢女友d fd食飯
即係佢fd介紹女仔比佢識？我好唔開心
佢係想我開口講離婚, 唔想做衰人
我唔知而家可點
1個讚
唔好傷心，呢啲咁既仆街，影啲咩相講咩大話呢？算L數啦叫佢！
唔好睇，無必要！
佢越係想激你你就要越冷！
唔好問佢去邊，唔好問佢同邊個去！
佢行出行入就當佢透明！
自己去開心下，如果仲用得佢錢既就買下手袋買下名牌！執下自己！
女人唔係為任何人化妝扮靚，係為自己！
無佢你都會靚，無佢你都會開心！
7個讚
硬係先開口主動提出離婚好啲啦，飛人總好過被飛，記住同律師講是你做主動要求離婚。
查下佢有幾多身家同擺喺邊
5個讚
佢d錢係放係我度
所以我知佢大約幾多錢係身
佢而家唔開口介唔想做衰人
搵我做後備
又可以出去食女
第一件事係要佢執野即刻走。同佢講: 錯嘅係佢，未諗到點解決之前，短期內都唔想見到佢。你要攞返個主場，等佢知道你有你嘅自信，唔會受佢影響。
(因為你咁樣由佢如常喺屋企生活，佢會得寸進尺，然後愈來愈嫌棄你睇你唔順眼。你真係唔好諗住以不變應萬變= 可以返轉頭，呢個係100%最差做法。佢出到去無人無物，一開始可能有人會接濟，但好快就會比人嫌棄，始終長貧難顧，佢反而會諗以前生活舒服好多。)
第二，你要振作，搵返自己生活。出去做運動，例如book yoga class / fitness class，等自己心理心理健康啲。搵返啲自信。
有自信有自尊嘅女人最靚最有魅力。你唔好比佢睇到你喊你驚嘅一面，相反比佢睇到你知道自己冇做錯，所以講嘢可以大聲啲。
9個讚
咁你自己開口同佢離婚啦
佢都玩到咁，仲留戀啲咩？
1個讚
同埋要逆向思維
女人見到個男人好慘好後悔好可憐，會即刻心軟有同情心，
但男人相反，好勝心徵服心強，見你因為佢六神無主，甚至乎喊同自責，佢覺得佢已經贏咗，你就變得無價值好厭惡再見到你。
真係要振作同唔好俾佢啲歪理打擊到。唔需要同佢講離婚，幫佢執野叫佢走就得
4個讚
其實佢做到咁，留低有咩意思？
1個讚
講得好好
與其你日日都係諗住呢樣嘢，不如去做下運動，分散自己注意力又可以keep到自己靚自信啲
就算真係離婚你第日搵過個好男人都容易啲
加油～
我會自己出去識過個男人但堅持唔離婚，學佢咁
可能佢係處於好似KK對田田嗰種暫時仲需要啲時間(等佢)的階段呢 
反正錢係你手，搵私家偵探蒐集出軌證據，就算日後離婚佢勝算好低。因為冇實質證據，佢可以反咬你一啖話係你自己諗出嚟。
1個讚
我搵到一個一定會離婚
唔駛搵到另一個先離婚㗎！
你而家已經可以趕佢走，佢都完全當你冇到嘅，呢啲垃圾要嚟做乜？
3個讚
如果你真係想好好繼續生活, 不如先甩左佢. 你就算再搵下一個, 拖泥帶水點搵呢, 而且你自己都身分未明, 有好男人都未必敢 / 想埋你身. 咁只會係下一個悲劇.
你地而家嘅關係係toxic, 雖然係佢唔啱, 但放過人放過自己 (如果有小朋友仲影響埋佢)
你搵到新男友嘅時候，咪俾機會你老公唱你出軌囉
如果離婚就係名正言順嘅受害者，可以分佢錢全世界都唔會怪你
過來人同你講, 佢咁樣講得出口, 都應該對你完全無晒感情! 佢唔離婚, 唔係因為你, 只係為左佢自己, 唔想同全世界講佢係衰人, 唔想畀你哋屋企人知道佢因為咁樣而離婚! 佢都係想你開聲先者!! 同我嗰時一模一樣, 我都經過咗大半年唔係人既生活, 真係好辛苦好痛苦!! 最近我終於都放開了, 我唔可以教你點做, 但你自己必須要清楚自己想點做, 做咗唔好後悔就得架喇!!
有咩唔開心, 上嚟搵人傾啦!! 你既人生係你既, 無人可以幫你決定到, 好好諗清楚!
多謝你
我諗住今晚問清楚佢,因為我有小朋友5歲
雖然佢d錢係係我度, 我係驚一走佢唔會比錢我, 或者一時比一時唔比, 同埋唔想影響小朋友
我呢個月個人好累, 佢不停挑戰我底線, 睇下我幾時開口, 我驚自己有抑鬱
佢電話密碼改晒, wallpaper又轉埋, 係好彩上次佢無鎖機我先有機會睇到原來佢係有小三