如果要離婚千萬不要搬出自己住緊嘅地方(離婚律師教嘅)，趕個衰佬走就可以
自己內心要強大
離咗婚 打埋官司
唔到佢唔俾贍養費
同佢死過
無得驚咁多，真係決定離婚嘅，媽媽都要靠自己啦！佢畀錢還佢畀錢，你都要安排好自己同小朋友嘅生活之後，重投職場會好啲。一來可以幫自己增加返競爭力，二來可以擴闊返生活圈子，可能仲會遇到好姻緣添。
喺我經歷裡，男人信唔過，女人一定要靠自己，但我贊成係你拎得幾多就幾多，但一定要自己有心理準備都要出返嚟做嘢，靠自己，愛自己。
1個讚
hi咁多位, 昨晚佢終於同我講清楚, 第一句問我小朋友每月會要幾多生活費, 我會同佢計盡佢, 假期會同小朋友出街玩
跟住佢好多藉口話自己人好累, 唔想繼續行落去, 佢自爆話係電話已經del晒同我所有合照, unfriend埋我fb, 唔想再有回憶記住
因為間屋係租, 叫我呢兩個月準備執野各自各走, 頭先我一路執一路忍唔住喊出嚟, 昨晚聽佢講清楚都無乜感覺, 諗諗下唔明點解會變成咁
big hug! 事情到左呢步，你要加油
為母則強，你一定ok!
樓主加油, 婚姻就係咁, 一方唔想行落去再拖都係痛苦 (況且佢都講到咁絕)
有小朋友陪你佢又肯比錢的話唔算最差, 我知咁樣講都好無意思, 但希望你振作, 多D上嚟傾下或約朋友見下食下好嘢, 慢慢放下, 未來生活以自己同小朋友為重心, 一定可以雨過天青!
1個讚
試下約佢朋友上黎食飯
或者一齊玩
睇下佢哋啲反應之類
都係收多啲風先好
樓主. 我知道呢刻你一定好唔開心.
但要記得你要為自己同小朋友加油,堅強!
佢唔再拖對你地都係好事. 你都唔駛再花心思係呢個賤人身上. 你要記住對唔住你既係佢.
無需要再為佢留戀!!
之後安排好住處, 小朋友起居先係最重要.
或者呢刻你好無助. 不過呢度每位都好願意聽你傾訴. 有咩唔開心再話我地知. 我地支持住你!
2個讚
唔好再深究原因，個男人無情無義，早d甩咗佢對你係祝福。
佢已開口，以為自己好型好瀟洒，應該自我陶醉緊，你要比佢更型，顯示出你先係得益同開心果個。女人無論幾多歲乜嘢角色，最緊要活得有尊嚴。而且女人最強報復永遠係活得比佢好。事到如今，為自己爭口氣。加油
7個讚
你係咪冇工作？
除咗小朋友生活費、仲有你嘅贍養費，佢都好醒喎，淨係問小朋友生活費.
你夠唔夠錢請律師？如果唔夠可以申請法援.
點解要喊? 你喊便輸了。
可能佢覺得佢可以冇左你，但你唔可以冇左佢，全因為你嘅性格。佢做錯左，反而喺你要喊。你需要既野係要報復，活得比佢好。
為左小孩子堅強啲！
最重要係你同小朋友！
洗唔洗搵律師同佢計？
唔講心就講金！一定唔好同佢慳，所有野計盡計多！小朋友越大開支都會大！
特別係租金！揀個好啲既區準備小朋友入小學！
當然長遠計可能你都要搵工！
唔洗怕架，世界好大架！
傷心過就盡快振作，冇人冇左邊個唔得架！
身邊的同事各自有家庭，表現得好想比人知咁，好似覺得仲有吸引力而有滿足感。
佢覺得係佢選擇唔要你，佢更加覺得自己好掂。
算把啦，一個人追求咁嘅心態，點會自省。
有幾多婚外情係有真感情？
不要覺得比人棄，係佢人格問題。
同個小孩好好生活，有些人不值得同佢一生一世。
將來老左病左咪使旨意有人理佢。
2個讚
我有返工
只不過係驚佢比小朋友生活費有時比有時唔比
你要加油！呢段日子係會非常難捱，不過難過既日子總會過，好好照顧小朋友要緊
我呢兩日入嚟BD都諗起你，好擔心你，因為我都經歷過離婚.
如果你結咗婚5年以上，你收入少過佢嘅話，都可以爭取贍養費.
你驚佢比比下唔比，可以同佢傾一筆過比.
加油呀，希望幫到你
如果唔比有咩方法? 凍結銀行戶口?? 
我都經歷過，唔易過。當日我仲要係full time mom，一湊二，諗孩子前路嘅時候，都要好好留意自己嘅情緒，加油呀媽媽
就係要同對方傾一筆過，好過每個月擔心d賤男唔俾.
唔俾嘅話，搵律師追，追都唔俾嘅話…
如果佢有物業，睇吓可唔可以釘佢契.