本身已經4x歲遲結婚，結婚前都無打算生bb，唔知點解結婚後好想生，喺婚後兩個月就有咗，知道有咗陣時咁啱book咗威院私家睇輔助生育，仲睇咗兩次添，一次幫我驗孕第二次就去照閃閃，好記得當時係開心到癲咗同老公係咁傻笑，之後就喺出面book 8w私家產檢，點知咁就無咗心跳停胎了，6個月後又再次自然懷孕，可惜係宮外孕兼從無照到閃閃，呢一次算無咁傷心。
到咗宜家事隔大大半年，終於的起心肝去做ivf，喺做ivf之前做咗一次iui唔成功，一個多禮拜前抽卵幾日後放胎宜家仲等緊開彩，不過算是有bingo經驗嘅我覺得今次唔成功…
咁啱就睇到大J講佢地4次放胎都唔成功，又捱咗好多針藥痛苦，睇返自己只係打咗十幾針抽卵放胎又無預料咁辛苦，算係好感恩，不過又咁講，明明身體算好好，由本來得兩個基礎卵泡到抽時有五粒，仲全部授精有兩粒Grade A、一粒B+可以雪，連醫生都話以呢個年紀來講算好好成績，如果試哂都唔成功都唔知下一步可以點…
一直都無同人講呢件事，盡量保持心境平靜，係到就來開彩又預計會失敗個人開始有少少抑鬱，希望大家可以陪我傾吓，同埋呢度好似好少講ivf，開個po一齊吹旺佢！
加油呀，條路唔易行
有咩上黎呻下，解下壓
我當年胚胎等級只有一粒B, 其他都係C-D, 最後都成功。 加油
。
Hello, 我係IVF 媽媽呀, 明白你嘅心情
其實你都只係放左幾日, 得唔得仲言之尚早… 雖然我自己都知道好難, 但都係老土嗰句, 盡量放鬆心情, 唔好諗太多住. 你之後再update 我地啦. 仲有好多方法可以試… 不過可能你之後都唔使呢
樓主支持你呀~
你成績真係唔錯 
我都抽左卵
但十幾粒得四個胎可以雪咋 
我都覺得BD 最近好似無開始時咁旺
希望可以開多d 新topic 吹旺佢!
你唔使唔開心㗎，只係你個真命天子仲玩緊仲未嚟搵你。你宜家盡量要保持心情開朗，唔好諗咁多負面嘢呀！
其實你由初時只見到有兩個卵泡到最後可以抽倒五個，仲要全部受精已經好犀利㗎啦！咁你可以雪嗰幾粒受精卵係day幾呀？
今次失敗係放咗兩粒鮮胎呀，醫生話多數都係基因問題，來緊會放埋唯一一粒雪胎Day5，希望可以再放鬆心情多啲啦…
完全明白，我自己都係過來人，都係高齡先至去做IVF，醫生亦都有講過年紀越大，基因問題就會越多！不過總會有正常嘅，但係要時間去搵。你有冇考慮去做PGS去幫你搵?
醫生話得一粒做都無意思，唔做直接放好過
放埋呢粒，之後唔會再做ivf了無錢了
明白，既然係咁就唔好諗啦。我記得我最後一次做IVF嘅時間都係用一個‘唔得嫁啦’嘅心態去做，當時乜都冇諗，心情好放鬆。結果就成功咗，你都要加油啊
加油呀! Day 5 質素應該會好好多. 你會唔會休息下+調理下先再放? 例如暖宮. 我睇開一個針灸師佢幫助好多IVF 個案, 有需要可以PM 我. 另外浸腳都有用
放完食黑朱古力同菠蘿芯，睇吓有冇幫助
我係高齡做ivf 媽媽, 前後做左3次先成功
ivf媽媽，你地通常放幾次先成功呀？
試下飲檸檬水，可安胎！
想問點收費架～
我已經用最少嘅針藥，宜家一次植入total洗咗100k左右，再放一次雪胎加多20k
係肉痛嘅，不過同自己講錢可以再搵，博盡無悔！
香港做真係好貴呀
之前好多姊妹都係去台灣做
不過依家無計啦，貴都要做，時間唔等人