我自己就係台灣做的
你用咗幾多錢呀
香港做一次大概10萬，其實台灣都只係平少少……
都係好貴
都唔只少少架… 可以平到一半, 同我同期一齊做嘅有啲人佢揀air b’n’b 或住平啲酒店
睇過啲Youtuber分享台灣用藥都幾多，睇完有啲驚驚地，雖然覺得打針唔痛，唔知點解去到尾幾針有痛，愈緊張愈痛…
如果慳到一半好好，同埋我覺得台灣成功率好似高D
我無喺香港做過 / 無研究過香港做法, 不過係有聽講過幾次台灣用藥比較進取. 我自己喺台灣嘅過程我唔覺得特別多藥, 正常 (不過托賴我個狀況又無咩特別), 而且覺得好efficient,自己順暢, 醫生好有經驗, 同關懷求診者.
回想返, 最恐怖係自己幫自己打針, 但我諗最大部分係心理, 痛就真係唔痛嘅… 但衝過左打左第一針, 就覺得真係無咩大不了. 著床後試過有唔穩定要打黃體吉pat pat 嗰個就真係少少痛嘅
1個讚
台灣有幾個出名嘅, 好多香港人去搵嘅, 都只係生育科, 專門做 IVF / IUI, 唔接其他野. 香港好多醫生雖然有做生育科, 但佢地都係婦科, 繼續處理其他問題, 係我其中一個揀台灣嘅原因, 好似更specialized 同純熟 (呢個係根據我2018年自己嘅research)
可唔可以講你去邊間做? 之前都想要台灣做, 但covid19攪到去唔到
我都係ivf，一樣無同人講我做ivf，因為順利嘅人唔會明白點解要做。
3個讚
王x瑋, x =家
好好嘅醫生, 有經驗, 會關懷你
我唔會特別同人講, 但人地問我唔會否認. 如果有興趣知都唔介意講多少少. 有時對方可能經歷同樣困難
Ivf過程令我情緒有起落，有時唔開心都會想搵人傾下
2個讚
上黎同我地傾啦. 無做過 / 經歷過又真係唔會好明白…
傾吓啦，我都啱啱放埋最後一粒，盡量放鬆緊心情，今次老公唔准我偷驗，要我聽多啲歌少啲上網…
岩呀唔好偷驗～早驗不論有冇紅線都未必準，唔好增加煩惱
同埋有D好容易懷孕嘅朋友,可能有意無意講D說話好傷人
「唉邊有諗咁容易又中,一次咋!」話我玻璃心都好,聽到個心會唔舒服,佢哋亦都唔會明我哋嘅掙扎
4個讚
講者無心, 聽者有意, 所以都係我地自己圍內講啦
呢度有無內膜薄既朋友。。。。。。？