阿b過多幾星期就出世
本身book左喺廣華 / 法國生，但老公安排左我入屯門住。其實我唔想，因為點趕得切出返九龍生
於是返左我媽度訓
諗住搵埋阿媽幫手湊孫
但阿媽佢又唔想交收個孫，我話搬埋去佢隔離住，佢都話唔肯過去我度幫幫手，因為要湊我兩個30歲嘅細佬妹
咁搵爸爸幫手，爸爸又要食煙，同埋佢男人湊仔有啲那西，諗住請個工人姐姐幫手，我爸又ban左，話唔要工人姐姐
咁我咪同老公講，唔得呀，租九龍嘅樓加請工人喺屋企啦，我都可以教工人姐姐湊b呀嗎，同埋有啲有湊過嘅都ok嘅
佢又唔肯
其實我地兩個加埋最保守搵7-8萬一個月，佢係咁話請工人開支大。其實大部份嘅開支都係我俾，因為我搵得多過我老公兩倍，有時唔止。成日話有錢唔係咁洗⋯唔係咁洗咁點洗⋯？我又唔係買名牌，又唔係亂洗⋯你話我貪慕虛榮買名牌就話姐，家陣唔係喎！
開支係大，但唔會儲唔到錢。而家返左我媽度住，我俾晒家用，計埋自己開支，最少我自己一個人一個月都儲到3萬。出去教得多書個個月唔只咁少。好似呢幾個月咁，都會去唔同地方教書，咁就一個月儲到4皮幾有時5皮都得⋯
之前老公又成日想我入屯門住，因為老爺奶奶喺屯門，可以幫手睇b，但我去到咁遠冇精力走唔同地方做野，仲未計我要泵奶餵奶。之前都搬過一啲野入屯門，大住個肚，出出入入，好辛苦，我結果都係頂唔順個種頻撲。
有時我要返九龍正職嘅工作地方，有時要放工後去唔同嘅大學教書，有時要去港島區教自己嘅expertise（仲要我教個範暫時冇人可以幫我教到）。住屯門真係搞唔掂，就算有屯馬線西鐵都唔係咁輕鬆。因為住嘅地方根本唔近呢兩條線，仲要再轉車。
我仲有兩三星期就生BB，但而家日日喺度喊。我知我應該depression翻發，我生完都會去睇精神科處理左佢。
只係我覺得自己好似做乜都錯，做乜都唔合自己同人地心意咁⋯
我最希望放工可以好快手返到屋企同阿b玩下休息下，唔洗熬車熬咁耐
佢就一句話：以後唔好入黎屯門
但佢又好似好唔想出九龍住咁
唉⋯我唔知可以點安排湊女呢樣野⋯
5個讚
你搵到錢你自己決定，佢想你住屯門只係因為佢想將你掉比佢老豆老母，亦冇為你同bb著想
理得佢，你咁有本事當然靠你自己
佢仲講叫你以後唔入屯門？伸佢上天花板啦
5個讚
係咪你老爺奶奶想湊孫？你幫老爺奶奶請工人，住屯門，然後自己駕車返工得唔得？
你老公搵錢唔夠你多，可唔可以叫佢負責主力湊小朋友？
你老公應該係想繼續住屯門，同埋住近父母；而你父母唔想湊孫，你無謂強人所難。
1個讚
幾個都肯湊，但個個都有大前提
老爺奶奶就好好嘅，但湊b standard唔岩我，我唔可能樣樣jer住奶奶，唔想奶奶唔開心
我以前車禍俾車撞過，盤骨同腳傷過，唔敢學車，驚累到人
正因為咁我更加要stay返九龍方便我返工湊B
講真細個住過屯門，唔揸車真心辛苦
唔夠訓我都驚出車禍
黎緊有小朋友，你要我又早起又泵奶又餵奶，唯一冇咁辛苦係住九龍，方便到我
講真我老公喺港島工作，住九龍佢都方便啦
但佢話自己唔怕熬車，習慣左喎
我就真係唔會想浪費咁多時間喺車上面⋯我仲有好多野要做
咁你都諗哂啦，係要說服老公啫！
咁如果你老公要企硬，你都係要搬入屯門，無計
我自己有錢，我都一樣企硬自己搞掂佢，自己租樓請工人
之前我話同單親媽媽冇分別，佢自己話我安排到咁
佢唔好諗住大我先得㗎
我唔介意佢搵得少，但唔好黎大我
我可以好小鳥依人，但做得人阿媽嘅時候就唔係咁講
16個讚
其實係㗎，搵得錢多都可以做小鳥依人，不過個老公都要識做
你工作又真係要住九龍嘅，你老公應該要體諒
屯門佢買起ka？女人要絕起上嚟，真係可以一世唔去一個地方。
從對話中睇到你老公只為自己諗，完全無為你諗過。
佢係迫你就範，無一段說話係同你商量。
如果你一意孤行，你估個結果會點？
你開始搵九龍嘅樓未？
3個讚
小朋友得你一個可以幫佢發聲，其實一切以小朋友為先，你係女強人，有啲位吾好就人
1個讚
我覺得你請左工人姐姐都唔好同屋企人講咪得，
如果你人工7-8萬一個月，
請工人5000-8000蚊可以諗下。
你屋企人要講咩咪由佢，
錢係你賺既。
人無可能做到十全十美。
生完坐月休息都好重要。
Bb一晚醒幾次，
唔夠訓又要做家務，
好辛苦。
多個人幫你手你可以抖下。
1個讚
佢住慣左屯門，本身我都買左樓花，個陣未有小朋友就覺得遠少少冇所謂，但冇左小朋友唔係咁講，所以我就決定撻定。加上係一房，冇位請工人姐姐，所以都唔可能要個單位
九龍樓睇緊呀
都識好多做地產嘅朋友幫手搵下啲盤
我都做過小朋友，我明住得遠有幾辛苦
個陣我媽為左就我老豆返大陸睇廠，搬到入屯門咁遠，但返學喺灣仔半山
我死都唔會再重蹈覆轍
1個讚
Exactly
我仲要而家妊娠糖尿，我一定係自己煮，我都唔期望工人姐姐煮俾我，佢幫我手備下餐買下餸已經足夠
返工、讀書、湊仔（第一份工日日返工都要湊無數嘅bb）、家務、烹飪，我樣樣都得
但我唔係千手觀音，唔可能一個人做得晒
其實你都經歷咗咁多野，唔係要你同個老公離婚不過你有啲嘢自己搞得掂你就信自己，小朋友第一年係好脆弱要好小心照顧
我估呢男人呢未去到最後呢都唔知發生咩事，為咗個面呢以為咩都做到
佢說話太傷人，太自私了，完全無考慮你陀住個b嘅辛勞，日後你歸心似箭睇bb嘅心。
就算搬去邊都好，bb出世後，你唔洗旨意佢會幫手。
你好大機會單打獨鬥。
3個讚
