如果你唔打算靠老爺奶奶湊b既話，唔洗理咁多，唔去就唔去！
我成日都覺得大肚婆應該差唔多係大曬！
如果依家你都「冇say」遲啲就「冇訂企」
同埋九龍區的確多好多好學校！
為小朋友未來計劃！
4個讚
我自己又有分俾阿b入返母校讀書，所以九龍區我可以方便第日阿b返學
我唔望佢讀得叻，但起碼喺名校打好個底
根基好係差好遠
我好緊張個b
之前陀嘅初期嘔到血都嘔埋，成日驚影響到阿b
而家又有貧血同糖尿，又係驚影響到阿b
我都未重得返去原先要求嘅磅數，仲係11x磅左右，好在重晒喺阿b度
幾驚佢唔識大
真係養兒一百歲，長憂九十九
2個讚
我叫過佢去學湊b，但佢話驚我抦佢湊得差
咁咪再改善囉
女人平時唔使特別當公主，但陀B就真係要就晒佢，搵命搏㗎大佬
做男人擔頭家搵少錢冇問題，但唔錫老婆仔女就好唔要得
4個讚
你老公似係自私唔想用腦，唔肯改變生活方式，一句講晒係幼稚。
就算冇B, 兩個人如果對生活地點有分歧，都要坐低傾架啦，邊有得傾唔埋叫人以後唔好入屯門架，小學生鬧交咩。
但做兩公婆又冇得發難分居，可唔可以傾下條件呀，例如要求用兩年租約為期，試吓搬出九龍，最多買架車比佢自己揸返入大西北。如果要99幫手湊，咪租夠三房四房請佢一至五舒舒服服暫住一下，再請埋工人幫佢手囉。老實講，住過市區仲要港島返工，邊返到轉頭丫。兩年後分分鐘係佢唔願搬返入屯門。
我就主張夫妻盡量妥協傾掂數嘅，但呢單嘢真係有低線呀JM, 我只睇帳面，屋企邊個係收入主要來源，邊個有較大需求，當然有優先被遷就嘅權利㗎啦。你要求唔係任性而係實際需要喎，個老公咁都唔體諒，真係講唔過。
最後我希望你老公唔係因為自卑心作祟，所以唔想順你意，如果唔係都幾難理性咁傾。
3個讚
無錯！好快就讀幼稚園，呢頭入左幼稚園呢頭就準備小學既野！唔係講笑，真係好快！
如果九龍區方便你就係最大理由！
認同！少少裙腳仔！
1個讚
如果要繼續溝通
可能唔好將重點放喺錢嘅問題
而係要令佢明白大家將來湊小朋友嘅辛苦
試下同佢一齊傾下每日湊BB加埋返工放工嘅schedule 住屯門同九龍嘅分別
最好寫埋出嚟 Visualise成件事等佢明白個問題
其實你知道worst scenario嘅解決方法
不過希望你哋唔需要去到咁嘅情況
你下個月就生但而家都未搞掂住嘅地方同邊個幫手湊嘅問題，真係好急下 
1個讚
男人生仔，為左佢阿媽交代
4個讚
你人工高 自己安排晒野 仲有錢儲 真係好叻
大可以唔理你老公 佢真係小學生打交咁 同埋有裙腳仔影子
一於聽佢講，唔好入屯門
你自己既生理心理需要最重要
3個讚
其實你個情況，搭車來回，出街食夾夾埋埋仲貴過請工人。不過我覺得都係你老公嘅籍口，不如問清楚佢點解咁抗拒搬出去好過
2個讚
小朋友讀書後話，但生出嚟頭兩年你都要就下個老婆啦吓話
有時男人諗野都好理想，我老公起初都唔肯請工人，話奶奶湊。結果，我陪月話似係我奶奶坐月多個我
我姑仔最終做咗件好事，就係說服我老公請工人。而家我老公終於知道工人重要過奶奶
不過樓主都要調節自己，唔好迫自己全人奶，有時有啲位就同其他照顧者互相遷就下。要照顧好自己情緒，bb先健康。同你返工要走嚟走去，我既方法就係全Uber，等自己慳返啲時間陪小朋友。加油
5個讚
啲男人成日覺得自己老母萬能，但佢唔記得咗佢阿媽已經老照顧唔到小朋友，跟住佢哋老母又要面又唔會咁講
1個讚
因為點湊都唔輪到佢湊，佢當然揀唔出錢由啲女人頂晒啦，自私到死
我自己都係過來人，
有時半夜脹奶痛醒咗起床泵奶，
Bb又一晚醒幾次要飲奶。
有個工人係身邊幫你係好啲。
可以幫你買菜，洗奶樽，洗bb衫。
做下日常家務。
Bb沖涼係你身邊幫下手。
好好多。
休息夠先可以上奶上得好。
過來人說法，初生b好多野煩要顧，可以用錢解決到既問題就唔係問題，所以支持你住九龍請工人，因為你既時間＞錢，一定係咁做。
你老公一直搵得少，唔知會唔會影響到佢眼界，連睇野深度都變少，即佢思維跟唔上你，唔明呢度使少少但慳返黎有幾大價值，而價值觀又人人唔同，既然你說服唔到佢就做比佢睇，又如果因為你地住九龍而佢竟然唔願一齊住偏要住屯門更加似係逃避責任，咁樣已經好清楚個問題係邊。
為左小朋友同你自己，唔好聽你老公，要住九龍。
9個讚
如果你搵錢多過你老公咁多，根本你都有能力去搬+請工人，唔洗諗佢咁多
生左出嚟好多時都係媽媽湊多過爸爸湊，除非佢好老定自己湊多過你，否則我就會叫佢收聲，配合就可以了
3個讚