其實唔係第一次, 之前會冚住阿仔對耳或者拉開佢. 尋日我煮緊飯, 佢又响度鬧個仆X政府…我明呀, 我都成日鬧, 但唔駛連還係咁仆X, 個孫就响佢隔離…
明白電視都會聽到, 但唔會兜口兜面連續係咁講4,5次…
我仔雖然講嘢唔叻, 但都唔駛一嚟就學仆X啩… 
已經即時stop佢, 但佢好似get唔到, 同老公講佢又冇反應 
1個讚
奶奶湊？老人家慣左口我諗都好難改口
個仔幾歲先
唔係佢湊, 佢講親呢個仆X政府就立即好毒舌… 唉, 所以佢嚟親我度我都盡量唔開電視唔睇新聞
嗯…
控制唔到老人家，就要教個仔，仆街係唔好嘅字。
2個讚
下次冷靜咁講「唔好係小朋友面前講粗口」
既然get 唔到，就直接講！
你冇鬧佢，只係直話直說，唔好加太多語氣，就冷冷一句「得」埋去就可以！
我個人唔反對講粗口，自己本身同朋友一齊都幾粗口
不過小朋友細，怕佢哋係唔適合既時候用左，咁就唔好喇！
3個讚
我爸成日講粗口，我同我家姐都係咁長大
大咗之後，家姐會講多啲，我就好少講
到我家姐個仔出世，我爸都係照向佢面前講粗口
姨甥仔細個果時，都有話我爸，叫佢唔好向小朋友面前講粗口，老人家幾廿歲講慣晒根本都戒唔到口
話得多唔聽都唔理佢啦，每次佢講就教姨甥唔好學公公講粗口
話咁快姨甥仔而家16歲，咁多年以來，一句粗口都冇聽佢講過，至少向我哋屋企人面前冇講
所以我覺得，粗口係小朋友一定會接觸到嘅嘢，爭在家長有冇教佢哋唔好講
就算有長老成日講，都唔一定影響到個小朋友，唔好咁擔心
13個讚
講真行出街聽得仲多粗口，手然、九鳥…
仆x算少事。
其實就算屋企無人講，
番左學之後，
同街外人接觸總會聽到粗口。
應該係教小朋友，
呢啲係無禮貌既說話，
我地咁對人講嘢好唔尊重人。
麻麻無禮貌我哋唔好學佢。
佢未必有心，試下neutral 提醒
如果仔仔係普通小朋友可能我會同佢講點解, 仔仔有言語發展遲緩, 呢排叻咗開始做copy cat, 未必聽得明道理, 所以唯有同奶奶講叫佢避忌下. 多謝你
可能係要當面講
但講真人真事你知，有兩公婆一直無喺小朋友面前講粗口，結果個女十幾歲時成日講粗口仲有英文粗口添
你可以教下個仔話講粗口唔係一件好事，會影響人哋觀感果啲
我就咁教個女既，我教佢話粗口好多時都針對女性來侮辱，女仔最好唔好講
我想講我爸媽都係咁
開口話佢哋、就話你都係咁大傢啦、喺個仔面前扮咩上菜
我唯有少上去。
所以我同老公講、我冇乜父母緣、關係唔好唔係冇原因。
2個讚
唯有控制小朋友，就算老人家唔講同學、係街、youtube片都會聽到
+1 我父母都會粗口鬧人、事，但我哋做細嘅都唔會講，小朋友要學講粗口其實學校大把同學教佢
媽媽可以唔使咁擔心。
正面啲睇，你有個黃奶奶
總好過對住個nancy
2個讚
係呀，我奶奶一句粗口都唔講。佢話最憎人講粗口，個人把口就懶愛國，仲話第日返上去讀書好呀、普教中好呀、簡體字好呀。
佢自己連上面啲國情都唔知
1個讚
我都想講，難得99一齊罵正苦
我爸媽直頭粗口、話極唔改添
我女2 歲已經不停問「D」「L」「仆X」嘅字點解 。唯有平心靜氣教、同快快搬走
Same here, babe！
我都係冇父母緣，尤其媽媽