老人家講粗口可以話係不能避免
我老豆係藍領，我由細聽佢講粗口講到大，冇影響到我日後，佢講粗口係自然到有時佢爆咗粗我都冇留意。
阿仔出世後我都有段時間介意，當bb 開始大，老豆又講粗口時，我會話唔好喺bb 面前講粗口，教壞哂，但講多幾次，你發覺都係冇乜幫助最關鍵係要教個仔分咩係粗口，係鬧人唔講得嘅。
咁阿仔大個，開始識聽，有時屋企人講[痴線]，我仔都會同我講返，媽媽，（某人）講粗口，佢話痴線，唔啱嫁我就會幫口話返某人，你講粗口唔啱
咪係囉！「仆X正苦」好啱聽呀
可以試吓同仔仔解釋呢個詞係咩意思，咩情況用，咩人唔適合講等等…
等佢知道下唔係咩字都講得都好
我老豆由細食煙食到大，佢完全係我反面教材，我到而家都未食過
你長老唔講，周街阿叔阿伯都會講，佢總會聽到，問題係你點教者
我老公都好多助語詞，完全冇做人阿爸嘅覺悟，真係好想「星」到佢暈七日 
其實我老爺奶奶大伯嗰啲都有講粗口，不過佢哋都知我唔鐘意，唔小心講咗都會話「唔好意思」。
我哋有教仔仔講粗口係無禮貌，係「曳曳」。所以我小朋友有時晌街聽到人講粗口，佢會細細聲晌我耳邊講「媽媽，佢曳曳呀」；又或者老爺奶奶口快快爆粗，佢都會話「阿爺你曳曳！」（然後我老爺會話「係呀爺爺曳，唔好意思」）