（長文）
未生bb前同奶奶關係都ok,相敬如賓。
但一生左bb，果陣工人姐姐未到，我有請陪月，陪月走左亦都有請保母湊b，奶奶就話要留喺我地到住幫手湊bb就開始愈來愈大磨擦。
奶奶每一樣野都會同你唱反調，覺得自己果套一定岩。仲周圍同親戚講我坐月時唔做野，唔湊bb，咩都要佢個仔做，點點點。
由果刻開始我就好討厭佢。工人一黎左，奶奶都唔洗再喺到住，到依家工人湊左bb都兩個月，湊得幾好，bb都9個月大了。我諗住奶奶都係得閒黎睇下玩下b，唔會激到我啦。但原來當你討厭左一個人，佢做咩你都會唔順眼，例如我好唔中意佢𥄫住我工人幫bb沖涼、換片、餵粥、我好唔中意佢一黎到淨係識得抱bb抱到走為止、唔中意佢話阿b中意嫲嫲抱多過媽媽等等
同老公講呢d野通常都會嘈交，佢覺得奶奶依家只係日日黎睇b，已經唔係住喺到就由佢，叫我忍下。
其實係咪真係我太敏感？我依家係佢一黎到我就會好唔開心咁走入房，到佢走左我仲係會心情勁差。我唔想因為奶奶影響同老公嘅感情。
衰D講
易請難送
一早就唔應該找奶奶住埋一齊幫忙
佢依家未係要來“宣示主權”
（唔係做咩要話嫲嫲抱好過媽媽抱）
一屋不能有兩個女主人
你老公又走係怕麻煩唔理
4個讚
呢句好岩
但你老公都有責任要做中間人控制下佢呀媽
2個讚
搵機會搬遠d
-
奶奶唔識做。
-
你產後情緒波動比較大，睇咩都唔順眼，換轉係你阿媽都一樣，不過自己阿媽一早已經發咗爛喳。
-
老公更加唔識做，佢可以做協調者，勸諭佢阿媽少啲上嚟，大家都需要私人空間。
7個讚
唔好畀佢日日嚟睇B，嗰個係你BB你屋企，叫你老公講，佢唔講就你講
如果佢日日嚟煩，你叫你阿媽都日日嚟
可唔可以搬遠D?.. 等佢無咁好心機日日黎?
“阿b中意嫲嫲抱多過媽媽” 
咁講野…
難怪愈來愈討厭佢… 你先係媽媽
我都有同99不和過而家無野。呢家回頭望返，會建議你留意呢幾點：
1。有機會係體內hormone 作怪，所以產後1年見到佢覺得佢好乞人憎又唔想衝突既都請迴避。
2。老公同自己感情如何？唔想佢做夾心，或者講完佢都無反應又唔幫你既就將怒氣發洩係佢身上就夠，仍舊迴避99。（但我個時係連老公都迴避埋2個都唔想見）
3。自己心態係好難調節到，你只可以睇唔到當唔知，同埋唔比佢上黎咁多。到hormone 平穩返再睇睇有無好d.
4。到最後都搞左成年，見老公同99終於識尊重返人我先慢慢接受返佢地。
6個讚
仲要阿b伸哂手想去番我到，佢都仲咁講，真係o哂咀
明白你感受
生完係咁，你討厭佢時，佢做咩都覺得唔順眼，我當年都似你一樣，好憎佢成日上來煩。生完一年後好少少，相敬如賓，少見左就冇咁大磨擦。
盡量唔好同佢起衝突令自己難受，多啲同其他人傾下會舒服啲。真係唔想見到佢，就帶bb返娘家住幾日啦
我老公就係覺得純粹係我睇佢阿媽唔順眼
諗住用bb讀書做籍口搬
有時真係人都癲，一日黎兩次。
佢仲要呢個月退休，日日得閒無事就走過黎。
係又點﹖佢係咪唔使解決﹖你就係唔順眼佢係咪照畀佢阿媽日日過嚟﹖
最重要係你老公明白你唔開心d咩嬲d咩，想你奶奶尊重返你先係bb媽媽啫，如果佢唔明嘅，你話要搬佢都未必肯未必需要
呢d磨擦係靠老公解決架，佢都唔想大家關係越來越差架
我都有類似經歷，聽過好多過份嘅說話，最後我老公嬲到唔同佢講野，見面大家黑面，我奶奶先開始尊重返我地，俾返d空間我地，大家關係先慢慢好返
差d 以為係自己出post, 我同你一模一樣坐月個陣奶奶黎左住，"照顧"左我2個月，其實已有哂工人同陪月唔需要佢，但個陣面皮薄唔好意思推。
後尾發生太多事，我谷埋有次忍唔住爆佢，佢就終於肯搬走。我嫌自己爆佢爆得遲。
明白樓主心情，已經唔使佢幫手湊，但佢成日話以前點點點，啲老人家話點點點，同佢講醫生話乜乜乜佢又理，又話我個小朋友成日都痴住媽媽，我個小朋友唔痴我，唔通痴隔離屋個師奶咩，有幾次我忍唔住暗串佢，佢之後先識得收下把口。之後到佢個女都生左bb，佢講野就好左，可能佢個女有同佢講過掛
4個讚
唔中意係好正常, 唔係你小氣。倒返轉咁講, 我99一開始都係咁, 之後唔知係我睇慣左定係佢真係做少左(BB大左都唔到抱走就抱到)。你老公同你99嘅感情好睇佢地本身嘅關係。佢地關係唔好, BB出世後變差都唔會100%係因為你嘅反應。如果佢地關係好, 你老公就更加要幫口。
好似樓上咁講, 要眼得返99順眼, 可能要1,2年都唔定, 慢慢來。當俾鬼壓又好, 唔俾佢上來都好, 你自己情緒最重要。
1個讚
原來咁多人同我一樣…
樓主你如果可以放開到，情況又許可嘅話，試下佢嚟你就出去放風，減少相處同減少見到佢，係會冇咁唔開心
唔得嘅話，就多啲藉口話約咗朋友上嚟屋企/要去人哋屋企玩
1個讚