唔止架，佢有句口頭禪好勁架，無論bb做緊咩都好，佢一定會講：「bb緊係想要嫲嫲抱啦」
如果唔係疫情，我娘家又太遠，我一定番娘家賴死唔走
叫佢直接同奶奶講，佢唔肯，叫我自己講，佢簡直想婆媳大戰
tbh, 個時我聽到都火起。但呢家只會一笑置之唔會記住。樓主，呢個係過程，會過去的，你要捱得住。
佢係咪第一次抱孫？聽你講佢之後仲得閒，你要諗定策略點應對呢種搵心靈寄託既人。為左日後關係唔想mak面，逃避可恥但其實幾有用。
2個讚
痴L線…聽到好um耳… 
唔好比佢影響到你既心情…
叫你老公出聲…叫佢唔洗日日黎… 同埋有疫情 出出入入都唔好啦…
同埋要留d空間你同BB相處…
又唔需要佢湊…無需要日日黎囉…
一星期一次都夠啦…
如果我老公都可以咁同一陣線幫我就好
我個時我老公都唔願出面（就算出左都成效好低當無做過啦），所以我2個都嬲晒。
經驗教訓就係，老公唔理都要不斷暗老公，唔使鬧交tone, 係碎碎唸既tone, 點到即止，但一有機會就暗佢。因為你唔係expect 個男人想幫你解決問題（你想佢做野但佢太廢太無能，而且唔想佢發你爛渣轉頭，但你又要搵位發洩，所以暗佢），而係佢要知你唔開心好委屈，源頭黎自佢媽同佢本身既無能。
你可能會覺得你做緊怨婦好無用，實情佢係你出氣袋，佢解決唔到佢媽就要做你呢個下把位，到你啖氣消左為止。
同時，千萬唔好上你老公當直接挑機大鬧99，你立即做左衰人火上加油。有d位要忍，有d位要出招，要自己拿揑好。
3個讚
佢地d所謂幫手係幫倒忙。唉，我仲未有勇氣爆佢
我朋友有類似情況，我記得少少情節，你做個參考。
佢又係99成日上嚟咩都睇唔順眼，甚至𥄫住佢餵人奶。佢同阿媽哭訴，跟住伯母上咗去，同99當面「傾計」。好似話最初讚99關心佢個女，然後係咁指桑罵槐話後生有後生湊法，做老人家唔好多事先受歡迎…諸類。跟住佢99就上少好多。
但有後遺症架，因為99都同佢老公投訴親家
但佢老公息事寧人所以冇理
7個讚
你朋友媽媽真好，我個時我媽仲企係我99度加把口話我，無人幫我好似我係最衰個個咁，呢家諗起都痛苦。
1個讚
呢句最討厭, 撩交鬧…
有埋畫面你仲想當場刮佢十巴，佢係擋住唔俾阿b伸手由佢到過番去我到
咪係…唔識分莊閒…
自以為事…聽到都嬲…
除左比說話樓主聽… 諗唔到其他意思 
係呀。同埋我最錯係俾左屋企密碼佢，等佢地可以自出自入
唉。。。呢家改又遲
我有試過罸佢係門口企成粒鐘，因為佢上黎永遠唔通知人，expect 個個係屋企等佢。
1個讚
可以試下:-
“同老公講… 再唔處理黎個問題…
逼到我爆…由我把口出聲… 就返唔到轉頭…
比d壓力佢咁…”
可唔可行??
係！永遠鍾意幾時黎就幾時，一d通知都冇，當正自己屋企一樣！
尋日咁岩廁所門壞左，佢同老爺、大伯又冇預警下衝左上黎，工人姐姐想去廁所都唔敢，怕呢班陌生人唔知頭唔知路開左門，我唯有守住門口等佢安心去
其實我生完之後三個月應該係有產後抑鬱嘅徵狀，健康院話我擲界。果期老公都有d擔心我壓力太大，不過佢覺得我依家係冇事，純粹發爛渣
我媽同我老公「傾過計」，奶奶就未試，可能可以一試
我老公明顯feel到我搵佢出氣，所以佢唔gur就開始同我嘈