大環境係咁我都覺得再慎重考慮生唔生
唔係想做媽媽就生一件咁簡單
我係過來人，生咗出嚟唔單正小朋友面對教育環境，其實現代父母一同承受，唔想交俾補習老師就要陪太子讀書，仲有海量功課，興趣班的開支等等⋯完全唔係上一代咁養法，除咗金錢，心力的付出都唔容易
做咗人父母，自然諗埋自己的退休金，唔想成為小朋友的負累，儲多舊錢留俾自己應急同養老，但移咗民就好難做到，結果成就咗下一代生活，我呢一代就不斷為小朋友去挨去拼搏，未必真正擁有我想過的生活
講到尾我做咗人父母都仲為移民考慮中，衡量緊去向，我同你一樣心情，困在兩難局面，但唔需要急在一時三刻決定，始終人生一個重大決定
for我自己 疫情前兩個月去一次旅行 半年去一次長途
工作上雖然都幾chur但番工時間flexible （隨時可以WFH)
有養車 住既係自己既 大概平時普通食乜買乜都唔洗點睇價錢 兩邊父母都唔洗養 未到十萬一個月但差唔多（兩個都係）
識得多比較差唔多生活水平既人都冇乜急走 因為小朋友讀緊international 可能本身自己已有外國國藉
所以我覺得如果上面位jm都係差唔多 而又真係覺得有小朋友先圓滿 反而唔好因為大環境影響甚至同老公為左依d事影響感情
父母點教佢去睇依個世界既事物 世界觀同眼界都係父母可以好大程度影響到
就算移民 邊個可以保證果個地方一世都係咁好？最重要係小朋友有正確觀念 無論大環境如何佢地都有能力適應同做對的事
佢肯定到小朋友ready去外國讀書前唔會受國教影響變小粉紅？
我成日同我嘅仔女（讀緊高中）講，如果佢哋將來希望在香江生活，緊記唔好生兒育女。否則自己教得佢哋好、佢哋會辛苦；教得佢哋唔好、自己會辛苦。
至於有人話讀國際學校咪得攞，可以參考下國內的國際學校，係咪真係可完全獨立自主、不受國家影響？
我都想講，就算國際學校都頂唔到幾耐，不出3、5年，國際學校一樣要跟教育局準則。
新聞都有講大陸嘅國際學校好多都唔再做落去，因為大陸政府要啲國際學校跟佢哋嘅國安、黨領。
而家香港班人個個鬥左，搞私校/國際學校都係遲早嘅事。
咁你地決定好未？
唔走加唔生 or 走加生？
極權社會考慮嘅嘢多好多，仲要係上面矢志要搞掂香港，唔係單純外國好壞咁簡單，而家講緊近乎係保命 level
非常認同。家庭教育對仔女好大影響，我四十幾，有朋友九七前已跟父母移民，一直受外國教育，外國大學畢業。但原來發生到今時今日，竟然係Nancy一名，警察冇做錯，係你地自己攪亂自己地方。 omg! 離開了又何如，離開了就等於佢一定係一個有良知既人？ 父母一直身邊從旁指導價值觀才是真正的教育！
明白，不過而家唔止係價值觀，係人身安全問題
都係嗰句：走到快走。細路係無辜
極權社會最極致係種族滅絕呀，我都希望我係危言聳聽
真。我有2個朋友去英國讀完書返黎都變藍屍港豬，唔明個陣佢地發生左咩事。。。
係啊 可能因為外國唔會特別關注依d議題 反而佢地身邊都會有好多內地同學
同埋我既諗法係 大陸係全世界既影響力會愈黎愈大 洗腦其實都唔係淨係洗緊香港（淨係睇抖音點樣影響國外）依樣係好難阻止既一個事實
小粉紅唔係淨係係內地／香港 其實好多地方都有好多
世界多變 睇番歷史 戰亂同內亂亦有可能隨時係任何一個地方出現
anyways 唔想偏離原本主題太多
不過只係覺得好多jm好想生bb 亦都覺得生bb先係一個完整既家庭 但比較多依d顧慮 想比多一個層面去討論下
始終人地講既野係一時 自己既人生先係一世
咁大把藍C/港豬都係接受港英教育。
親身經歷過8964、71回歸，第一身感受過2014/2019、一樣會變藍C…
不過嚟緊嘅國民教育，真係咁易用家教對抗？
真係唔想諗得國際學校咁理想、要睇清楚咩人讀先、而且佢哋根本無感同身受、大部分都係海外升學架啦、唔好損害到自己利益就夠。
聽落你哋唔太物質
戶口都係數字啫
我朋友兩公婆都想走、我哋自己都係、但都有分歧係時間上、我哋就家中有長老、朋友老公就想再搵多兩年錢先、唔止走唔走、幾時同去邊都可以好多argue
國際學校好多國內學生，佢哋亦會influence 校政
係，我都覺得國際學校既學生一路以黎都少睇本地新聞，少關心本地社會，對香港沒乜歸屬感。
跟住佢哋嘅父母都可能係比較有錢，有外國國籍，或者喺外國返嚟，所以本身香港對佢哋黎講只係賺錢，佢哋都有條後路，更加唔會想自己既仔女去理太多，對香港本身都係冇乜歸屬感。。。
我老公都係唔肯走，佢本身港豬->極淺黃，香港搵得多，一句講哂為錢留港。而家仲係努力遊說佢中🤦🏻♀
唔肯走?
" 仁濟醫院王華湘中學校長 邱少雄：明年開始每一個科目都有與港區國安法相關內容 "
國際學校有d中文係 簡體字書
你接受到? 唔知係咪間間都簡體啦,或者我收錯風都唔定。 但國際學校一定大把講國語既學生。
生唔生? 你而家問我一定唔會生,仲想將個小朋友塞番落個肚度添呀,好內疚自己生左佢出黎。
你以為自己屋企教到?
你問十個家長十個都答你老師講一句好過你講一千句,老師講既野係寶,阿爸阿媽講既就係耳邊風,有d野小朋友由細入左腦, 最慘係你唔知老師係學校教左d乜。
移唔移民真係好難決定,無共識真係唔好生住。
生左小朋友好多野要諗。