我同老公一向感情好好，但一談及到移民問題就冇共識。我地好鐘意小朋友，都計劃會生BB，但我好擔心香港嘅未來，超級唔想佢係咁嘅環境長大，所以想盡快移民，等BB 係外國環境長大，經濟方面都負擔到。老公就寧願我地係香港繼續搵錢，第時供小朋友自己去外國讀書，因為佢想留香港陪父母，亦覺得去到外國都係做二等公民又搵唔到錢，咁不如留係香港。
其實我好明白佢嘅諗法，正常都會想陪住父母 (佢父母唔會移民)，去到外國的確亦係唔會咁易搵錢儲錢，所以我地係冇鬧過交，因為大家都尊重大家諗法，只係唔一致。但問題係我會覺得好不安，甚至會令到我開始對生小朋友有卻步
大家有同樣情況嗎?
我只有重覆︰將來如果去到極端情況，你錢同細路都唔會送到出外國
問下你先生諗住小朋友幾歲去外國讀書？
小一嗎？
可能佢唔介意國安洗腦教育啦。
我有, 我老公傾左成年點都唔肯去, 明明香港屋又細, 都唔夠住, 樓價不停上, 仲有佢明知香港教育好有問題,都唔去, 點都要留下
而家我會自己同小朋友過去
我都係咁諗，而且應該唔駛好耐
所以先覺得要早行動 
即係要同老公長時間分開生活? ><
到真係細路出咗世，返學日日唱國歌，加埋所謂國教，就一定會想走㗎喇
你睇白俄羅斯就知道 ，對歐州全面停飛, 話封關就封關， 有外國永久居留權都走唔到
而家冇得選擇, 小朋友太細, 一定要一齊去, 我唔想佢地成為小粉紅, 我唔想自己後悔, 我自己負責…隨緣吧, 或者佢覺得佢自己比小朋友未來更重要
可能因為我地身邊冇乜小朋友，所以佢未切身感受到洗腦教育嘅可怕
此文字將被隱藏[quote=“ferferhk, post:10, topic:48700, full:true”]
而家冇得選擇, 小朋友太細, 一定要一齊去, 我唔想佢地成為小粉紅, 我唔想自己後悔, 我自己負責…隨緣吧, 或者佢覺得佢自己比小朋友未來更重要
[/quote]
我地先結婚冇耐，好唔想同佢分開 但又覺得因為咁樣唔生小朋友好可惜
生左之後，大家既諗法會變一次。
返左幼稚園，會再變一次。
上左小學，又會變一次。
而家研究定各種移民既可能性和限制先，到時大家改變主意，就可以快d走。
考下車牌，改進下英文，學下水電等等，搞得黎小朋友都3歲。
未有小朋友嘅話好多人都唔想走, 咁都係可以理解嘅, 有咩情況都係自己承受之嘛, 正所謂: 條路自己揀, PK唔好喊
但有小朋友就唔同啦, 你明知有險境都要帶佢嚟呢個世界, 又唔比後路佢, 就有點那個
我係樓主會同老公講, 留喺香港OK, 但唔會生, 要生就一定要有移民PLAN
講到洗腦教育，如果佢真心變小粉紅我都仲可以話佢言行一致，最恐怖係好似上面啲學生咁，佢自己唔相信但為咗生存、分數、私利扮到好相信，好愛國，而家個國家就係充斥住呢啲人
為咗生存乜都做得出，呢樣恐怖過小粉紅
我唔捨得小朋友一個人去外國讀書，佢會好孤單，如果個老公有咁嘅規劃，不如唔好生，一心一意陪自己父母，放棄擁有下一代，好好為上一代著想，咁佢父母開心、佢自己又開心、你又唔洗擔心。
我唔想小朋友suffer，最多唔生
除左移民問題，樓主你地平時價值觀同政見一唔一致？
未有共識就唔好生，好過到時家嘈屋閉，仲無得返轉頭
佢唔肯走，我寧願唔生。
留港就唔好生啦！生左之後無哂自己時間，連想陪父母既時間都會小左，勸樓主同老公講唔好生
另一方面，等小朋友大左送佢去外國讀書，到時去外國讀，唔知係咪咁易攞到PR, 攞唔到PR, 最後讀完書都係要返香港