同樓主情況好似，但更慘過你係我已經生左，小朋友大唔切，一定會染紅。
你唔好生啦，明知咁仲生，唔生就無煩惱，又有錢使。
4個讚
明白，多謝您嘅意見，我都去學多D 野旁身，以便說服到老公時可以即走。
我都一定唔捨得佢咁細個走 
但又真係好想有下一代 
我細細個已經好期待做個媽媽…唉 真矛盾
大部份都一致架…感情好, 只係依方面唔夾
咁你同老公關係有受影響嗎?[quote=“Lightwriter, post:22, topic:48700, full:true”]
同樓主情況好似，但更慘過你係我已經生左，小朋友大唔切，一定會染紅。
你唔好生啦，明知咁仲生，唔生就無煩惱，又有錢使。
[/quote]
二選一，老公or下一代，始終要放棄一些東西吧，二人不能同心，挺傷感的。
1個讚
我覺得無。理想還理想，現實歸現實，日子仍然要想辦法過。
我以為自己開post, 唔同嘅係我個b都三歲了。我依家自己一步步咁處理緊，一問佢就「你鍾意」「你話事」「你揸主意」，「我全力配合」，佢就依然日日努力工作，感覺佢真係好鍾意返工
好羨慕啲一致嘅朋友 
4個讚
其實慣左就唔會想走架啦、我之前都只會諗送小朋友出國、可能你果行好搵到錢、但你睇醫生老師都要改變、真係唔知將來點
3個讚
其實我明白老公嘅諗法，的確錢好重要，有錢先有得選擇，小朋友嘅生活質素、居住環境都會好D，而我自己只係一心想走，冇諗好多實際嘅問題，連數都冇計過。的確男人要帶住老婆仔女，要諗多好多野，經濟係首要問題。所以我好明白老公覺得搵錢嘅重要性，只係我真係好擔心我地嘅小朋友 (雖然生都未生，但真係好想生)
1個讚
same case here, 佢加多句俾我, [我覺得你好唔ready去到外國生活] =.=’ 個波變左因為我
最大獲係佢份工嘅skill set響外國搵唔到工，佢亦講明唔會搵工，會研究做小生意…喎
所以去的話都應該係我要搵工 
唔好咁老定。朋友個老公次次都話知啦，你日日都講。點知到朋友買咗機票先話想佢兩母女遲一年先走。
1個讚
我都以為係我出po!!!
你今年幾歲呀？
我同老公都三十中啦，再唔生都唔會生到
我哋而家喺香港搵錢算多，但係一去外國，我會失業，佢人工會少一半，我哋喺呢度無生活壓力，食好住好生活質素高
我哋本身諗住結婚過兩年二人世界，再生小朋友，點知兩週年紀念就係送中，跟住，就去到而家。
有時我喺度諗，我哋經濟上同教育上可以負擔到佢去外國讀書，但係如果生出來只係一齊生活10年八年就要分開，仲要面對個咁樣嘅世界，都唔知為乜
我都係一直覺得女人係要生仔，有小朋友嘅屋企先叫圓滿，又驚老咗會後悔
3個讚
其實我會勸你唔好比大環境影響 無錯對好多人黎講而家係唔走唔得
但係每個人家庭狀況唔同 我有朋友係度搵到錢小朋友讀國際學校教育so far到小學都無問題
同埋小朋友既世界 最大影響都係父母點教同點對佢
9個讚
兩夫婦點都要有一方讓步，不如傾個界線啦
例如你話生都得，但香港去到邊個壞情況一定要走
又例如你堅持唔生，但如果佢肯移民又或者去到邊個歲數再考慮
咁得唔得？
1個讚
完全有同感！好明你嘅諗法，所以2公婆最緊要大家都要拎個共識，傾清楚。決定左一齊留低就一齊承受之後個結果，冇得後悔！
2個讚
好奇一問，生活質素、居住環境好嘅定義係…？
如果係用BNO去英國，咁你哋老爺奶奶可唔可以一齊去？
你老公講嘅都冇錯，如果到時去到佢搵唔到工唔開心嘅，小朋友會感受到
For我自己嘅情況，就係一般消貴上，基本上唔需要睇價錢，同老公一人一架車，兩個人間自住樓係傳統價值地段，我哋嘅嗜好係做運動，所以唔洗花太多錢
2個讚