無論邊一輩都好，太多細路都係比父母決定前廿年，做佢地覺得ok嘅嘢，有d後三十年都仲係咁…
而家仲有長老覺得夠食自己會大，而家養雞都唔得啦…
1個讚
自己人生自己選擇點行
生活係自己過既
其他人講咩並唔重要
2個讚
我反而覺得窮養冇問題，個問題係社會流動。我哋以前嗰代窮都好開心，因為你知道努力讀書就會改變到命運，我自己就係一個例子。
而家﹖你幾中產都好，你都避免唔到出到嚟係特權行先，你叻但個社會係側向有背景由某個地方嚟既人仕，香港中產靠自己拼搏打一片天只到我哋呢一代，下一代唔會，只會不斷被打壓，連最基本自由都守唔住
我唔覺得中產有幾穩陣，兩公婆就算搵十萬廿萬三十萬又點﹖最後你個細路都係會活喺極權社會，喺極權社會，有錢人都唔會有自由有保障，所以窮養唔係真正問題，個社會結構同制度先係問題
6個讚
我係窮養，但我好感恩有窮呢個經歷，我先變成今日既我
不過我自己就冇辦法想像下一代，窮固然慘，中產一樣慘，富有更加慘
我真心勸大家︰唔好因為鍾意細路怕自己後悔而生，你仲要考慮埋好因素
講返社會流動，呢個係全世界嘅問題嚟嘅
真心咁既講法好過時。最衰係呢種方法唔work, 但佢地都唔反省下唔知道。其實你有無趁機向佢地投訴你細個因為無錢無得學到琴同畫而唔開心過？
有d長輩係咁叫人生，生完想佢地幫手睇住小朋友又做唔到。呢d真係要早d認清楚免墮陷阱。
2個讚
上一代太多人好運, 趁經濟起飛賺一大筆
到我地既下一代已經少左好多父母幹
仲要有好多專業工種 (例如AUDIT) 都可以俾AI取代, 人力、學歷、現金不斷貶值
生活只會更困難
就算父母可以做到無條件既愛, 唔通可以唔洗食飯咩
有能力既不如去領養而家受苦既小朋友、小動物?
7個讚
我有細路但我萬分支持唔生
唔生人生多樣性一定豐富好多
各位一定要玩多啲 試多啲
2個讚
都唔駛好遠嘅上一代，而家50歲同而家35歲，條路已經唔同好多
仲有個pt.係唔係想生就一定有得生，就算係用人工方法，都唔係100%成功。相反，唔想生又可能意外有左
1個讚
我生4 個 可能唔岩傾
如果要計既話 真系一個都唔好生…
因為條數系無限大同無限付出
當然您一個都唔生…唔好n 年後 後悔當年無生…因為您地一直過緊自由自在既生活
唔計湊辛唔辛苦同洗幾多錢，有4 條友係屋企係好開心
不過我覺得大前題 兩公婆關係要好…先考慮生bb…同埋我覺得一生最少生兩個
5個讚
呢個係全世界既問題，但香港仲有一個問題︰向上流動+變緊極權社會
1個讚
我d 細路叫我唔好千祈唔好報甘多興趣班… 有時間比佢打機 睇電視仲好…
宜家年代唔同
其實係，中產力谷，細路唔會開心
窮人想學冇得學，又唔開心
3個讚
兩公婆本身關係好生完都有機會變5好，而且返之前最好係唔使同老爺奶奶住（除非間屋3000尺而你又好享受）
你返四個小朋友真係好勇敢好犀利
1個讚
遲到冇香港人架啦
話事話, 想生仔的人, 到底係咪想像得好美好.
我見有啲媽媽呻子女唔讀書, 志願係做廢青. 其實都好合理丫, 俾著我係而家既細路, 我都想做廢青,
我細個果陣網路都仲未有而家咁發逹, 冇咁興廢青.
但係而家網上咁多娛樂, 真係足不出戶, 煲劇, 同朋友吹水, 打機, 容乜易又一日, 真係完全唔想出街, 更加冇動力讀書返工.
到底而家仲想生小朋友gei 人, 真係幻想小朋友將來會好上進, 努力讀書, 努力做野??
我諗冇乜父母疊埋心水, 諗住養仔女成世掛?
2個讚
我d小朋友仲係幼稚園，屋企無screen time, 仲未識reject 出去上興趣班同埋request 打機。但升小後可能唔同了。
但其實如果佢地打機又打得叻我都唔介意開放比佢地打，但前提學校功課做晒同溫晒書，成績keep到，同埋唔可以越打越肥。某程度上都係等價交換，搵到佢地重視既野再加以利用，好ideal就咁諗。
1個讚
絕對唔會有呢啲學生，一百個入面有一個囉
個陣冇諗咁多嘢，係覺得鐘意小朋友+從未諗過會唔生b, 好快就生左2件。
小朋友第日大左會唔會上進同努力工作呢d 冇人預計到，到時佢自己人生想點自己作主喇。我可以做到既係盡量令佢鐘意學習同有目標。
每樣嘢都有好處同壞處既，生左b確實係冇哂自由，不過都俾到好多開心我，所以俾我再選擇過都係會生。
3個讚