呢個理論其實好有問題，
每人做任何決定都係base on客觀環境，特別係當事人性格，
即使命運能選擇，你性格不變，你依然只會作出同一選擇。
所以即使將來後悔，比佢回到青春，一樣會行舊路。
亦所以冇必要諗太長遠（除非要生就當然要長遠d），考慮伴侶睇法同目前客觀環境，最多計埋未來一兩年
我就係咁, 自小好憎小朋友。
以前因為唔想生, 拒絕咗兩個想要下一代嘅鑽石級筍盤, 唔想晒人時間。有人話我蠢, 但我唔想結咗婚因唔生仔而嘈, 最後離婚。
依家老公係拍拖時已講明一定唔生, 要生就分手。佢好鍾意細路, 本來都想要小朋友, 但依幾年佢都改變想法, 唔想害咗下一代。
奶奶提過幾次, 想我生個小朋友俾佢玩, 我幾鬼想XX佢, “你當小朋友係玩具呀? 生命嚟㗎, 要教要養㗎, 唔係拎嚟玩㗎!”
6個讚
同你完全一樣!!!
1個讚
就嚟結婚越來越多人問我生唔生, 一律答我反人類, 唔會生仔
人類係唯一主動破壞地球嘅物種, 大愛D 唔好生仔~
一定會俾人鬧我偏激~ but i dont care~
7個讚
咁你又問返佢地，點解結婚一定要生仔既? 生仔唔一定要結左婚先可以生
2個讚
我本身都唔鐘意小朋友，但我一直既諗法係老公想要就生。而家生左，真係會好懷念以前自由既生活。
其實好難可以放心交低小朋友比俾其他人照顧，因為你生得出，就有責任去照顧同教佢。
如果係我未大肚前香港已經係咁，我一定唔會生，好似害左佢咁。
最憎人講窮有窮養…
我覺得生唔生小朋友只係人生嘅其中一個選擇，都無對錯之分，所以我都好憎人話結婚就要生仔，女人一定要生仔之類
選擇生嘅就要好好教好下一代，特別係呢個憂患時代；而唔生嘅都要做好自己先係。
2個讚
我啲ex唔算荀盤，不過我一知道佢哋要生就自自然抽離斷關係
1個讚
如果從環保角度，絕對應該唔生tim
5個讚
我都諗起曾經有人介紹個大戶人家俾我
如果我同佢結左婚
我可能唔抗拒生, 因為唔洗做野, 又有工人, 仔女又可以過外國讀書
而家我同另一半都係普通人, 寧願自己過得好啲算, 領養毛孩做一家人!
1個讚
我都唔太同意你嘅意見，
所以真係各人唔同嘅。要同自己溝通好自己想要啲咩。
因為睇樓主好似都唔係不嬲冇打算生仔或者唔鐘意小朋友，所以我會咁講。
同埋其實生同唔生我覺得都要睇長遠同埋諗清楚啊，
因為其實見過啲人到差唔多40先想生，
真係辛苦自己同身邊人，
我都希望個個都係身體最好狀況經歷呢樣野，所以先咁講。
只係分享我嘅意見，非針對任何人
就算驚第時後悔都唔代表一定要生，仲有好多因素㗎嘛
2019年後冇打算走或冇能力走都仲生嘅人，第時一定比怕自己後悔而生更後悔
啲人咁驚後悔，應該先每日飲八杯水，瞓八個鐘，做一個鐘運動，戒凍飲，否則將來都一樣後悔
4個讚
即係本身你好鐘意小朋友嘅？如果第時外圍因素解決左，你又已經生唔到，會唔會好傷心先？定有冇都得？
我好鐘意小朋友架，所以生左，然後帶佢去有自由嘅地方生活。
我就係被窮人窮養嘅孩子
第一身感受。
3個讚
你好理性！
1個讚
same!!!
1個讚
對於大人黎講: 唔生仔壓力細好多, 輕鬆好多呀, 去邊都得, 幾時去都得, 自由無限好.
錢又鬆動, 自己搵自己洗.
而且而家又冇得養兒防老, 一有咁既心態就俾人話自私
對於小朋友黎講: 個細路一定想出世咩, 細細個讀書考試已經好辛苦, 大個又要做幾十年野. 面對生老病死, 又一定要睇住父母死. 呢啲辛苦野就肯定有. 其他開心享受野就唔一定有. 點計都係唔生穩陣啲.
另外, 呢個貼有詳細討論呀
2個讚
同埋呢, 而家科技發展咁快, 份工淘汰速度快左好多. 好多人到40歲已經驚俾人炒.
其實真係唔好諗住而家30歲左右既人工可以維持到, 俾你養到小朋友 + 供樓.
趁後生賺到錢, 學下投資, 儲多個錢, 萬一到四十幾歲俾人炒, 索性提早退休. 如果唔夠錢提早退休, 冇小朋友都可以彈性啲, 搵份低人工啲都唔怕少錢.
真係要盡量低消費, 低負擔. 同時放多啲時間進修或者發展副業, 投資. 生左小朋友邊得黎咁得閒進修
甚至如果個母親要做ftm, 依賴老公一份工, 真係好危險
6個讚
我妹妹曾經好想要小朋友，不過身子有問題，做人工都生唔到。經過呢2年社會事件，我妹話而家「避都避唔切」
我自己生咗一個，已經決定唔生，因為唔想生多一個要佢受苦。我已經成日覺得對唔住個仔。（雖然會下年離開，不過我哋只係普通人）
我父母希望我可以生多個，成日話「有幾多食幾多囉」、「生咗出嚟自然有錢養到」。我覺得好討厭，我細個屋企環境唔好，而家大個叫好啲，真係唔想過番以前嘅日子。屋企連埋我3個仔女，好記得細個好想學琴，老豆話無錢；連學校嗰啲幾舊水嘅樂器班都唔比我學；我有畫畫天份，啲親戚朋友叫我屋企人學畫，老豆話無咁多錢，而且學畫畫晒錢。
所以我唔想自己個仔過呢啲日子，自己想學嘢，點知父母無能力又唔生性學人生幾個，搞到無晒呢啲機會。
6個讚