結婚前從來無諗過唔生bb
但呢幾年發生既事，好似真係要接受唔好生比較好既事實
有類似諗法，已經決定唔生既朋友嗎？
分享下唔生既好處，等我睇開d?
揮！
我鐘意我嘅人生自己可以控制到
生左就要對個細路負責任，到時搬屋去旅行乜都要就住佢…
類似咁
3個讚
我呀，我最憎細路，一喺我身邊行過就覺得討厭，所以唔生係最正確嘅決定
不過如果喜歡細路我相信唔生係幾遺憾嘅
唯有諗而家個社會生出嚟盞對唔住佢，咁唔生一定係理智
4個讚
樓主，唔係想潑冷水，但我覺得你只係想自己唔想生bb… 咁樣同自己嘅希望唱反調，好容易更加念念不忘…
7個讚
我又覺得分開，鐘意細路都係鐘意極都十年八年，到十幾歲已經沒趣
1個讚
我原本唔鍾意小朋友，生左真係無晒freedom, 想靜都難，又使晒d錢，仲要放工打第2份工，仲有婆媳糾紛，好慘。
但係，為左小朋友所有野你都能夠堅持，為佢諗辦法，同埋無限爆seed，你想唔想挑戰下？
最緊要自己唔好後悔，
可以幻想下之後一直都冇小朋友
睇吓自己接唔接受到
始終冇人知點樣最適合你嘅
5個讚
有d人好多嘢都後悔
生又會，唔生又會
甚至去到搬屋，轉工，買嘢，移民…
2個讚
我鐘意女仔，但我冇本事搵女人幫我生。 見到街上d 小妹妹成舊蕃薯咁…巧得意😮💨😮💨
1個讚
um…又唔好話要講啲嘢令你睇開啲
呢啲好個人㗎
我舊時都對生小朋友持開放態度
但呢幾年社會事件啦…
睇身邊朋友生咗小朋友嘅嘢啦…
兩公婆對小朋友嘅分歧啦…
係，生同唔生都會開心同唔開心
睇自己取捨邊一邊。
我講咗等如無講咁，哈哈
1個讚
所以真係要好好同自己溝通
了解自己想點
唔好俾自己後悔
2個讚
我，唔想生，唔想被困，唔想去旅行去邊度都係考慮左個細既先，阿媽話我自私，以小朋友為先係正確既做法。我回應係，我唔自私，如果我生左佢出黎但唔以佢為先就係自私喇。
唔好話有小朋友係被困丫，依家結左婚我已經覺得係被困。同6299住我直頭覺得係監倉，日日都要交代返唔返去食飯，所有野都無得AD HOC，任何野都係以家庭為先。
老公唔想生，依家改左口，移左民就想生 
3個讚
生左唔理先係自私
唔好講到生仔係為人類史有貢獻咁先唔自私呀？？
移左民又點解要生呢？
3個讚
自己人生自己負責，唔需要同其他人交代。生唔生係兩公婆嘅事，最緊要大家睇法一致。
5個讚
絲打好勁…
原本我都唔鍾意小朋友, 而家每日努力學習點做好老母…
就嚟1歲都未適應好,講真。
唔鍾意小朋友 (當然唔係唔鍾意自己個仔啦), 呢個想法唔係好敢同人share…會俾人話衰老母…
1個讚
每次我一講呢句，全部人都即刻
咁有啲人真係自細已經立志做媽媽做家庭主婦要生一對足球隊
但唔係我
咁樣我直頭會寧願OT唔想返屋企
試吓搬出黎住有自由可能你會想生BB，我有好多朋友最初同奶奶住發誓一世都唔會生B
1個讚
佢覺得香港環境同教育唔適合有下一代，去左第個地方就可以考慮有下一代。
本來一致，依家未知，不過都未係移民唔理嚕
除6299外，有個生活要幫手照顧既家人，所以我地都想幫輕下6299所以唔會搬。
我都係, 我好愛我個仔, 亦愛我侄仔侄女, 但其他小朋友就 
我都唔敢同人講, 驚人哋覺得我好奇怪 
講真，生左之後對自己小朋友有耐性已經係無比既進步，仲要對其他小朋友寛容講真臣妾做唔到。不過呢個limit只限自己知自己極限到邊，無打算再挑戰。
1歲… 我小朋友8個月時ftm湊過，捱唔到因為每日作息一樣好沒趣無挑戰，佢又唔識同你溝通，佢大左又唔會記得個段日子，所以會frustrated。比起返工打拼既日子，我明個種唔適應。
放心啦，到2歲半之後trouble 2, terrible 3, horrible 4問題湧過黎，日日打怪獸升呢但佢地有時會比返甜頭你，就會好玩好多。
一係唔生，生左就要教好，無得逃避，就係咁多。
4個讚