想請問有無人屋企有搽藥油嘅習慣？
想搵啲無乜味俾奶奶搽～
我依家懷孕四個月…同奶奶老爺同住差唔多一個月，佢要晚晚搽，仲要十點幾十一點幾先搽，搽到成間屋都有藥油味，聞到好辛苦，寧願捱眼瞓都要出街避…哎～到時bb 出咗世都唔知點算～真係谷聞咩？對bb 都唔好～搞到個人心情好差好想喊
老公都諗緊方法拆彈…暫時未諗到，叫我搵
下有咩藥油無乜味～
求指教～
點解日日搽？痛症？
不如改貼藥油膏布，即殺蟲巴士果d又得唔得？
你哋有冇自己房？點解唔可以一路關房門，佢搽完你入房？或者喺房開窗開風扇散味？
紫花油？
係房入面都聞到好大聞味，佢搽全身
搽咁多小心中毒，搵d中毒新聞佢睇下啦。
買部空氣清新機得唔得呀？應該有d幫助
聽過話唔可以搽超過身體面積1/3
不如搵個藉口話「聞得多對bb唔好」得唔得？或者就真接講「一聞就想嘔」
老實，其實大肚婆有呢啲「突變」唔出奇啊！我都試過聞到肉醬意粉味作嘔！
順便又買啲止痛貼佢地試下！
1個讚
老人家最怕比人嫌棄，不如買啲無味日本貼比佢地用，話親戚用過話係靚野，所以「特登」「專程」去買比佢地試下！
無謂BB未出世搞到有條刺
另外考慮買熱氈比佢地，物理治療師用果種
閂門開窗開風扇都唔得咁神奇？
咁你哋搬走囉，嗰間係佢屋企，佢有需要搽，冇理由因為你大肚，佢就要改變佢生活習慣委屈自己。
我都唔會咁對老公媽媽或者自己媽媽。好自私。
記起個名，叫水楊酸中毒。
1個讚
仲有隻微電流機都話止痛，我都買左部俾老人家用 
佢覺得囉，成日都話呢度痛果度痛咁囉～睇醫生檢查都無事…
有咩咁出奇？
你去搵支黃道益嚟搽，好似按摩咁全身搽，然後關哂門窗開冷氣，睇你自己頂唔頂得順，你先嚟留言啦唔該！
啲萬金油係好勁ga，啲味好犀利同埋last 好耐
jm 你好幸福，身邊冇需要搽藥油嘅人
覆返樓主，一係幫下佢按摩？買啲按摩嘢比佢… 同埋你同奶奶之前有冇其他過節ga？
呢個好，上網查到有新聞講…嚇下佢都好
咁辛苦咁委屈你，你不如趕奶奶走啦，橫掂嗰個都唔係自己呀媽，反正佢間屋遲早都應該留俾個孫架啦。
周身骨痛瞓唔着，都唔應該喺自己屋企搽藥油搞到個大肚婆囉。個奶奶真係自私。
你做乜啫？
樓主上黎問有冇邊隻唔大味藥油俾奶奶之嘛。
1個讚
老左周身痛已經好慘，新袍體諒下啦，醫生檢查都無事？即退化=痛=正常？
不如試下搵其他方法幫佢止痛？