咪係囉～啲人真幸福，難為我地呢啲聞到又要擔心會唔會影響bb …影響到佢中樞神經系統，發展遲緩咁就要照顧一世，都唔知邊個自私啲囉～
因為#15留言？ 
又唔係退化果啲喎～似心理作用多，佢成日話佢個奶奶以前點對佢差，搞到佢咁喎～
所以依家咪搵緊其他方法，不過要佢受先得，我老公又話佢唔受…
無過節呀～平時都吹到下水咁…
啲人都95搭8嘅～邊度見到我話唔俾佢搽？我係想搵方法解決呀，就問有無啲藥油無咁大陣味嘅～唔知咪唔好留言囉～ 
驚佢搽咁多中毒就真，之前報紙睇過搽得多會死人，就算唔死得，出事時你仲要照顧多件’‘大BB’’，認真大穫 
但聞會真係會影響bb？咁街上二手煙？塑化劑？
online search下，個婦科醫生話孕婦可以用冬青膏 雖然話用得，應該都唔預長期用 
http://the-sun.on.cc/cnt/news/20121201/00407_097.html
二手煙當然都唔得～我老公食煙我都避嫁～任何化學野都唔聞得唔掂得嫁～我做salon 都停哂工…
我搵到另一個網話冬青油都會影響嫁喎～
貼唔到個網上嚟，你試下搵「冬青油軟膏孕婦」
1個讚
係睇唔過眼因為自己大肚蝦個老人家。老人家搽開藥油先瞓到，你啱啱搬入去住就要迫人哋改佢嘅生活習慣，係咪有啲過分呀？
點解唔係應該自己諗方法去遷就老人家，體諒老人家？
根本自己喺房閂埋門就得，但係就因為覺得唔方便，就堅持有味。講真，個老人家唔入間房，一直都閂埋道門，有咩味呀。
你係咪有病呀？你邊隻眼見到我逼佢改變佢生活習慣呀？你點知我無遷就佢呀？你有病就行開啦，我啲哥嫂都無話睇唔過眼，你一個外人唔知頭唔知路憑咩睇唔過眼呀？依家講緊你屋企人咩？請你唔好對號入座啦～
//想搵啲無乜味俾奶奶搽～
//搵下有咩藥油無乜味～
點解會變左蝦個老人家, 樓主都係求教搵方法, 老人家有野查, 佢又唔使聞咁大陣味
如果樓主買到隻無咁勁既味, 而老人家唔用, 而樓主又迫佢停用, 你咁樣話蝦佢我都仲理解
而家樓主連第1步都未成功, 買都未買, 你就話樓主蝦人,
我真係唔係好理解
即係做唔得, 講/討論都無可能, 只可以人地就你,
你連傾既餘地都無
2個讚
你都幾偏激，你係咪有咩事發生過你身上？
懷孕對氣味真係好敏感，如果你懷孕過應該會理解
其實大肚婆有啲味真係唔聞得
我記得當時我屋企要收起晒啲樟腦丸,對胎兒係毒藥
咁老人家搽嘅藥油唔知有咩成份,擔心都正常
冇味嘅代替品好多,貼(一條根幾好),喜療妥…
重點係要知道老人家因咩事要查,咁先容易搵到替代
同埋佢查開未必想轉
真係要傾吓,或者俾佢知有機會影響個孫
如果講唔聽我會講嚴重啲,例如日日開啲畸胎相俾佢望吓…
1個讚
不過用貼都要小心,自己唔好痴到
我記得之前有單新聞話有個BB瞓覺痴到佢阿媽張止痛貼,結果好似大病定死咗…
有樟腦呀，我睇咗成份啦，好多藥油都有呢種成份…藥酒果啲就無…我都有講過會影響bb…咁佢哦完就算數咁囉～哎～我老公話佢搽到上哂隱，好依賴藥油唔搽唔得嫁…所以佢一搽我幾眼瞓都要落街避個幾鐘，等完全無味先返上去…係阿b 出世唔知點搞啫，唔通阿b 落街避？仲有我坐月…一諗到就…
老人家要改變係好難
如果傾唔掂,我會先試吓買部超勁嘅空氣清新機擺自己房,
再唔得就自己返娘家住,生完再算
1個讚
臨時嘅解決方法係放一、兩部強勁嘅空氣清新機喺屋企，貴極都係幾千蚊一部，樓主和老公可以去睇吓。
1個讚
老人家呢D習慣好難改變, 你話佢 / 買另一D油比佢搽 (仲要你依加係佢一搽就落街), 佢一定覺得你"嚴"棄佢, 聽你講仲要係99屋企坐月, 到時一定好多爭嗌… 覺得唯一方法係唔好同住… 唔係就只可以忍
嘩～唔落街唔通谷聞咩？佢點諗係佢事，我都要保護bb~反正佢用潮州話話我，我都聽唔明，佢又唔會直接話我，會同老公講…老公就叫我唔駛理，我平時發生咩事都客客氣氣唔該前唔該後…
Btw 我同老公都決定買部好啲嘅空氣清新機睇下有無用，有用到時bb 出世都唔驚同埋我坐月，見步行步喇唯有～
多謝各位俾意見～
1個讚