我以為我媽媽會係講道理的
原來慣左就係慣左
岩 明白 真係要慳返啖氣算
樓主, 其實你並不弧單, 我身同感受
我未有小朋友之前, 我奶奶成日比說話我聽, 難聽D 講, 唔生好像會欠佢袓忠十八代。我老公講笑話等佢退休才生, 我奶奶就可以幫手揍, 佢話只要有孫, 就會立即辭職, 不用等退休。最後在她退休前我有咗, 我奶奶話不如找佢朋友幫手湊住先(佢朋友有個孫,出名湊得唔好) 她想做多10個月正式退休, 我老公拒絕咗
其實一直以來, 在教導小朋友上都有分歧, 但她算鍚我小朋友, 我很多時都隻眼開隻眼閉
例如她一直都有餵飯習慣, 我由小朋友幼稚園到小學, 我都有提出我仔唔食, 就由他餓, 但她唔理我照餵, 我也由得佢, 事後她會怨辛苦, 又夾埋我老公話我唔餵飯因為我懶, 個仔咁瘦都唔理。
平時我仔一曳, 她就大聲駡我仔"叫你爸你媽找人湊你, 我唔湊啦" (我估每個星期起碼講10次以上)。其實我有把問題同我老公傾過, 想請人幫手或搬開住, 但我老公覺得無問題, 話只是老人家呻下, 佢話老人家湊得咁辛苦, 呻下都唔得咩。
樓主, 以我經驗, 要改變一個老人家很難, 我都學緊平常我, 小朋友要成長, 靠唔到老人家, 可能試下幫小朋友報些幼兒班, 不用全日困在家, 或建議老人家多些帶小朋友多些外出, 好過經常看電視
媽媽加油 
1個讚
如果本身係有要求既人，係育兒路上絕對靠自己好過靠人，我本身都中左長輩既trap ，生前咩都得，生左之後攪唔掂呀人老啦你地湊返啦，所以真係咪咁易信長輩講既野，如果因為佢地一句半句生b就gg.
1個讚
樓主，放棄吧，我媽媽都係hea 底，無得救的，佢哋咁大年紀，唔會改變生活態度，只會覺得你無啦啦話佢做咩，佢成世都係咁過，養到仔大女大，有咩問題，仲會話返你咁緊張做咩。
有要求，只能自己照顧小朋友，長老只是輔助。
2個讚
撐住 成日話有人幫你湊你仲想點 話事權係佢度架啦blah blah blah
其實唔係我唔講道理 太緊張 定係冇同理心唔將心比心
我絕對明白湊小朋友係幾辛苦幾攰幾大壓力
但係有啲野真係好難3言2語 打晒出嚟一直有咩問題
只係太天真以為大家好好溝通 嘗試下唔同方法就可以
但溝通唔到就係溝通唔到 點都唔會嘈得完
生b前一路存在問題 生b後以為同媽媽會好啲
原來反而係產生更多問題
好多野控制唔到 唯有同自己講一切都會好！
依家我都會盡快自己湊返 太多因素所以先會決定得禁遲
多謝你 加油呀！！
1個讚
我明，我真係明，我媽媽係hea到，會30秒講完一本故事書，連我小朋友都頂佢唔順，話：你唔駛講，我講比你聽。然後我小朋友會開始講故事比我媽聽。
我當係另類訓練，得啖笑
2個讚
依家明白晒！改唔到佢 就改變其他野算
好醒目好可愛嘅小朋友 識得咁樣做
你媽咪湊大你一個已經好夠，無責任無義務去幫你湊孫！如果有要求就自己湊或揾工人，但工人亦唔會聽嗮你講。樓主我睇完你post，我剩係睇到一個自私的女點樣要求自己個阿媽去配合自己。記住呢個世界無人欠左你要去幫你湊B，要靠就靠自己。
5個讚
請問你有睇到我上面啲回覆嗎
明白都冇必要再同佢嘈同再希望佢想點了
出發點都係為大家好
只係諗得太簡單以為同媽媽溝通左就會明白點解我想咁做
點知就惡性循環 無限loop
同埋我希望佢試嘅湊b方法唔係淨係為左bb同自己的
佢試左又work其實何樂而不為呢 自己又舒服啲
證明左真係親生 同佢鬥硬頸
依家會盡快自己湊返
同意，見好多呢類case⋯⋯
佢唔係打你工，聽你話唔係奉旨。我都係長老幫手，我有額外比錢佢哋，佢哋都係勁多意見，我會講出我嘅做法同埋原因之後佢哋如果唔同意就跟返佢哋做，我冇權控制，因為係你自己選擇唔湊！
我都係緊張大師，但自己取捨啦，叫得人幫手就要尊重返人哋。只要Bb 冇生命無險，學乜學乜，肌肉發育嗰啲，你自己搞番啦⋯⋯
3個讚
明白你，唔等於同意你。
唉，我睇到都覺得做婆婆嗰個好慘⋯⋯
樓主，放過阿媽啦。
4個讚
。
我update左 可以再睇睇
其實除左湊b問題仲有其他問題 所以我先禁嬲
不過依家都解決左湊b問題了 咁對大家都好
2個讚
既然你都係因為經濟問題要佢湊、就更加無得好講、始終係你求於佢
話你知就算俾錢請既工人都係長期篤機、仲會俾氣你受會唔會好過d
仲之無穿無爛就算啦
教養始終係父母工作
4個讚
唔係自己湊就點都睇唔順眼，我6299唔開電視全天候陪玩，照顧得好過加零一，99配合我地教法日常仲講埋英文…日日我仔話要跟佢返屋企，我都係唔開心
所以呢，唔好理佢點湊，你湊嗰陣用返自己嗰套就得，細路仔好醒，識認邊啲人係點應對
利申：個仔三歲，知佢地仲餵緊飯，但個仔跟我嗰陣連雞翼都識揸筷子食
3個讚
長老無得搞，佢哋有自己嗰一套，我見個小朋友無穿無爛，食得瞓得痾得就算
3個讚
上癮呢啲問題
一係搵專業人士幫手
一係當事人好有決心
否則你講幾多句都無用
唔會解決到 關係又越嚟越差
1，就算係自己父母，叫人湊仔都係有求於人，只要唔係危害健康，最好隻眼開隻眼閉。
2，就算父母幫手，都真係只係幫手睇住。教乜教物、幫小朋友增值…全部係額外要求，做人父母唔該自己教返做返，唔好假手於人。
3，請個工人都唔會跟足你果套，就算自己湊都有偷懶嘅時候，何況依家只係假日父母，老實講點好意思話長期湊果個。
4，做人將心比己，第時到自己老咗，小朋友叫自己湊孫，一至五已經要你硬食24小時湊仔，困身到私人空間時間都冇，仲要比人鬧湊得唔好，分分鐘仲要無償幫佢湊… 如果唔係想幫仔女，呢啲工作邊個想做？所以做人真係要識感恩。
7個讚