我明白辛苦 唔容易 雖然大部分時間唔係我湊
但係我絕對明白辛苦個位係邊 我唔係淨係諗自己的
只係想佢試試依個方法可唔可行 唔可行咪再諗諗
可行嘅 佢都可以冇禁辛苦 唔洗係咁抱佢訓同執奶嘴
佢唔理唔試 又要話返你 完全唔make sense同唔講理嘅說話
佢唔中意聽人講野 自己永遠都係岩 真係好難唔鬧交呢
佢hea個點真係持續左太耐同太嚴重
所以已經搞唔掂 佢好似啲後生咁沉迷左手機度幾年
唔洗食唔洗訓唔洗痾 仲嚴重影響晒同屋企人關係
本來以為有左粒孫會改善到 但係原來都差唔多
抱住b 照禁電話 係屋企8 9成時間都係戴住headphone 我真係好無奈好失望
其實媽媽只係5字頭頭 仲好fit 長期都訓係度
姿勢好差 精神又差 影響自己身體健康
試問我點樣唔擔心同唔嬲呢 唔洗湊孫嘅話我相信佢又會回復原狀 講極又唔聽 軟唔聽硬又唔聽
1個讚
你心情，我明白，明明自己tune得唔錯，一野俾佢縱到打回原型。但俾得長老湊，其實係預佢地包湊唔包教。好多位係好嬲，但冇法，鬼叫自己要搵食冇人湊。
放假多啲陪返bb調正, 或平日安排好節目俾佢地自己玩，長老都湊得開心啲。奶嘴唔想佢食咁密，咪故意放隻剪斷的過去。唔俾佢睇電視，咪準備玩具、cd機去俾佢播碟。長老都係求方便湊，自己諗多啲方法方便佢。自己媽咪，可以出聲話已經好好，好多jm都係要俾99湊，得個死忍。忍多一陣，bb大d, 咪安排去下pg, n班， 減少對住長老的機會。
我自己係湊到一歲，寧願辭一年職，等到育嬰院有位可以托兒，先去做野，長老只係幫我接送，搵d興趣班俾佢去上，唔想俾佢地對住全日
9m都已咁勞氣，之後食飯偷食糖介片去玩重多勞氣位。加油！
3個讚
離題講下,伯母好潮,識用 headphone,我仲未有 
咁佢真係過慣 hea 慣生活 
唯有你陪 bb 嗰陣,多 d 練習,又可以增進感情 
完全明白你，我媽都係咁
明白 睇左大家回覆 的確冇辦法因為交左個bb比人湊
可能語氣係好過份 但好多事唔係淨係因為寵孫同唔用我果套所以先禁嬲
只希望過多陣我湊返 我媽媽願意花時間同屋企人相處會多過係手機
湊b會辛苦同勞氣 同好多好多挑戰我已經有晒心理準備了
大家一齊加油
thanks all!
2個讚
其實湊bb真係唔係禁容易，
有時候bb半夜唔肯訓係到叫。
要食夜奶。
我媽媽同你一樣講唔好抱訓。
一抱晚晚都要抱。
但我奶奶都會照抱一抱幾個鐘。
唔肯訓好辛苦。
每次都係佢攪掂。
你如果係另一個角度諗佢係幫左你。
一係自己揍
一係請工人
長老揍結果就係咁，BB越大，浮出嚟問題就越多，小朋友到咗小學好多壞習慣已經定局，好難改。
#好少見長老揍B係開明及懂管教
1個讚
其實唔系要俾你b睇電視、係伯母自己要睇
聽你講你媽好潮又hea開、你要佢全日去湊仔做家務真系好難囉
你係咪要佢湊埋過夜？咁佢就梗係想b早瞓有me time 啦
1個讚
你唔好咁啦
只有自己先會行到自己果套
我登你媽媽慘🥲
3個讚
同意樓上所講, 比人湊就要COMPROMISE, 其實阿女細時我有用工人加阿媽湊, 阿媽湊我已經放心100倍, 你頭先講果D嘢我媽都有做, 比奶咀佢食, 成日抱, 比電視佢睇… 睇到我女係未識睇卡通之前已經識晒交易所直播室, 咩青姐, 陸叔, 郭思治, 李兆富…我唔識果D佢都識 成日抱佢所以我女18個月先識行 (唔知關唔關事), 但而家睇返又SO WHAT…
樓主可能睇好多育兒書覺得自己果套先WORK, 我自己之前都有呢個想法, 覺得老人家果套唔啱呢個年代…但事後睇返其實無乜大不了, 0-3歲真係食痾瞓, 如果你真係好想自己湊返就等K1之後啦, 果時先會見到教育上嘅分別
4個讚
坦白講, 我見過有朋友又係勁投訴佢媽湊孫HEA, 點知自己weekend湊返仲HEA過個媽, 原因係"我一星期返工已經好辛苦, 放假想輕鬆下, 阿媽長時間對住BB影響好大, 當然要認真D".
俾自己媽媽湊已經叫做放心好多…
起碼唔會擔心BB俾人虐待先…俾工人姐姐湊點都唔會放心得落…
我初初都好似你呢個情況, 但我個仔係俾奶奶湊。
初頭放工去接阿B,見到佢喺度睇電視都打左個突, 尤其係網上好想文章都話太細個睇電視, 大啲會專注力失調, 而家問題會喺佢7-8歲先浮現, 自己都唔開心左一排。
但我有同奶奶傾我嘅憂慮, 佢嘅答覆同你媽媽差不多, 都係話屋企太靜, 想有啲聲。結果佢自己諗到折衷方法, 開收音機代替電視。
將心比己, 放假自己湊返BB, 真係攰到一個點, 又要睇住佢同佢玩、又要煮野食俾佢,再加做家務…etc
仲要講緊阿仔個晏覺係半個鐘起, 一個鐘止…
有時行開行埋, 想佢冷靜落黎, 俾佢睇一陣電視都無可厚非。
再加上自己媽媽都上左年紀, 體力都已經唔夠我地後生黎, 仲幫手湊全日…已經好感恩。
我都學識左隻眼開隻眼閉,
盡力抽時間多數同BB玩啦, 如果覺得長輩做唔黎咪自己同BB訓練囉, 你一定得嘅! 加油!!
1個讚
好正，責任外判，寛己嚴人。點身教？
事實難接受
係我以為好認真咁同佢講
希望佢嘗試下另一個方法 佢會試下聽
因為我試過原來可以咁做喎 咁做大家都舒服啲
但係求又唔得話又唔得 係要自己禁辛苦
湊大自己仔女 ， 都係睇電視、腸仔火煺養大
年紀大要用新思維湊孫， 仲要俾人口尸巾
Bb對住電視 自己係篤手機 塞住耳仔 佢唔睇電視的 其實擺好Playmat安全環境下 bb自己玩 佢咁做係冇乜問題 但係佢懶唔圍好圍欄 坐隔離篤機 bb look左出去/多手掂緊其他野都唔知 我只係想去個廁所 去完就睇到咁⋯
原生家庭影響大 所以我知道由細到大導致咩問題
我只係希望佢試下改變 我擔心bb同時其實都係擔心佢
我覺得係由未有bb前已經有問題存在 所以依家反應先會更大
不過勸又唔掂 點都唔掂 直接拒絕溝通 咁樣好難唔會嬲
不過點都好好快會自己湊返 無謂嘈落去 只係呻下 有唔同意見同睇法都幫到我唔少 的確要反省下態度同諗法
有啲野人地唔聽就點都唔會聽 再去選擇其他方法去做
通常都係咁，呀囡講咩呀媽係唔聽，反而聽街外人講野。
不過我覺得呀媽活到呢個年紀hae慣，真係好難改變佢，你想做但礙於身份都係有心無力，慳返啖氣吧。
至於呀b, 真係快d自己湊返，起碼終止到個壞影響先。
2個讚