講左一億次唔好抱住搖bb訓 唔聽 唔試
奶嘴一開始個b唔食會吐出嚟 比佢湊之後就完全依賴左
以前明明訓教唔需要奶嘴的
一嚟佢唔食 2嚟慢慢拍下拍下比啲耐性其實可以訓到
唔想成日比bb睇電視 仲話返我轉頭話我禁專制限制佢自由
咁叫專制？？仲話屋企要有啲聲氣
我有話咁咪開收音機果啲 但佢又冇聽 唔理
點可以比個9個月嘅bb成日睇住部電視架？
仲要9個月之前都係咁嘅諗法 我一返去就係見到bb係high chair睇電視
要睇都唔係咁樣同依個歲數仲細
成日話bb唔識爬 我買左張墊 同個b玩勁求其勁hea
掛住禁手機 仲話遲下自己識爬架啦
我知個個bb都唔同唔急得 但係完全唔試
又成日擺係櫈困住佢郁 咁樣點樣學爬學行同訓練下小肌肉呢？
我唔係想媽媽幫手訓練 只係比多啲時間佢係墊度自由發揮
其實我只係想草返多啲錢 之後再湊返
但係次次一係唔細心一係就唔衛生
出完街唔會沖涼洗頭 照湊bb 依家仲係疫情⋯
奶樽會有頭髮 沖奶唔洗手等等
仲禁多年仲沉迷左電話度 9成時間都係篤機
嚴重影響同屋企人關係 原來我生完bb都仲係咁
認真傾想佢嘗試下其他方法湊
同改善下壞習慣 咁樣大家都舒服 又唔聽
真係好辛苦 變左我係咁勞氣咁話佢咁
問題就係咁一直惡性循環 錯在我要搵食累晒所有人
睇左大家回覆都諗通左 會盡快自己湊返 對所有人都好
不過同媽媽一路積落問題又係另一個解決唔到嘅事
除左湊b 長期落去仲係對住手機會有咩壞處大家都知
希望遲下佢會花時間係同人相處而唔係手機度
Anyway thanks all!
加油,媽媽!9個月真係要識爬啦!練習多 d ok 架!
2個讚
好難要人用自己方法湊，無危險嘅就隻眼開隻眼閉算啦，爬就放假時同佢練多啲
11個讚
您搵人湊都好難要求多多，工人姐姐受薪都未必跟足您果套啦。何況您媽無償幫您湊
8個讚
我唔搵長老湊，我請個保姆無咁嬲，起碼我有得選擇，睇下咩人先決定請唔請
Ps有d錢真係無得慳
5個讚
搵自己媽媽幫手要學識隻眼開隻眼閉。
無危險嘅就由佢做，
平時都要做家務，休息下，me time，
無可能只跟你方法湊孫。
5個讚
依家就唯有係咁 上個禮拜開始叫做好似條蟲咁爬下爬下 其實佢肯爬的🥲
1個讚
你講嘢咁刻薄既？佢湊唔啱你心水你咪自己湊返囉。
欠你㗎？
13個讚
如果要講佢啲唔好嘅野有好多好多
積積埋埋真係谷住度氣 睇返真係唔太好我都知
但係我自己比佢湊大 我知道由細到大有咩問題係原生家庭所造成
其實平時我都係會用行動去孝順返佢
但係我越大個佢比我感覺越hea
好多野加埋所以我先禁嬲
咁就好啦!阿媽自己人,幫你湊又慳錢,至少錫住粒孫呀!
雖然有錢可以請工人湊,有錢都未必請到個好姐姐!其實做開醫院都知,真係唔少 bb 成日有傷要入院,多就無謂講!只係未上頭條咁解!
一係考慮請保姆,但價錢都唔平,分分鐘係等如一個工人姐姐價錢!仲要你管接送架!
老人家縱孫係正常!唔錫你先驚!隻眼開隻眼閉啦!如果附近有 d 湊 b 免費堂,請佢老人家上吓,有幫助架!
人大個越 hea 係正常喎!唔好介意我幫伯母講呢句~ 
打工都係啦!第一年搏,第二年都開始頹,第10年都 hea 架啦!
人越大,機器都唔太順,梗係想做少 d hea d 架! 
1個讚
明白樓主緊張個b會睇唔過眼, 但鬼叫唔係你自己湊咩。比人湊你其實就係放左個主導權比人, 你無得要求咁高。
你淨係weekend 湊梗以為「開左個頭keep住個勢就得」係好容易，但我想話個勢係好難keep，湊bb真係好累，仲要做埋家務其他野，所以食奶咀睇電視搵呢d野幫手湊係好人之常情。比返多小小同理心，其實老人家都辛苦。
當你唔鍾意你媽既育兒手法，咁你有無比其他行得通既alternatives佢跟？
5個讚
其實真係太嬲想呻下
你都知嬲起上嚟咩都講得出
但唔代表我唔愛我呀媽
我遲啲都會自己湊返
對我對佢對bb都好 只係依段時間真係激氣到暈
