可以扮演好爸爸角色，但又可以繼續同二奶卿卿我我
你老公緊係唔會想離婚啦
唔想影響個女？佢偷食出軌時又唔諗下個女？
x街到佢丫，出去玩女人，返屋企仲特登教個女話單親唔好，將個責任隊落個老婆度
樓主，好快呢件人形渣會露出真面目，到時小三要結婚佢一定迫你離婚，然後突然就唔需要為個女
信我
快啲離啦，仲要喺佢，個加，佢屋企人面前撕佢假面具
咁如果肯定佢會跟個2奶就乜都唔使諗，錢方面你都諗得好完善，我估你可以問定專業人士點樣慢慢去比個女知道咩一回事，因為如果突然同佢講分開，處理得唔好係可以影響好大。btw，邊有唔離婚又可以出去搵女人仲做埋好爸爸
呢條數佢都計得幾盡呀。
1個讚
佢以後搵幾多畀八成你，我叫佢聲好爸爸又點話丫，你估呢啲賤男會唔會﹖
其實當你發現左佢有第三者,如果佢無認錯,無求你原諒,咁你可以考慮離婚架啦,因為佢都已經唔覺得自己錯,唔需要你既原諒!我覺得你以家應該諗下如果得返你同個女點生活?你搵唔搵到野做?個女有無人幫你照顧?當然重點係攞個賤男錢,有幾多盡攞!
1個讚
個男人當然唔想離婚啦，有屋住，個女有人湊，而且個個讚佢好爸爸。
唔好咁委屈自己，一於離婚，你上面都講過間公屋可以轉自己做戶主。一於趕佢出去，叫佢同個二奶雙宿雙棲囉（真愛嚟架嘛），成全2條仆街。
至於生活問題，可以拎住綜援先，呢幾年你都進修吓自己學一技之長，等個女上咗中學就做嘢。
同埋一定要唱個男人搞散頭家！
1個讚
以家屋企咩值錢野都先收好,留多D佢出軌既對話截圖,呢D對你有利,你記住邊日發生問題,你老公唔肯離婚,即係要你等兩年先可以單方面申請,所以你要記住由邊日可以你地既離婚出左問題,就算住同一單位都可以當感情上分開左去申請!記住,你有個女,佢係你精神支柱,你要計劃好點樣可以照顧到佢同自己!
3個讚
佢講已stop,d 2日都無搵籍口出去,行為更錫個女,為個女行先,佢會講佢同佢老豆好似之類既說話,佢老豆又係有好老婆唔要,所以我估佢心已不屬我,我估個果應該係同事,因為佢一直返工放工都好準時,錢又比晒我,無唸過佢會有外遇,個腦不停唸野,唸左好多野,1)同一屋簷同共等女大d?d2日個女問你唔食野既?我笑住答,我減肥囉,咁落去真係對個女好d既選擇? 2)我唔走佢一日都唔可以光明,但佢出去時,自己可承受嗎? 應該好難會做到,個心好痛,唔知係咪我多心,佢暫時咁,係因為我要離婚,佢唔想搞到個女先咁做,見步行步,而我唸住等個女6月考完試,7月放暑假就將問題決定,d2日好辛苦停唔到,所以唔好意思,我有睇晒大家既留言,但有時真係沒心情去打字。
明白的，既然個女要考試，就等個女學校嘢搞咗先。
至於老公話「唔想搞到個女唔開心」，呢句說話係廢話，因為由佢外遇嘅第一日，就已經唔將個女放晌心度。
5個讚
仲要自己有外遇，賴落「同我老豆好似」度，不如話屋企風水唔好啦
3個讚
你既思維都清晰，等囡囡考完試先處理啦，到時情況又可能有唔同。
去做吓運動，行吓山，望吓海，睇吓大自然，你會有更多正能量，要食返多D野，盡量唔好令自己情緒低落，唔好比佢控制你心情，記住，錯係佢唔係你。
6個讚
呢個唔正確, 離婚有5種原因 : 1. adultery, 2. desertion, 3. unreasonable behaviour, 4. 1 year consent, 5. 2 years separation
樓主想離婚原因可以用 1或3, 用1的話甚至可以加埋條小三落去做2nd respondent
1個讚
係可以用通姦,但要留意時限
時限
夫婦的其中一方揭發對方通姦後，倘若仍繼續與對方同住超過六個月，便不能以配偶通姦為由申請離婚。原因是雙方同住，便不能顯示呈請人無法忍受與他／她的配偶共同生活。
2個讚
樓主，你幾唔開心都要食嘢，食唔落都逐少逐少質啲落肚，你仲有個女，仲有自己人生，仲有屋企同朋友，仲有想去既地方，仲有想做既事，仲有我哋同你講是非！
男人之嘛，妖，咪又係生物一件，愛就愛，唔愛咪踢佢落垃圾筒囉
唔好虐待自己呀
5個讚
講得冇錯! 幾唔開心都好唔好捱病捱壞自己身體.
佢唔愛惜你. 你更要愛惜自己.
你病左唔舒服照顧唔到女女. 到時比個仆街扮哂野係你女女面前扮好爸爸"假"照顧你, 以為爸爸好好人更加唔抵.
你老公點都係仆街一個. 話因為個女先唔想離嫌婚, 叫佢食屎啦人渣. 為個女就唔會搞三搞四啦
你而家唔好諗太多. 總之錢就有幾多就儲起先., 有證據就影低佢方便日後見官時用.!
TAKE CARE
2個讚
我廿年前被個 ex hurt過，又係唔食嘢乜都唔想做，但半個月後終於醒︰有乜重要得過自己人生﹖啲賤男食屎啦
呢廿年人生有起跌，但整體好快樂，好彩個賤男夠賤
樓主，命運掌握喺自己手裡呀！
1個讚
唔怪之得話唔想同你離婚，因為離婚會冇左間屋呀
住公屋無錢就夠膽玩女人, 真係人頭豬腦
如果佢直認唔愛你, 無挽回, 就離婚啦
個女係咪單親已經唔重要, 單親都可以好有愛, 健康成長
如果你對住佢, 搞到自己情緒唔好, 會影響埋個女的
睇到啲字都嬲到我噴煙！
呢句要寫三次提醒樓主