你老公將收入比哂你，仲有錢搵小三？樓主可以返外家暫住嗎？
當然每個男人初頭唔認,但一齊12年了,其實一有小小改變係會知,最終佢認有女人,話對唔住我,宜家最緊要唔好搞到個女,我返唔到媽咪屋企,佢無親無母,為個女我唸左幾個方案,其中一個,離婚個女跟我,公屋就會變我做戶主,我同女就有地方住,我可以暫時申請綜援,再等個女大d,我再搵野做,我講左幾個方案比佢,但佢仍然唔想分。
3個讚
千祈唔好離開屋企，要走都係佢走。否則佢輕輕鬆鬆咁坐喺屋企，其實會安於現狀。
8個讚
咁佢有冇話會同嗰邊斷？
個人好亂,又唔敢同人講 
我知道暫時仍然愛佢先會心痛,一齊12年了,又唔知個女點,所有野都唔知可以點。
咁你先生嘅意思係斷唔斷小三？
佢梗係唔想分啦, 佢玩女人啫, 無諗過用生命玩女人加嘛, 佢又無錢又無屋, 如果離婚佢仲要比埋間屋你, 佢唔通搬返男家喺額頭鑿住我通姦比老婆趕返嚟?
男人衰起上嚟想零成本享齊人之福, 出面軟玉在懷, 家中又有好駛好用煮飯婆洗衫洗廁所湊女, 外人面前仲擺出一副好爸爸形象! 叫佢吔蕉啦!
所以又去返我第一個REPLY, 樓主你靜靜地搜集資料先啦, 主動權把握喺自己手, 離唔離婚係自己話事
14個讚
其實你而家真係冇時間只顧自己傷心，”好亂”，你究竟係想要個好結果，定淨係想要人同情可憐安慰？
樓上大家都好關心你，想問清楚多啲情況去幫助你。始終解決問題係最實際。你自己諗諗，你仲有個女，而且經濟環境都係大前提。
我唔係想要同情,只係唔知可以點,第一次出post 
可能講得唔太好, 只係想舒緩下情緒,佢應該選擇同小三,我最大問題係金錢同要照顧個女,我同自己講,到7月暑假就來個了斷,到時亞女放暑假可以陪佢,唔想佢宜家知,影響佢考試同返學。
5個讚
唔係責怪你嘅意思，係想希望你鼓起勇氣面對。
只係我覺得越早take action 救得返嘅機會越大
佢話唔想分，但點解你覺得佢會想同個二奶？
男人唔同女人，唔會為咗愛情就放棄晒所有嘢。佢唔會放得低個女同埋呢個家。
但你真係要強硬啲，唔可以俾佢感覺到你好軟弱，明明主動攤牌，但係又比佢繼續現狀。
1個讚
樓主，明白你而家好無助，不如搵搵附近區議員，睇吓佢幫唔幫到你，無論經濟上同住屋方面
點解覺得老公會跟第三者走？
我覺得女性係不會接受呢方面，9歲可能仲細，遲多一兩年佢就會討厭個老豆。
如果佢知你為左佢維持呢段關係，佢大左會感謝你？
定係感謝一位單親媽媽努力養大她？
無家人可以商量嗎？你點解怕比家人知？佢都表態話不想影響個女，咁你呢？
如果個男人另組家庭，生小朋友，咁你個女係咩？
大家都係女性，真係好討厭呢D男人!
p.s.離婚後揾到個更好的例子不少。
唔分開對個男最著數，因為佢已同你攤牌，以後光明正大去個狐狸精度，戲都唔洗做。
如果你肯定佢會揀第三者，我建議長痛不如短痛，分開把啦。因為就算佢今日為個女留低，呢件事都會變成佢嘅遺憾，難保佢將來唔會出走，到時你仲傷。
同埋為個女維繫頭家係諗得好美滿，你同個男人情緒根本會受困擾，仲要響個女面前扮冇嘢，真係遲早會爆。
Anyway, 呢件事主導權已響你手，唔好等個男人做決定，你要諗下點先對自己最有利。
事情已發生，一時半刻個心一定好亂。試下抽離自己去睇件事，咁可以用客觀d角度去睇，幫自己做決定。
1個讚
同事又係因為老公有外遇離婚，當年大女初中，細女十歲，兩個憎到老豆死，週末去見嫲嫲都唔肯同老豆講一句嘢。果時我同事反而擔心對兩個女心理產生陰影…唉。
係囉
男人無錢就無得身痕架
一定要管好啲錢
我未爬文，第一反應：想搵個女嚟拖你享齊人之福
唔想搞到小朋友佢又搞其他女人？
呢啲x街第一晚發現應該剷佢出街
2個讚
天下大笑話
追完po, 既然樓主覺得男人會揀小三，咁就一定要離啦，已經唔存在原唔原諒既問題… 因為佢其實已經揀左繼續同小三一齊呀！
上面有個jm話要個男人自己同個女講，我都好讚成！加上衰d講，好彩個女都9歲，多少明d事理，佢會知道個老豆唔岩，令媽媽唔開心，而唔洗日日問你點解唔見左爸爸，而我都相信佢會體諒媽媽。
佢緊係叫你諗下個女啦，因為離左婚佢面對唔到個女嘛！
經濟方面，一係搵下區議員，一係搵下社工，大把lon路幫你
3個讚
我唔可以比咩意見你
只係如果發生向我身上，我一定離婚
同老公結婚時我都講得好清楚，絕對唔會容忍佢有第三者，一定唔會原諒佢
唔好同我講為咗個女，佢偷食第一日，就已經放棄咗個家庭，我先唔會同佢扮夫妻，自欺欺人
自己偷食自己衰就認左佢，唔好張個責任推比人
呢個世界無話無咗邊個唔得，就算無爸爸一樣可以好好生活
我實會大大聲話比人聽係佢偷食包二奶攪散頭家，睇吓第時個女仲叫唔叫佢做「好爸爸」
2個讚