早幾日知道佢出面有第二個,佢亦都認左,話宜家只為個女,佢好錫個女,我講離婚,但佢唔想搞到小朋友,我無做野湊住個女(9歲),佢一直都將全部收入比我交費用,好想搵人傾,但又唔想比朋友同屋企人知,全人都覺得佢係好爸爸。
1個讚
同佢講、佢出去同第二個一齊happy果陣又唔諗個女？
現在老婆要離婚又要老婆諗個女？
自私精
唔識點安慰你、但你可以冷靜下、唔好咁急做決定。
反而盡量收多啲錢喺身先、萬一有咩事決定要走、有個錢喺身條路好行啲。
17個讚
女女9歲，佢明唔明白？佢身邊有冇朋友有呢啲經歷？
最擔心只係小朋友！
其實男人係咪都想離婚？只係為個女所以想你忍？
好想叫佢食屎！
認同樓上！要收好錢,cap多啲！
買啲禮物獎勵自己！
老公有外遇確實讓人崩潰，不過現階段還是先冷靜下來，有時候離婚也解決不了事情。如果決定離婚那就先收集好他出軌證據之類的，這樣對自己比較有利。如果老公認錯態度良好，可以再給他一次機會，看看以後的表現。我閨蜜老公也是被發現有外遇，她還找清雲道長做法事趕走小三，堅決不離婚，現在兩人感情還算可以，重要的是她原諒老公了，不然是無法繼續生活的。
1個讚
比晒錢你咁佢搵小三既錢邊度來？
得佢一人搵錢,又唔係搵得多,只剛剛好夠用,疫情令小朋友返半日,返唔到工,又無人可以幫到手湊女。 
1個讚
佢好錫個女,我地12年了,可能由愛情變左親情,佢有講我照顧得頭家好好,頭先個女睇電視,咁岩講單親,佢問係咪無左爸爸,咁個媽咪咪好辛苦,又要出去做野又照顧唔到小朋友,聽到好心痛。
小三
同意樓上JM講而家你緊鎖財政大權先, 同時兩手準備:
- 靜靜搜集佢出軌證據 (相/電話通話截圖/信用卡月結單…);
- 靜靜搜集佢資產證明 (出糧金額/股票/不動產/保險/MPF/信用卡…);
- 自己財政紀錄(2年);
- 計下數如果離婚, 喺分資產上對邊個有利?
- 諗清楚如果離婚你要唔要小朋友, 要嘅話再講可以點做;
- 最後冷靜諗清楚你想唔想離婚? 你對佢仲有無感情? 定都係因為個女而維繫?
6個讚
咩料呀? 你老公好靚仔? 小三倒貼比佢??
明白你難處、尤其小朋友就嚟呈分試、升中。做人阿媽嘅一定想小朋友安安穩穩過埋呢幾年。
佢係咪同出面果個斷左啦？佢肯改過自新你觀察下先
咁可以肯定,佢地係認真唔係玩玩下 
個男人係唔岩架啦，離婚故然係一個方法。
不過既然佢都愛個女，另一個方法係，大家繼續好似同事咁，一齊合作經營個家庭，養大個女，但之間無夫妻生活。
因為你離婚後，開支會大左，亦少左個人去湊女。接受唔到既話，可以分開住下睇下點先。
5個讚
如果以後真係離婚，你諗下會點處理小朋友既問題，例如你就算而家點收緊佢財政，第日始終你要出來工作養小朋友，定俾小朋友俾佢養你自己變自由身？
除以上問題真係心理關口比較嚴重，佢既然肯承認，只能講句加油
未必咖, 有D小三係好賤格, 佢自己未必係想同你老公長期發展咖, 做得小三唔介意逢場作戲啦, 你老公可能又係男人四十果D想證明自己仲有魅力, 兩個只係姣婆遇著脂粉客
1個讚
其實佢點諗同點講？
你一問佢，佢就即刻承認？ 有冇啲試探你嘅意思或者希望你唔好離婚？
有冇即刻話後悔會斬欖嗰啲？
如果係我，長痛不如短痛，我會比三日時間佢諗清楚到底想之後嘅人生係點。
三日之後，佢要執晒啲嘢走，亦都會同個女講清楚爸爸有另一個家，唔會再返嚟。
但係我哋兩母女會堅強。
咁樣，你都仲有啲機會，半年之內，個男人應該會諗清楚，可能會求你返返去你身邊。
1個讚
姐係其實佢無意挽留？只係希望拖到小朋友大啲？
真係傷心！
但如果離婚，怕唔怕佢搶女？
第三者係咩料知唔知？後生？有冇家室？
個8婆未必鍾意啊女架！
有冇諗過企硬？等佢哋都冇得光明正大！
3個讚
呢個真、有啲人心態當多個人陪陪自己食飯…反正本身都係單身、寂寞到一個點求其就手揾個人陪下自己。
1個讚
咪係, 做得小三唔駛攞貞節牌坊啦, 佢又唔係睇錢份上, 仲要倒貼喎, 分分鐘下個月已經換畫
我係樓主就學伍子胥呀, 帶埋個女離家出走, 斷佢米路, 分佢身家, 畫對眼掛在房門口, 睇你兩條賤人好得幾耐?!
如果揾錢唔多仲出去搞搞震
你又唔打算分開住
開條件叫佢唔想離婚、就揾多啲錢返嚟呀、叫佢用搞搞震嘅時間做foodpanda都好丫
無論點你要比佢知離唔離婚控制權喺你度、唔係佢一句要諗下個女、佢就可以冇件事。
6個讚