過幾年移民嘅父母 可以考慮國際化津校 俾小朋友適應下英語環境
https://lih.kg/2535099
- 分享自 LIHKG 討論區
2個讚
前面兩間都唔係容易入，偉倫更加係爭崩頭架，唔係你「考慮」就有（呢位連登用戶應該未結婚未有小朋友）。後面四間一係遠到七彩，大人返工都艱難，一係就「假國際化」。
我覺得冇需要為移民而揀呢類津校。小朋友要適應英語環境可以好快，唔洗兩三個月都搞掂。之前呢度都有網友話自己移民，女女讀德語學校，又係幾個月功夫就已經完全適應，佢肯定都唔係讀德瑞先移民。
雖然啲小學唔係講英文為主，但英語課程都係夠提供基礎的。好多小朋友都係讀中文小學然後去英國留學，一樣搞得掂，未曾聽過英文水平仍然差搞到追唔上、融入唔到。
個人覺得應該盡量揀間中文好嘅小學先移民走，因為去到外國小朋友就唔會再用中文，慢慢就會退步。雖然你可以肯定到自己未來唔會回到講中文嘅地方，但唔排除小朋友將來工作，可能中文就係幫佢爭贏份工/工作有呢個需要。
12個讚
仲有呢間 東華三院蔡榮星小學
識得用家話係行國際學校路線
1個讚
呢間係較多科目以英文教授，未至於行國際學校路線
唔知呢 我識得一位用家咁講
仲話估緊佢會改行直資/私校喎 佢話之前有津校都試過咁
又見到有篇咁既報導
https://www.goodschool.hk/blog/90b8ab00-0994-11e9-8751-47a29c3bb5b3
睇完校務報告就覺得…
怪怪…雖然係新校但學士學位會唔會低左啲？即係有 32% 嘅老師冇大學學士畢業？網頁紀錄正常好多學校都寫 “school report”，比較少寫 xue xiao bao gao。
唔係話佢唔好，但佢仍然係有待觀察。用英文教書唔一定等於好。
3個讚
國際津貼學校=專收南亞裔，送都唔會去
我啱啱去佢個網頁, 其他pdf都係呢D名架 
2個讚
係呀，依家都集中谷中文
學校過多兩年會搬返去水泉澳邨，照計讀呢間唔少都係住水泉澳邨，唔係話住屋邨就無能力供小朋友讀直私，只不過轉左要俾學費，家長未必會考慮讀，咁不如一開始就做直私啦，唔好攞左塊地建學校但又唔係便利附近居民入讀。
國際化既津校其實無意思、最重要係課程
你好細心
我諗起拎外國護照但大都是中國人面孔的國際學校
佢好彩係免費囉
果然連登仔未到家
香港變成「國際化」既官津校，其實咪係一般香港家長所認為既寶校囉！
3個讚
係，我住31校區，區內有2間係連登仔口中嘅「國際學校」，無乜本地生（因為派咗都唔會肯讀，寧願叩間正常少少嘅二線小學）
油麻地街坊會學校
佐敦官立小學
啲小朋友個個講英文架，不過係區內著名寶校，派咗喊三聲。
應該仲學到第三語文，印度文或巴基斯坦文
油麻地街坊會學校我唔知。
不過有人住佐官附近，話見到學校入面，啲學生晌課室上堂時走嚟走去，都唔係上課架。
嗱！呢d咪叫「活動」教學囉！
個連登仔連 level 1 都未到。
偉倫係好好（離島區黎講），但係愉景灣，有幾多家長可以搬到入愉景灣？？？更何況偉倫唔係想入就有得入，自行、甲一畀你跨到都要你有車去到。青衣出發坐的士都要預起碼 30 分鐘。咁貴車費，留返黎讀英小直私都得。
天總叫做都勉強算得上係「國際化津校」，唔諗升中嘅話。
後面幾間簡直係笑話。
我都見過油麻地街坊一次，街上追逐，不過係華裔學生。
香港「國際化津校」仲有伊斯蘭、雲泉、李陞大坑，齋睇相會以為係新加坡學校。
值得讀嘅男女英津得拔小，但拔小…就讀家長肯定知並不如外界講咁好。
拔小啱啱上報紙