乜國拼音就知乜人寫，水泉澳，果區好多大媽 
其實唔止學生，老師都有逃亡潮，就算努力又好彩地入到名校，都唔知師資會點，好多野都唔敢再教….好悲哀
Btw, 有冇人識屯門鄉師同打鼓嶺嶺英小學其實係點？聽講都係少有的森林學校
中環碼頭有船去愉景灣，
坪洲好近愉景灣，可以住喺坪洲，一樣有船去愉景灣及中環，
租屋平過市區樓，
1個讚
但冇乜家長會為左入偉倫而住坪洲同愉景灣。偉倫小一得 75 個位，自行世襲都霸埋統一派位個位，派唔到就衝入聖家。偉倫跟中西區升中，但聖家跟離島，即係冇運行。再諗下，升中要咁樣跨區搭船，天氣差就可能好艱難返學。諗起如果 touch wood 住坪洲，突然放學打風冇船開，個小朋友可以點？
加上中西區升中唔利仔，Band 1 都好大機會衝入南區。偉倫升中表都可以見到，好多人唔係讀中西區或者東涌學校，計埋啲 Band 2、3 都係得 30 out of 71。好多人都係去灣仔、南區、東區甚至新界讀書。好大機會升中又要搬返出去。既然如此，冇必要咁辛苦了～偉倫係好學校，但偉倫係中文小學，只係因為多唔同國籍所以比其他中文小學多講英文嘅機會。但我信家長有心栽培，英文都唔會差，一定銜接到外國讀書。
仲有兩間黑店中的小學未見報，一間九龍城，一間大埔，兩間都係老師聽到聞風喪膽，前者係寶小，後者受歡迎到不得了年年超額收世襲，但冇人想入去教書。
後面嗰間直接列曬所有老師嘅資歷，讀乜中學都寫埋。我諗 10 間官津都冇 2 間會咁樣做。
點解你咁多內幕 
統一派位純粹運氣，
世襲係無優惠，無得霸埋統一派位嘅配額。
自行階段有兩條隊，「必收類」和「計分類」。當「必收類」超收，就會食埋統一派位學額。
“什麼是「必收類」：根據現行制度，官津小學甄選學童，必須先錄取在校就讀學生的弟妹或在校員工子女，這類學童的申請，必然會被取錄，所以叫「必收類」。因為這個原因，這類學生又被俗稱為「世襲生」。在「自行分配學位」中所收取的「必收類」學生，最多佔學校小一學額 30%，如有不足之數，以原本預留作「統一派位」的學額填補。”
例如我上面所提到嘅大埔嗰間，75 個學額但近年自行超收，導致統一派位得個位數。
若要人不知，除非己莫為
無緣無故唔會有人走漏風聲唱一間學校（唔見人地唱其他學校～），肯定係有野先惹來怨氣。
九龍城嗰間我知得清楚啲，受害人經歷實在令人同情同憤怒，點解佢哋可以咁樣對待佢？！不過唔可以公海講，始終我係識受害人但唔係我自己。只可以講，學校做左啲非常過份嘅事，導致人地事業同情緒受到困擾。呢間同青衣趙曾嗰間同一級別地黑。青衣仲有另一間都好「出名」，不過呢間野就算講名，住青衣嘅街坊都唔知佢存在咁濟。
大埔嗰間就一早出曬名係走佬學校。
1個讚
向謂走佬學校？我見佢統一派位得幾個位，想知係咪真係咁受歡迎
走佬學校，即係老師走佬走得快嘅學校。佢得 4 成老師係做多過 10 年，有 4 成係做唔夠 4 年。正常一間津校應該有起碼 70% 做超過 10 年（最低最低都起碼要 6 成），新老師應該低過 1/3。即係話呢間學校留唔到啲老師。如果學校係起左唔夠 10 年咁就還可以理解，但呢間都 18、19 年。可以上 schooland 個網打下你認識嘅津校，你就會睇到基本上都一定係 7 成做 10+ 年。
佢唔知點解前幾年開始好受歡迎。
呢間新學校，都係睇定D，未知學生出黎會點…
基本上用得拼音做文件名，即係由大陸人士負責行政工作…
拔小上得報紙，梗係有佢嘅原因。
金玉其外，敗絮其中，名過其實，都可以用黎形容…
大埔哥間係大學小學？有冇tips, 唔想中伏
得一間小學個名係有大學呢兩個字～～～
以下係老師怨恨間學校嘅理由：
- 迫全體老師交證明打針
- 新年初四就要開工，朝 8 晚 5:45，但校長下午先返工。雖然網課，但全體老師都要返工。
- 交通告畀校長過目，職員發現有出錯善意提醒，校長一意孤行，仲鬧返人轉頭
- 多多要求但搞好多唔係提升教學嘅計劃同活動，被迫寫完份計劃吃力不討好
- 校長想要間學校攞好多獎，要老師負責跟好多項比賽，輸左比賽就入老師數。
大埔區怨氣最高嘅小學都非佢莫屬
2個讚
西貢都有間英津小、不少外國人讀
1個讚
hkpapa852,
你係度呀！我睇咗你好耐啦！我好快又要揀中學啦！
我見到有間學校、10年+以上得大約2 成、超過6 成係1-4 年…!學費仲要幾千蚊一個月
如果間學校係 2010 年前成立嘅話，咁擺明有問題！走走走走走～～～～～