上年7月生, 有喺產後6個月左右做過紮肚。
但奈何都係回復唔返產前身型。
我係有返工, 平時BB交俾奶奶湊, 放工後自己湊返, 做家務都冇時間…唔好話做運動…
而且BB都比較痴住我, 我有時間都想留返嚟同BB玩…
結果換嚟俾同事笑…親戚都誤會我係咪又有咗…(我自己冇生第2胎嘅打算)
老公都有開口講過話個肚仲係有啲大…
好困擾,心情好低落…有冇同路人可以傾下… 
1個讚
戒凍飲？
真係體重 重咗，定只係肚皮鬆弛咗？
你個肚係咩問題先，鬆定脂肪？
中呀，我每星期都會飲2-3杯凍飲，都係齋啡，唔飲甜嘢。
比起有bb之前都重咗5kg
肚皮唔算鬆
係有個肚腩，好似有咗4-5個月度
紮肚師話重災區係後腰位置，同埋pat pat, 都係脂肪嚟
有冇餵人奶？
我餵人奶肥到一個點，後來慢慢瘦返，有期工作家庭好辛苦就瘦多左，不過都未返到做囡個時。
肚皮唔算鬆
係有個肚腩，好似有咗4-5個月度
紮肚師話重災區係後腰位置，同埋pat pat, 都係脂肪嚟
1個讚
冇餵人奶
講多少少
其實生嗰陣身體有事瞓咗兩個禮拜醫院
之後皮膚一直都依家都有問題，食緊中藥調理
再加埋新手媽媽嘅壓力，心情已經好低落
仲要不斷聽到人哋評論自己身材好
真係好傷心
1個讚
慢慢黎，走樣係正常
又唔係明星闊太，可以做運動又咩都唔駛做
我大概2-3年開始慢慢瘦返
小朋友過左半歲就放輕鬆d
1個讚
我覺得做媽媽內心真係要強大啲
唔好理人哋講咩
外人係唔會明白自己苦處
同埋個身體係你自己嘅
人哋點講係一回事，你自己點睇先？
有啲人覺得為咗生bb身型一啲都唔重要
有啲人肥少少都接受唔到
如果你係後者，唔好比藉口自己，的起心肝減肥
每日早少少起身做運動，改善飲食
5kg真係好容易減
2個讚
多謝你
我都覺得自己內心要強大啲
人哋講兩句就影響到自己…
最尷尬係老公嗰邊啲長輩好開心咁問：「仔定女呀？」
唉
1個讚
冇錯，最重要有決心
冇時間運動就飲食著手，少d碳水少d糖
持久落去一定有成績，加油！
我都經歷過你呢個階段。
我懷孕只重9kg，不過坐月肥。試過比鄰居笑我肥咗，嗰陣時岩岩生完，好敏感，真係試過喊。
幸好老公無介意過，係咁話肥肥哋先好攬。
不過我自己唔鐘意肥，於是都減少飯量，一個星期抽1、2日做運動。後來我做FTM，飲食唔定時，湊仔又累，好始瘦番啲。呢個年頭，學人生酮飲食，再瘦啲，而家無人話我肥。
所以你都加油
1個讚
多謝你嘅鼓勵
知道自己係要做運動減，而家阿仔都9個幾月，希望可以擠到少少時間郁下
出面嘅人對媽媽嘅指點真係太harsh
「點解你咁肥？阿邊個邊個生完都唔係咁」
「又有咗呀？」
有苦自己知…
恭喜你有個好老公，咁錫你 
youtube search “postpartum workout with baby”, 做運動之餘溫柔嘅搖動可以幫 bb 刺激前庭
放假帶bb 去戶外行吓，流多啲汗
2個讚
係呀，而家啲人把口好衰，好似個個媽媽都好似明星咁，一定要瘦。生完肥少少就笑人。
不過最緊要老公明白，嗰陣時我老公成日話「咪我同你一齊肥囉」
但我減肥係想自己開心&自信，做咗媽媽都要錫自己。
我建議你可以由減飯量&戒糖開始。
1個讚
之前生完重咗3kg, 走唔甩都係腰同pat pat啦，收身呢啲係長期作戰，慢慢拉吓筋先啦！
走樣唔係你嘅錯，而係你好偉大咁犧牲自己嘅身體健康去造個小朋友出嚟。
我明你嘅唔開心，我老公接我出院嗰陣佢都好天真咁話：仲有咁大個肚嘅？我仲以為生完會即刻瘦番哂添⋯⋯
我好討厭做運動，不過其實都可以係睡前做啲重點收肚腩嘅運動，係床到做架咋，都幾攰架，要有毅力先得
番工有得準時放飯肯定會食嘢，但ftm真係搞完bb啲嘢，自己都攰到連外賣都冇力叫⋯⋯淨係夜晚果餐因為要煮埋比老公先有啲心機，我一日可以一包豆奶加晚餐就完
忙到唔曉肚餓，瘦過生之前。