感謝victor, 但想問問我平時會食3 隻蛋， 2 包鈣思寶，如果要食卵磷脂的話，蛋和鈣思寶的份量需唔需要減少？
包裝建議每日食一至兩粒
其實卵磷脂的好處是什麼？
再想問問 elevit 2 我知道含有DHA, 但因為之前買多咗惠氏藻油DHA, 兩樣一齊食可以嗎？
謝謝victor 
Hello, 想問materna ovaboost fertilaid 3樣可以一齊食嗎？因為想準備懷孕，買左ovaboost & fertilaid，但唔知道仲需唔需要額外再食葉酸，食materna？
感謝你解答！
Victor 你好，我同老公積極備孕中，但係已經係超高齡，所以買左 Fertilaid 的精子維生素同 Countboost 比老公食，但係食完之後老公話d 小便變左青綠色
，請問有無聽過呢d 情況？ 同埋你有咩建議比高齡男士
老公無check 過sperm, 但係我覺得佢d sperm 應該無論係質定量都唔合格
謝謝解答
唔需要，同DHA可以一齊食 
卵磷脂對懷孕嚟講最主要嘅效果係令乳汁冇咁黏，對預防乳腺阻塞有幫助
Ovaboost同fertilaid可以一齊食，但唔建議加埋Materna（唔洗再額外食葉酸）
Fertilaid同Materna都一樣含有葉酸加多種維他命同礦物質，而Fertilaid入邊額外再加咗啲助孕成分，所以Fertilaid+Materna就會double咗維他命同葉酸嘅部分 
1個讚
我諗係因為countboost入邊嘅維他命B2，因為countboost嘅B2劑量比較高，而本身B2係帶螢光黃色同埋係經小便排出，所以覺得小便黃黃綠綠都唔出奇
咁多唔同種類嘅成分入邊，比較多實證嘅係L-carnitine（男士Fertilaid同富精多入邊都有呢隻成分），所以如果你食緊Fertilaid就唔洗特別再加，但如果冇食緊都可以考慮呢類成分
thank you victor
1個讚
感謝你詳細解答！
如果我本身皮膚經常會敏感，有時仲甩皮。有冇方法可以改善/避免 bb 皮膚都會易敏感？非常感謝
如果本身準爸爸／準媽媽比較容易過敏或者有濕疹呢類問題，懷孕期間除咗葉酸、多種維他命同DHA外，可以加埋益生菌，generally多菌種嘅probiotics會比單一菌種嘅probiotics對「BB過敏」嘅效果更顯著，例如可以試下elevit個隻孕婦益生菌
你好，想問孕婦如果懷疑腳趾有真菌感染，痕癢，有咩藥可以自己買來用？上網見樂膚舒嗰啲孕婦唔用得謝謝你
Hello cowcow，一般嚟講抗真菌藥膏吸收入血嘅部分好少，所以外用抗真菌藥膏通常唔洗太擔心
如果你有腳癬嘅症狀，例如係腳趾位生水泡、甩皮或者痕癢，最safe可以用含有clotrimazole嘅藥膏（例如：確膚寧），呢隻成分喺孕婦方面嘅安全data應該都數一數二多，建議每日搽2次，一直去到好返再搽多1-2個禮拜減低復發機會，同埋平時啲襪同毛巾都要記得分機洗就最理想（最好用60度以上嘅水溫嚟殺滅真菌）
多謝你嘅回覆啊，我去搵下先，同埋盡快高溫清潔下啲襪
1個讚
Hello victor 又係我
好多謝你之前嘅回覆
我年齡30頭，備孕幾個月未中，又心急想有bb，我同先生本身食緊愛樂維+CoQ10 200mg，想同先生一齊轉FH Pro 改善卵子精子質量，後尾對比FertilAid+OvaBoost ，令到我有疑問，發現FH Pro 啲維他命劑量多好多，特別係維他命D 有成2800iu（追post好似話建議1000iu就夠？）想問會唔會太多對身體有負擔？因為驚加埋平時飲食會過量 另外好似話FH Pro係for IVF前用，會唔會因為咁所以啲劑量高呢？如果我打算食幾個月養卵繼續試自然懷孕，洗唔洗減量服好啲？麻煩你唔該晒你
Hello cooffeeme，根據美國NIH，正常成人每日最高可以攝取4000IU維他命D，所以唔洗擔心2800IU會過高（而且距離每日上限都仲有一段距離，即使加埋飲食都唔係咁容易超），近年都有研究比較過唔同劑量對懷孕成功率嘅影響，目前嘅結果係每日2000微克以上同以下嘅成功率冇顯著差別
所以如果你問係咪一定要2800IU，每日淨係補充1000IU得唔得，我認為兩樣都ok；不過因為FH Pro本身有好多唔同維他命同礦物質，如果減少食用粒數就會同時令其他營養都少咗，所以我就唔建議減少FH Pro嘅服用分量啦！
Hello Victor
我又有啲問題想請教
之前食開holdbody孕婦鈣 一日食3-4粒左右就冇點抽筋
但最近轉咗佳存 佢instruction話食2粒 咁我就算有再有飲奶同食芝士 都係會抽筋
而佳存果隻除咗鈣之外仲有啲成份會同我食開嘅MOM重覆
想問問 其實主因係碳酸鈣冇海藻鈣吸收得咁好 定還是因為劑量唔夠 所以抽筋？
佳存果隻我食3-4粒（同時又食MOM)嘅話ok ma?
我仲考慮緊係咪轉返holdbody好啲
(不過我食佳存/holdbody都有便秘問題…生完要揾醫生處理…）
謝謝
Hello，最主要幫到抽筋嘅礦物質係鈣同鎂，而成分同劑量上而言holdbody孕婦同佳存媽媽鈣同鎂嘅含量都好相近，所以比較可能嘅解釋就係holdbody孕婦鈣喺鈣嘅吸收方面會較佳存更好（佳存本身係碳酸鈣，吸收會差啲，而holdbody就加咗CBP，一隻幫助腸道吸收鈣嘅蛋白質），如果本身你食holdbody便秘得唔算好嚴重，可以搭配纖維粉／乳果糖同holdbody鈣一齊用嚟處理目前情況
1個讚
Hello Victor,
人在澳洲，依家懷孕7周，暫時只係食最基本既Folid Acid。請問12周後轉 (1) Elevit pre-concentration ＋ (2) Elevit DHA + Choline 2個supplements足夠嗎？2個supplement冇Vitamin A，請問飲食上可以多食咩食物去吸收？
有冇需要補充其他/或建議轉其他supplement？
Ingredient因為post限制, 我分開左2個post.
Hello nana，你呢到嘅營養都已經足夠，目前最多實證指孕婦無法從日常飲食攝取到足夠分量嘅營養有葉酸同碘（碘係香港近年嘅研究發現，所以比較受香港人嘅飲食習慣影響），呢兩樣建議一定要有：葉酸至少要400微克per day，而碘就建議至少150微克per day，而兩者都可以從(1)嘅保健品中攝取到足夠分量，而(2)提供嘅營養DHA同choline亦都係孕婦常見需要嘅營養，加埋一齊用都冇問題
維他命A嘅食物方面主要搵返含beta胡蘿蔔素嘅食物就ok（beta胡蘿蔔素等於係維他命A嘅「水塘」，當身體需要更多維他命A時，就會識得自己將beta-carotene轉化成活性維他命A，咁樣做嘅好處係唔容易維他命A超標造成畸胎），通常呢類食物係啲橙紅色嘅蔬果同綠葉蔬菜，例如係：紅蘿蔔、菠菜、南瓜、西蘭花etc
Victor
你好
我現懷孕30週
原本食開 Materna23種維他命（右圖）及礦物質 +Materna DHA
最近Materna出咗綜合維他命及礦物質+DHA（左圖）
如果我而家食Materna出咗綜合維他命及礦物質+DHA，足夠嗎？
謝謝
