知唔知道Tran-E 位大約排幾耐？thanks
睇地區
社處網有得睇所屬區幾多人排緊
想問我仔仔 二歲4個月，剛剛返N班，講嘢詞語不太多，叫爸爸媽媽aunite 冇問題的，句子都係只懂得 爸爸/媽媽 食餅餅，去街街等。但感覺仔仔仍不太喜歡主動運用詞語，句子去表達⋯
～眼神接觸方面，講嘢時候都不太喜歡望住人（不知是否冇信心定係點）但當一起遊戲時，或他要求想要的東西時就會有很多眼神接觸⋯
請問仔仔是否有咩問題？.？（很擔心）
Ps:剛剛已寄信協康會評估，謝謝
呢兩年既bb睇定啲唔好太擔心、疫情影響、少社交又個個口罩、d姑娘都話個個帶住口罩點學講吖、佢哋case 勁爆
我真係勁擔心，之前佢大哥哥一歲半，母嬰健康院已經話佢語言已經合格。
但係我哋喺屋企已經不停教佢講嘢，幾乎每一句都要好俾心機教好多次先學到，而家最叻嗰兩句都係爸爸去街街或者爸爸食餅餅
a-Z又講得唔清楚，呢排佢自我中心，又易發脾氣，如果言語上遲少少，或者口肌上問題冇咁擔心，最驚佢係自閉症譜系
1個讚
我好明白你嘅情況，你仔嘅情況好過我女
我女2歲7個月先開始跟到人口水尾講嘢，之後最叻都係單字，2歲開始已經有私人言語治療，不過可能唔係好夾，3個幾月都唔大進步，最後無上
後來政府果邊都一直有跟，第一堂上言語治療嘅時候，治療師都話我女嘅情況，進步空間好細，需要比較長嘅時間先有進步，果刻我心真係沉咗底，不過我都盡量唔去明我女講乜，等佢自己表達
好神奇嘅一樣野就係，當佢有一日跟人講到口水尾嘅時候（我哋無做特別野，好似係佢自己開竅）突然間就爆好多字眼，由單字到詞語再到短句係一個月內嘅事，再覆診個治療師都話好surprise 進度快咗好多
9月已經返咗K1，好彩嘅係佢基本表達無問題，但當然，比起一般小朋友嘅發音仲係爭少少，但我真係已經好滿足，同埋老師都有提到我女眼神接觸唔多，不過我相信係佢無信心/怕醜，因為佢對熟嘅人/有要求眼神接觸好多
既然你已經排咗期，咁就等做下評估好啲，我覺得唔好太大壓力，有時真係迫都迫唔到，呢樣野係真，到佢一想講，真係㩒都㩒唔住，加油！！
2個讚
係呀，真係好擔心，因為佢大哥哥，大姐姐好快已經講到嘢，唔需要我擔心呢樣，有陣時睇返佢姐姐啲片段，兩歲五個月已經可以講到（爸爸我想睇），呢一啲三連句⋯之後我就開始上網睇資料，但係越睇越多一啲關於自閉症譜系嘅嘢，所以10分擔心
仔仔而家二歲四個月，因為聽人講排期寄信都要兩個月，咁我諗住排咗先，就算兩個月後，突飛猛進都可以當係playgroup上下堂，謝謝
你好，我個囡依家25個月，唔肯聽指令（當你同佢講，你叫咩名？你係咪想食嘢？總之你問佢野或者叫佢做嘢，佢會立即唔望你或者走！我岩岩開始排協康會做全面評估，但都要排至少8星期，我又唔想係咁等運到！想問下呢段時間我應唔應該同小朋友上其他training？應該上咩training 比小朋友？我希望首先佢可以學習聽指令之類，謝謝解答
1個讚
請問係邊間言語治療？
想查詢一下你的聯絡方法？謝謝！
我知呢個post已經年多前，想問下你後來小朋友發展成點？ 因為我個女21個月大有同樣情況
我見過好多人話自己小朋友唔講嘢但反應冇問題，但我個女好似完全聽唔明我指令，總之就係冇反應…值得安慰係佢其實都好活潑，同佢拍手唱歌跳舞佢好興奮
或者第一步可以去做聽力測試睇睇聽力係咪正常先