我仔都係好遲先講野，到識講野發音又唔啱，例如：叉佢會講他，巴士站佢會講巴士啖
之後k3見左一排言語治療師就好d，再大個d講多d就無問題lu
我囡囡2歲前都係咁, 去in K1時仲比老師問過係咪唔講野, 之後我買左好多童書, 晚晚講故事比佢聽, 依家2歲半識多左好多詞語
放心啦，我大仔初初情況同您一樣。去到k1先開始講野，依家想佢收聲靜下都好難
照顧得太好會令bb無需要說話
可以試試多d引佢發聲先俾野佢
發音唔正唔緊要
慢慢黎 bb有動力好快就追得上
你照樣繼續同佢講嘢，我以前孭阿仔在前面，出街見到乜都講，佢有反應就唔使擔心，因為有啲小朋友係慢啲開始，但一開始就停唔到㗎啦！
訓練佢要開聲講先俾嘢佢，有啲家長同姐姐佢一指就攞，根本唔使開口，仲有當玩咁，好開心咁問佢，扮公仔講嘢同佢玩，用佢最鍾意嘅嘢去引佢。
我仔讀K1因為太多咀被老師安排同唔多講嘢的同學坐，遲啲返學可以向老師提出要求，好快個同學仔就係咁講，講到要隔開坐
1個讚
上面好多媽媽都講得好好，不過作為言語治療師的我都有幾樣嘢想補充
- 語言表達方面，兩歲小朋友應該要識得用兩詞短句，即係食餅、我要、媽咪攞之類的簡單短句。好似小朋友兩歲只係得好少單詞，咁明顯係慢咗，建議你搵言語治療師睇睇小朋友。
- 上面有媽媽講要睇下小朋友有無溝通動機，識唔識理解大人的說話。無錯，呢兩個都係言語治療師評估小朋友第時語言發展能力的重要指標。但係究竟何謂充足的溝通動機呢，又何謂正常的語言理解能力呢，都係見一見言語治療師比較清楚。萬一治療師發現小朋友唔係家長想像中咁叻，咁就麻煩喇
- 家長唔好覺得去搵言語治療師一定好貴，其實治療師好想將親子溝通技巧傳授俾你地，然後你地自己去幫小朋友發展語言。每次上堂得九個字一個鐘係無可能完全幫到小朋友，所以最後都係要靠大家，學識咗技巧就返屋企幫小朋友，定期搵返治療師跟進。真係搞掂咗問題，可能只係十堂八堂的事
最後唔洗PM我問有無得睇小朋友，我係NGO做唔會睇私家症，不過有疑問可以搵我架
8個讚
我想問2歲的意思係2歲頭定尾。因為差別都好大。謝謝!
男仔嘅發展係會遲開口講嘢個女仔嘅, 口腔肌肉發展到兩歲就成熟啲, 會開始講多啲野, 以下係協康會嘅資料你可以睇下
另外小朋友講嘢嘅意欲大都會影響佢哋遲還是早講嘢嘅, 如果你都好少同佢傾偈或者佢唔需要點表達自己佢咪少啲講嘢囉, 咁唔係講嘢嘅能力有問題
而且咀嚼食物都有幫助口腔肌肉發展, 間接令說話清唔清楚, 你都要留意
希望D意見幫到你 
same 2歲隔離左右不停講，我囝連媽媽爸爸都唔肯講
好傷心。知道佢明係唔開口。
跟住2歲半突然狂講，依家想佢停下都唔得。。。
兩歲的意思係 24個月大
如果 24 個月大, 男仔未識講野都唔奇
明白了。謝謝你!
唔好咁講，呢個歲數未講短句都要睇
如果唔識講嘢就真係快手去搵專業人士評估
1個讚
係女b的話我會認同你, 但男b 真係遲講句子
可唔可以請教下
我個女有溝通意欲，但無言語溝通意欲
唱歌(好鍾意)，數1-5，啲音都八成準
但唔肯跟人講嘢學舌
識講bye bye 又唔肯合適時間講
係言語問題定ASD機會多D?
如果真係驚
記得同健康院講，會refer見醫生（疫情嚴重時係電話聯絡）
再由醫生決定refer去CAC做評估
但預等起碼一年
呢個時候，可以出去搵快啲嘅EG協康會做全部心理評估（因唔講野只係一個表癥，可能有其他困難，所以全面評好過只做單一項目，起碼排除左其他問題先）
因報告由心理學家做，可以排到唔同服務
我小朋友做完，都知佢認知無問題，亦唔算有自閉，不過言語真係慢左，28m要好鼓勵先講爸媽（仲要唔準）
少少資料參考：
I位（兼收位）
即係主流幼稚園有讀過特殊幼兒課程嘅i位老師跟進與訓練，每月言語治療師1次/2次到訪上堂， 3個月1次職業及物理治療師上堂。有兼收位既幼稚園，按學校規模有6-18個i位，分佈N-k3班內
好處係幼稚園上課+訓練。
E位(早期)即係早期教育訓練，
係NGO早期訓練中心上堂，有特殊老師，言語ST，職業OT及物理PT(即3T)治療師，按小朋友情況俾個別或小組訓練。因為要去早期中心上堂，每星期要專人湊出湊入，夾不到放學時間去上堂，就要同主流幼稚園請假，如果上唔到堂，不會補堂。
O位（到校服務）， 2015產物，
為2歲至6歲 (2-6) 為以下正就讀於參與計劃的幼稚園╱幼稚園暨幼兒中心的輕度殘疾幼兒提供到校的個別及小組康復訓練，並配合以設有康復設施的中心訓練，為教師及幼兒工作員提供少量到校専業諮詢服務和示範丶講座 / 工作坊 / 硏討會，為家長 / 照顧者提供講座/工作坊/硏討會，呢項服務除了幼稚園暨幼兒中心的收費外，沒有額外費用。在輪候O位期間，3歲以下的申請人會同時輪候早期教育及訓練中心的過渡服務 (Tran-E位)，除非申請人表示不願接受此項種服務。
S位即特殊位，全日制學校，
有齊駐校3T&護士，訓練更密集，適合障礙中度至嚴重既小朋友，人手&資源豐富。
(注﹕所有I位、S位、E位及O位的介入效果因應相應機構的宗旨、工作人員的實踐經驗而成正比。)
多謝解答
其實步驟我都知 只係真係要面對/承認 有問題係有啲難過
1個讚
其實如果小朋友就算傷風流鼻水，你都會好緊張，帶佢睇醫生。
講野咁大件事，健康院姑娘都話慢，不要再等。快快去 了解原因，了解方法。
其實要接受係好不容易，加油