男，兩個月前已經兩歲，但而家淨係識講好少詞語，不過好多bb兩歲已經識同家長溝通，點做好 
唔使擔心，我個仔成四歲先行開始講嘢，不過一開始咗就收到啦
個個小朋友唔同嘅
如果想佢多啲開口
就每想要一樣嘢就要求佢講咗個名先
2個讚
無事既，我隔離屋個姐姐2歲個陣都唔肯講野，係而家反學先肯講野，佢聽得明就無問題嫁啦
1個讚
因人而異，有早有遲，健康院都會做檢查，
我個女未返學之前都只係講單字，一返幼稚園就non-stop講野，煩到你想佢收聲。
BB需要突破一個位先會講成句野，有啲語言治療師會幫到你。
2個讚
語言係其中一個溝通方式 如果佢有眼神接觸 身體語言去表達自己 願意同人溝通就唔洗擔心！俾多啲鼓勵
1個讚
每個小朋友發展進程都唔同，兩歲唔肯/唔識講嘢其實都唔算太大問題。BB 宜家其實吸收緊，一路留意住大人講嘅嘢，用嘅字眼，所以最緊要留意自己或家人有無經常用BB話(車車，飯飯呢啲) 同小朋友講嘢，如果有，最好戒咗佢。仲有多啲同小朋友形容所見到嘅事物，或你做某一件事嘅步驟，多啲描述，佢就掌握到用詞，到某一個位自然就會識講。
唔怕架，我仔２歲連爸爸媽媽都無叫過
突然有一日佢就bilibala係咁講野 
依家3歲，對答如流。想佢靜Ｄ都好難
3個讚
試下哼歌仔比佢聽
聽得多bb 都會跟住哼
唔使擔心，我仔返健康院見姑娘見到兩歲，我仔依家七歲，講野好叻，有時講到唔知好笑定好嬲，又唔係唔識講野，我地比指令佢，同佢講野，佢會明會知，姑娘話，只要佢肯講，就得，咬字正唔正，唔好理佢住，可以之後慢執，同埋盡量唔好講疊字同bb話就得，我仔去到兩歲半，開始講得多，同埋講五個字既短句子
1個讚
返左學就會開口。唔洗擔心
試下同佢玩多啲，多啲互動：）
以佢有興趣既野切入，例如遊戲、影片,
以簡單既task 俾佢，鼓勵佢試下表達以達到想要既目的，例如玩緊遊戲唔知要邊個問下佢或者唔記的野要佢提示，掀記憶咭呢招掂，小朋友如果有興趣就會慢慢講多啲問佢多啲，唔好幫佢決定
唔肯講野，但肯唔肯望人？明唔明你地講野？平日邊個湊？
好多野都會有影響…返左學啦，3-4歲你想佢停下唔講都好難
小朋友兩歲唔開口講,可留意下佢有有眼神,聽唔聽得明你講咩,如果都可以,暫唔係十分擔心。然後係同佢玩玩具既時候講下單字先,如玩入錢玩具,要講"俾"先比錢佢入,跟住可以講下"要",然後"我要"。玩住玩具可以提升動機,同埋讓佢發現講嘢既功能。
當然,如果無眼神又聽唔明(當然指簡單一個指示),又或者跟講都跟唔到,就要留意多啲,同埋冉去健康院時話比姑娘知。
(利申,現職兼收老師,同每個小朋友情況唔同,只供參考)
2個讚
唔使驚㗎 我個女都係咁呀
初時我仲以為佢有問題添
佢會突然間好似開竅咁樣
而家三歲半會同我講媽媽你好煩呀
我個仔都27個月大，又係講嘢個到fail要keep住跟進，不過過左兩歲後日日都有少少進步，佢去係吸收緊，只係等待緊爆發出黎
希望係除非唔係，本身見其他同齡小朋友有對答都好擔心自己小朋友有冇問題，不過每個小朋友既成長步伐都唔同，少比較，多d陪佢，望住佢一日比一日進步都好心滿意足
觀察多半年，如果無大進步要check下，雖然通常都無事，但如果有問題，越早知越幫到小朋友。
我仔都遲講嘢，返pn時老師建議去評估，我去咗協康會評估係speech delay, 咁就排訓練, 舊年開始做言語治療有改善, 可惜疫情開始後令佢錯失好多黃金時間
開咗學之後，多人同佢互動就會多野講㗎喇
1個讚