之前做結構bb有d問題，所以把心一橫喺瑪麗生
而家bb正常返，想睇下可唔可以轉私家
而家咁遲仲可以book 私家嗎？
應該book到既！
不過應該要係私家睇一次醫生，做檢查！
有冇咩孕婦病？高齡？都有機會唔接！
打去問下先
有冇向私家做產檢？問吓醫生可唔可以幫你接生
我當時係胎盤低，到34w私院先比我落訂
可以, 如果你喺私家做開產檢, 可以問番果個醫生接唔接, 唔接就要再搵其他私家醫生, 再問佢地喺邊到掛牌
我果個產檢醫生應該唔會接生，而家好1516🥲
咁想到私家生，你個醫生有冇介紹？
有時佢地唔自己接，都有啲朋友介紹 可幫你接生
仁安就無係佢度產檢又想係佢度生就要收多一萬蚊附加費 同埋最好36周前係佢度做返一次產檢 所以你都係快d搵醫生 問佢邊間醫院有掛單 再去問果間醫院
我其實同老公都有公司生仔保險可以claim私家生仔
本身為咗bb健康就諗住政府生, 而家知道無事就 15 16
但我又覺得如果喺政府生，對餵母乳嘅support 好似多d
唉
私家母乳 support 都一樣無問題呀，我仁安生，幾時入育嬰房都得，係差在第一日？ 我開刀，唔知係因為我落唔到床定係第一日唔俾。
我意思係出院之後呀，政府醫院會有hotline 同姑娘傾，有塞奶仲免費幫你通返
我驚您係政府醫院生完，時刻比人迫餵人奶同全天候自己湊b，搞到出院後已經唔想餵人奶
3個讚
有咁差咩
你以為公立對母乳support 係大錯特錯
係迫你餵only（係咁咦教左我餵一次，但老實我開刀生都未回魂，風都未掃得掂仲要顧母乳，真係恐怖回憶）
嗰時我未上奶
阿女點啜都無
睇見佢越來越黃
我喊住先乞到支水奶俾佢咋…
後來知公立對母乳咁support
係為左個名
5個讚
唔係公立生，都可以用呢啲服務的。
1個讚
我問過瑪麗，佢哋話無喎
聽講 疫情下，政府（順產）生仔都要戴住口罩的…
私家應該唔洗
出院後餵母乳係母嬰健康院Support，唔關公立醫院事。
如果因為 餵人奶 想去公立醫院，就唔好了，公立醫院會迫到媽媽發顛的。
反正你有保險，去私家啦。
您有保險cover，就更加要去私家啦，起碼唔會因為冇人奶/醫院唔比水奶，搞到bb有黃疸。我係仁安生，可以按時去餵奶房餵B，攰就休息，由姑娘餵水奶。夠休息先恢復得好，對上奶都有幫助
講係咁講 但我嗰陣都冇戴 佢哋都冇迫我
但既然樓主有生仔保險梗係去私家啦