好似邪教咁㗎…個時聽到隔離床成日有d母乳姑娘走去，跟住聽到呀b又黃又跌哂磅都叫佢堅持唔好補奶…但係個呀媽住咗幾日都無奶…個bb晚晚喊到癲咗咁，肚餓呀麻大佬。如果塞奶呀，教個d係去健康院搵母乳姑娘同埋母乳熱線，唔係正苦生都可以打去㗎。
4個讚
如果睇開個個醫生係個度掛牌應該不收$10000？我個醫生無講話要加錢呀
我喺養和生，母乳support好好，有母乳姑娘單對單嚟你床位教你點堆身餵BB，朝早8點到夜晚12點每一餐都會問媽媽要唔要親餵，可以選擇由姑娘將BB推入房，或者自己去餵奶房餵，無論邊度餵，都可以撳鐘要求姑娘幫忙。我就比較鍾意喺餵奶房餵，因為好多時母乳姑娘都會主動嚟睇吓你姿勢啱唔啱，教你點按摩乳房幫助上奶，我出院返到屋企已經做到全埋身餵飽BB。
另外，佢地仲會教你點樣手吱奶同用奶泵清奶，態度又好，我覺得幫到我又感覺舒服。
唔喺公立生，BB一出院返屋企都可以打去就近既健康院登記，一樣享有BB檢查、疫苗等服務，亦都可以要求母乳護士支援架！唔一定要政府生先有。
不過，個人經驗係，健康院係十分之麻煩既服務，等到天荒地老，然後明明出院驗血黃膽無問題，去到佢度用機度就話踩界，要隔日返去覆黃膽，陪月即刻叫補奶粉退黃，我極之唔想，坐緊月已經唔想出去，去親等2、3個鐘，打亂曬BB作息時間，仲要承受無謂既壓力，唔癲都俾佢迫到癲。好彩我私家兒科好人，留咗wtsapp俾我哋，我哋問清楚佢洗唔洗補奶粉，佢即刻話唔洗，BB有入有出就無問題，我可以繼續餵人奶，起碼唔洗無無謂謂咁擔心。結果兩日後醫生再度，完全無問題囉！頂佢！
2個讚
有保險咁就梗係去私家啦
公立醫院到時你順產唔到要食全餐就大鑊
多謝大家意見
最後我都係揀咗瑪麗順產
我喺36週幾搵過梁國賢醫生做第一次產檢，以為佢會幫人接順產，點知原來佢主打做開刀，同埋我之前無喺佢哋果度做過產檢，所以有啲私家醫院要求嘅報告我未必有，結果都係把心一橫去政府生。
我係38週6果日再去搵梁國賢醫生再照，佢見我bb已經有3.6kg，跟住照到個腎盂同心臟有少少大，再見到bb肚圍已經有40週大，所以寫咗報告話建議我40週前應該要催生(因為政府通常係41週先催生)。
結果我係39週6去瑪麗覆診都未有動靜，產科醫生見到個報告就話咁即係你要聽日之前生，叫我即刻入院。最後我真係可以40週當日催生，順產成功(只有用笑氣同助產士按摩，無用無痛)，產程由人手穿水到bb出世係6小時15分鐘，寶寶3.715kg
最後我真係無後悔揀瑪麗生。佢哋d姑娘真係好支持母乳，不過如果有媽媽真係唔想餵人奶，當然係會有壓力。
我一生完，姑娘已經幫我用手擠黃金初乳比寶寶。因為我寶寶有私家醫生報告，所以係產房已經有兒科醫生standby。然後因為我寶寶去咗兒科，所以我可以有時間休息，不過第一晚有5.6個媽媽同房，所以真係瞓唔到T^T…
雖然我寶寶同我分離，但只因為寶寶無乜大問題，所以我都可以埋身餵人奶。後來回想都覺得寶寶一出世埋身對媽媽對寶寶都有好處。我一生完當日比寶寶埋身，就發覺子宮有收縮感覺，惡露係清得好快，又會好快上奶。
後來我寶寶喺兒科發現佢呼吸含氧量有d低，呼吸又有d唔順，所以要食抗生素同種菌，而且一路都要住保溫箱。而家諗返轉頭，如果我去咗私家生，寶寶呢啲問題會唔會有人發現，一來錢可能係天文數字，二來係真心驚私家醫院兒科支援唔夠，最後都係要refer 去公立醫生。
雖然媽媽喺公立醫院係好辛苦(餸係超難食，不過產後房每日午餐有湯水)，但為咗寶寶健康，我都無後悔過 
而且瑪麗姑娘有寬容比我遲一日出院，喺醫院陪多寶寶一日，仲有主動借medela symphony比我用 <3
衷心多謝瑪麗醫院產房同產後房護士同姐姐
9個讚
今日先睇到你的post，一路睇一路想講…我而家28週，最初係一心諗住去私家，但去左政府產檢同埋問多左身邊朋友，最後決定都係去政府生。
正正就係你所講就係為左BB健康，政府即時支援和之後對BB follow up會好啲。當然順利的話係私家就算食全餐都係十萬左右，但如果BB有咩事就變左天文數字 (有朋友埋單25萬，有錢既例外 
)同埋最緊要係醫院係咪有BB ICU &其他可以即時support既專科。有朋友係政府生完，有突發野出動哂兒科、皮膚科、腦科、腫瘤科醫生…好彩最後無咩事，政府仲比左幾科覆診keep住觀察BB去到兩歲。
私家係野食好啲、服務好、態度好，媽媽唔使受氣，不過都係住幾日，我諗我應該接受到 祝各位媽媽順利同BB平安 
1個讚
加油呀！你生完之後好快會唔記得陣痛嘅感覺，母愛好強大的。
不過我寶寶喺兒科住咗6日，出院時pat pat紅曬
政府醫院兒科都唔太夠人手照顧bb