最近仔仔學校都有報，話見到小朋友有傷痕… 點解可以咁痕心…
現階段証據只係用嚟開CASE
呈堂証供可以係你同老師的口供,小朋友嘅傷勢等等
另外如果你喺自己屋企裝cam冇必要話佢知,然後你"意外"影到証據,到時先睇個官接唔接納
1個讚
帶佢睇醫生 等醫生報警？ 有晒證據會好d.我覺得再遲個小朋友心理上永遠返唔到轉頭。
AGREE, 由醫生報警.
首先最重要係有證據 support你報警開file
之後上庭會有驗傷報告、人證口供等等佐證，唔係淨係睇啲片
小朋友係受虐環境會唔敢講
好多要完全隔離小朋友同施虐者再加心理輔導一段長時間，等佢重新建立信心先會鬆口
所以唔好等小朋友自己講
你要主動啲，可以睇下有冇機構幫到手教你點做
加油呀樓主
1個讚
願來你家住，起碼你可看到個小朋友。反而，如果突然唔見人、唔返學，你仲驚！
樓主，其實不用想太多。
只要見到少少傷，就可帶孩子去醫院，直接講是見被大人打，是虐兒…………
之後，醫院的醫生有一定情序跟着做，報警，通知社工等等。
找証據，如何問小朋友講事發過程，通通不是你要担心的，警察、社工會做。
你首要是保護孩子！
1個讚
我覺得其實最簡單就係趁啲傷仲係度既時間去急症室度睇醫生…
佢地醫生見到勢色唔對都會去問多啲…
樓主真係無得唔好諗咁多…
我明始終係屋企人唔會想破壞關係做到咁絕.
但當你已經做過晒你做到既野而佢地都唔肯變既時候, 你真係只能行最後一步
我地外人講得一定輕鬆 不過我係唔想你第日發生左啲咩事而內疚, 永遠我地都唔知情況最差會去到點… 但你起碼去做左野去盡力挽救…我覺得已經係最好…
如果同媽媽既關係唔差, 佢又係明白事理既, 可以行動時同佢講聲…
加油呀!
樓主應該係驚做咗嘢後全家人同佢反面，不過佢嗰啲屋企人都唔正常
1個讚
今日又一單熱水淋仔女既痴線案判刑。樓主唔好再等，襯件事未惡化要快出手做野
記得法律係有講過唔想上鏡係有權唔上鏡之類。雖然得返黎係嘅非法證據，但要警方落 charge 一定要有證據，但到上庭階段，搜證係律政司責任，就算啲片唔用得，總有證人供詞同驗傷報告，再加上我上面有講嘅「看更、鄰居知道了」，佢哋就算本身唔覺，都因為你刻意製造嘅「察覺」，佢哋上庭就可以幫口。
樓主唔想做咁多野，一係就接受自己做共犯視而不見唔救小朋友等東窗事發 （唔建議咁做，始終小朋友生命受到威脅，但咁怕事又唔敢做咁多野，我地都冇其他辦法幫樓主），一係就救左兩個小生命，但同佢哋父母反面。魚與熊掌，就睇樓主覺得媳婦、細佬親人關係重要啲，定係兩個小朋友安危重要啲。
得罪講句，到依家呢一刻樓主都仲諗緊唔想做衰人破壞人家庭真係好有問題。
不論你無懦弱又好、怕同弟弟反面都好，唔該你勇敢啲企出黎。
你係受緊苦嘅小朋友唯一嘅逃生門，你能力做到嘅事應該盡力做。
有無問題交比社工警察法官決定，你唔需要諗咁多喎。
或者你諗下，可能佢父母真係仲未開竅，到真係有外人界入，可能佢地會有反思嘅空間呢？
可能語氣重咗少少，但最近對虐兒案好敏感，見你話佢呀媽拎細路個頭去撞，聽到都心痛⋯
希望佢學校會跟進得好
唔好意思咁遲先回，但我媽上星期好直接好無人情味咁同佢講，你再咁打個仔，打到佢殘廢，你有無咁多錢去醫佢？然後根據我媽講佢第一時間係否認有打仔，然後聽到呢個話就唔出聲啦。
但我當時反應係超級反感，因為覺得1）即係個細路阿媽知道自己打到有可能令小朋友殘廢？2）你（我阿媽）淨係在乎醫佢身體上，有係諗過佢依家心理上既野。
好老實講，我依家淨係覺得細路個媽係超級演技派，我懷疑佢有心並唔係一時心情問題定咩壓力先打仔，而係有意識咁虐待佢地。
依家佢又玩挾持對仔，完全唔比我地見，講明從今以後唔過黎，返學留在外母家（但佢老公即我細佬）都唔可以住外母家。我真心覺得同佢講虐兒案無用，佢係有意識咁蝦人
我知，但個阿媽帶走對仔，我地又見唔到佢，同社工學校講完都唔覺佢地有係小朋友方面諗，社工比我回應係如果佢帶小朋友過黎住我地唔應該插手佢點管教小朋友，因為佢認為佢嬲係我地太插手佢點教仔，我點先可以令佢明白係個老母有問題？
好老實講，我地呢邊係舊樓，無保安，啲住戶都係劏房住戶，我們屬於唔主動同人打招呼既人，所以當初佢嫁入黎同我地住時反而係佢同啲街坊打招呼打好關係，所以我先話我地當初都好信佢，佢講親啲細路身上既傷我地都信佢，依家先諗返點解你同佢地出街又撞到呢度又冚到果度，我地同佢出街叫佢唔行前一步個小朋友都即時好聽話唔會唔小心，就係呢樣嘢先覺得個八婆恐怖
社工講的都係事實, 阿媽好明顯唔中意你地插咀, 所以而家連見都唔俾你地見。但係你搞清楚, 你係唔想小朋友受傷, 而唔係要揭發呢個人有幾衰。如果社工確認唔到小朋友有被打, 咁社工只可以就佢阿媽管教方法用把口教佢。而家睇來只可能等老師/社工留意下小朋友有冇傷痕或者多缺席。
我帶唔到個小朋友睇醫生，依家佢地直接講明從今以後唔過黎，依家我真係好擔心，之前幾年我得一次我有小朋友出得一次街，而出係只係落樓買野唔過廿分鐘
我通知學校果日，學校有交比社工同我聯絡，個社工打電話比我時已經講個女人有同佢承認過有打仔但只限手板，之後我過幾日主動再聯絡個社工佢先同我講覺得係我地錯引起佢反感，所以我先擔心個社工太信個女人
佢係唔想做咁多嘢。
佢有冇見下個小朋友？
有冇睇下有冇傷？
打仔一下已經犯法，呢啲仆街唔拉佢去狗屋係唔知死。
你要cher爆個社工。
唉, 真係唔明白點解有D咁惡毒既母親!
我都認同有人提議你chur爆社工 & 校方, 要佢地多d留意小朋友動靜
如果真係有動靜, 有無得叫區議員幫手? 臨臨案仲咁近期既事, 區議員幫手接洽社署?
你唔好放棄呀 