我單親家庭，有阿媽同細佬，細佬已婚有兩個細路，佢老婆虐兒，我唔知點處理。
我承認自己一家都懦弱，知道弟婦有打鬧對細路，但佢口材好以因為細路唔教唔得為由，有好充足理據咁講到係個細路唔啱所以要教（打&鬧），一對小朋友都好細，大果個3歲，細果個就黎1歲。大果個出世後都同我地住，好多時一到夜晚喊或者唔訓覺一定會聽到弟婦係房講哂粗口詛咒咁話大B，然後到細B臨出世前半年時話要搬出去住，結果就搬到大東北咁遠離我地，期間我地（媽同我）有要求去佢地果邊見小朋友但被拒絕，話未整理好啲嘢之類。
搬出去前半年弟婦就已經將大B放佢外家，所以基本上佢地搬走前大半年已經無見過大B，到細B出世都未見過，大約係細B6個月大時弟婦先將兩個細路帶返我地屋先見到。
所以中間發生咩事唔知道，而且我同弟婦基本上零交流，只係中意對小朋友先被逼聽佢外家啲威水事，明明自己住公屋，我地住私樓，講到自己老公好無用，自己外家啲人幾有錢同幾勁咁，後來發覺佢係天生大話精。長話短說，今日弟婦因為大B唔晚飯不斷咁逼佢，不斷鬧不斷逼，係咁話自己整左兩樣佢最中意既餸比佢，唔快啲食唔吞落肚。。。結果逼同鬧就升級到打，我見佢食左半碗就同弟婦講點解要佢食哂呢？每個人每日個胃口都唔同，你逼佢食哂就叫好咩？
然後佢可能已經躁底，一聽到仲要打大力啲攞細路出氣咁，仲要話醫生話佢體重過輕唔食哂啲嘢會營養不良，我答佢你逼佢食完呢碗野都唔見得叫好有營養（肉碎蕃茄，金針菇粉絲）
佢聽完攞個仔出氣，打面，抆耳仔打身腳，我直接拉住佢同佢講你咁樣係虐兒我可以報警，結果佢火上加油推個仔頭撞牆，仔係咁講佢好驚，但條八婆話無人幫到你，你一係同我食埋啲飯一係同我飲埋杯水。
我地其實講得好大聲，但我細佬（佢老公）同細仔係房扮聽唔到唔出黎幫手阻止，事後怪我同大仔玩搞到佢唔肯食飯。
我同阿媽講返件事（佢返緊工）佢即刻同我講尋日弟婦頂唔順細仔喊，拉左大仔入房出氣，除左打鬧仲聽到頭撞牆聲幾次，佢話當時用腳踢唔開果度門，但無講到事後點解當無事。我同佢講如果我地係度佢都咁公然對仔。其他人唔係度時會係點？我老母應左我一句「大B好可憐，唔知點崖十幾年」「佢細佬係黑社會，我地報警一定會搵人搞我地」
講咁多野其實我唔知可以點，對細路好可憐好無辜，但問題連老豆都企係個八婆果邊，如果我報警係無用，只會令關係更差，仲可以連累對細路做出氣袋。
我唔需要安慰，但我想知有咩解決方法？搞到我依家失眠，明明已經攰死。
係，我都係咁諗過，我唔想到事情無得返轉頭先後悔點解唔及早處理。而且依家大B識講好多野，但我已經發現佢從來唔答生活上同感受上既野，佢好多幻想既對話（啲人話小朋友多幻想係好正常），好似會講「姑媽，有石跌緊落黎呀你睇下」指住屋企封牆，然後我答完佢一啲嘢「唔駛驚，唔過去就無事」「咁快啲抱細佬過黎」之後問佢啲心情上又或者處理上既野佢都完全唔答。就連你今日返學點呀？老師有無比功課你呀？呢類生活上既都完全唔出聲，佢好似已經用緊逃避現實既方式生活咁，以一個咁多野講既小朋友佢係只活係幻想中。有時我問同一問題好幾次，佢直接會講「我聽唔到哦」，佢係好聰明好識講野，但我已經覺得佢心理上逃避現實
3個讚
OMG… 大B 呢個反應同對答實在令人擔心wo…你有無留意佢有無表面傷痕，背部有無傷？
佢媽打得太勁啦，小朋友要教但佢咁樣打法就over左。佢老公擺明就避，唔關自己事啦。咁樣犧牲個大既好可憐。
樓主需要d專業意見wo, 有無社工？個呀媽實覺得自己無問題，有無學校社工可以唔經呀媽同個細路傾呢？
仲有，感覺個呀媽要面又防範你地，你哥又唔主持大局，有個心理準備有d位你都愛莫能助。
3個讚
可否講清楚小小: 兩個小朋友是否和你同住？小朋友有冇返學？你有冇見到傷痕？有冇直接同你弟弟討論過？
同你弟弟講臨臨件案，話佢知太太需要人幫助，可能太大壓力啦，先唔好講告發佢(有需要時其實要報警)，用話幫佢太太的角度先談一下！
4個讚
打小朋友係犯法，你知情不報唔知有冇刑責。
你弟婦係咪香港人？你有冇影低小朋友傷左既相？
我係你，話9知佢係咪黑社會，同佢講清楚再打就幫佢出名。
唔想湊就俾你哋湊，打佢做乜？
1個讚
小學以上就匿名打去學校投訴，如果個小朋友識自己講番出黎。
1個讚
報警/聯絡社署保護家庭及兒童服務課，小朋友好慘，咁嘅成長環境會影響佢身心發展
4個讚
點解你細佬咁懦弱嘅？可唔可以約你細佬傾吓，直接同佢講你好擔心，同埋得閒多啲直接踩上佢哋屋企，探下小朋友順便比個下馬威比弟婦
睇到好心痛 
Hallo
10
大家一齊時討論臨臨案 講果一男一女點樣被判刑
嚇下佢
如果仍然無效 真係要搞大佢
話知佢自己係黑社會定邊個 臨臨案就係身邊人太遲知先引起悲劇
你地向度都咁打法 不敢想像佢地獨處時點對佢
1個讚
佢地唔係同我地同住，細B出世前搬去大東北咁遠，但幫大B報左我地果邊幼稚園，結果呢排開返學會過黎住，問題之前佢搭成兩粒鐘頭車都唔肯過黎呢邊，放學經過我地樓下見佢朋友都無上樓。唔知做咩最近呢兩個月先返過黎，上星期一至五住左4晚（星期一晚過黎，星期五下午走人）然後今個禮拜一晚又過黎
今朝我同細佬講返件事，講阿媽要用腳踢房門，佢第一時間答「佢最嬲係你地次次都幫住大B」我答佢「又係我地問題？咁你地唔應該過黎啦，次次過黎都增加B受虐機會！」然後佢唔出聲，我同佢講果個你個仔黎，佢無還手能力，然後佢講「你唔好將件事搞到咁差，我無見過佢撞牆」「佢（老婆）話撞到一聲咋哦！」「你又唔係現場」果下我無再出聲走去返工，我唔明點解佢自己都無係現場但就覺得佢老婆打得唔係咁勁？
我曾經有同細佬講臨臨件案，佢第一反應係佢唔得閒留意新聞，然後有次我同佢提起果老母用滾水潑仔女件事，話個小朋友食野慢個老母係個老公面前用滾水淋個細路面仲直播攞住大瓶滾水淋對仔女，我話唔知點解個老豆仲幫個老婆寫求情信，但佢只係講左包世界大多變態先搞到地球咁，個男係太好人唔想有人受傷
細佬唔止懦弱佢仲信哂佢老婆講野，我今朝同佢講返件事同阿媽要踢門件事，佢第一回應係「佢最嬲既係你地次次都幫住大B」然後話我將件事搞大，佢自己無見過佢將佢地攞牆，但就答左句「佢話撞左一聲咋啲」我唔知佢指既「佢」係指阿媽定佢老婆，但果下我無再出聲落去，直接出門返工，因為我尋晚件事後佢（細佬）第一反應係「我同你講過好多次，等佢食完飯先同佢玩」已經怪緊我，然後今日既回應又係怪我地。
我直接同佢講「你地咁唔應該過黎，次次過黎都增加佢被打受虐機會」！
痴線ka！搵個3歲細佬出氣！
佢已經有不平衡嘅心理壓力。
你細佬係咪有痛腳俾條八婆捉住？遲d條八婆會搵佢打埋一份！
你哋唔出聲就係幫兇之一，好似臨臨嘅老師一樣。
匿名報警，同時警察講埋八婆細佬係黑社會
1個讚
頭撞牆已要報警，其他所有理由都不是理由。每個人的生命都是珍貴的
3個讚
帶大B去睇醫生（最好係醫院），比醫生睇佢身體傷勢，你講返件事，由醫生報警。
同幼稚園講大B好似好攰成日話痛，叫老師睇下佢傷勢。臨臨案之後學校唔敢扮冇事，由佢哋介入。
其實佢打仔打到咁公然，你仲可以扮鄰居聽到虐兒聲報警。
但作為長輩，你自己見到虐兒都唔出聲，點對得住個小朋友？萬一出事，你一定成世唔安樂架。比d勇氣救大B出嚟，父母都放棄佢，你唔幫佢佢真係冇希望！
12個讚
弟婦係大陸人但香港成長，一家人6個細路住公屋，攞綜緩，又係果種好典型新香港人，我地都係大陸人但價值觀係完全南北兩極，佢可以為攞資助比大B返半日幼稚園都唔比佢返全日。
星期一晚佢地過到黎後弟婦同大B沖涼我係廳係聽到大仔喊，然後聽到佢有鬧佢，我可以講已經變左習慣左佢鬧細佬當時無咩在意，然後出到黎弟婦第一時間講「佢手指甲太長啱啱沖涼整到自己」係右眼袋位置一條痕、我第一反應係「咁你要剪指甲」但依家我開始懷疑係佢打佢，條痕依家仲未退，但發生尋晚件事我諗佢地今日會走人，可能我照唔到相
Hallo
18
我見你有同細佬講呀
我意思係 當住佢老婆面講
細佬唔出聲 其實算係幫兇
補充多少少
弟婦呢類人要面子, 你偏叫我唔好打, 我愈係要打
同佢講臨臨案當傾計講時事 閒談咁樣 唔好針對佢家事黎講
呢D真係要佢自己諗, 除非你地帶走個小朋友
匿名投訴去間幼稚園!玩大 d,住邊區呀?連登 po 左未?記者請進!煲大 d,尊貴警察會好快搵上門!
放心,黑x會啫!有乜好驚呀?而家白衣人白社會年代!
1個讚
臨臨果時，只要有一個大人，一個老師，一個鄰居，甚至行過見到佢傷勢嘅路人甲肯企出嚟，肯報警，佢就唔洗死唔洗受苦。我到依家睇到單案嘅報導都會忍唔住留眼淚。
我相信做成年人對社會上嘅小朋友係有保護佢哋嘅社會同道義責任，得幾歲人仔，成日比人打，你諗下佢會幾絕望。
6個讚
