儲多d證據，諗下有咩位可以投訴，相信經臨臨單案之後好多機構都唔敢hea過就算，仲有個細b，有時錯手就錯手，撞埋牆個下如果用多咗力可能就玩完。大家繼續拖就係增加咗2個小朋友出事嘅機會，咁你已經好言相向都仲怪返你哋，就唯有玩大佢，無咩得人驚過2個細路無咗條命。睇臨臨個度其實好多人都發現有問題，但係無人出手真係幫，到最後大家係網上面幾咁感嘆都好，個小朋友都唔會翻生。
2個讚
依家只有你救到侄仔
打去社會福利署了解一下: https://www.swd.gov.hk/tc/index/site_pubsvc/page_family/sub_listofserv/id_familyandc/
核心問題係你弟婦, 佢要見社工, 由社工跟進才有機會改善整個家庭問題。
唔想再有悲劇發生，大義滅親都要，反正個癲婆都唔比面你，你都唔洗同佢客氣。
你要儲起證據，拍低晒片。叫麻麻私下去同學校講有件咁既事，要學校留意大仔有無唔妥同有無受傷。之前個單野發生，學校一定會緊張多留意。
唔知去搵佢住個區既區議員有無用? 佢地有義務律師團隊，如果佢地肯幫手，叫區議員同律師比意見要點做
而家要盡量收集證據，千其唔好打草驚蛇。如果你媽都唔願意面對現實，得你一個都要頂硬上，只有你先救到2個細路
1個讚
大姐，我睇晒D留言，我覺得你似係，件事我就講左出黎喇，到時個細路有乜事我真係好傷心，我同人講過但係我真係幫唔到手，又無人幫到手，有咩事唔關我事
我唔係想批判你，但係你話報警果時佢打得再大力D你唔識得一手搶個細佬過黎你度架？你得個望字然後上黎講有乜用？
佢抱住自己個身話好驚你唔識得攬住佢比D安全感佢架？
留上JM比左勁多方法，同幼稚園講，帶去醫院睇醫生，搵社署，扮鄰居報警，你一樣都唔做既話到時真係有事你好大責任！
唔好講咩佢今晚應該會帶返屋企唔知幾時先見到佢，下次半年後先見到佢係咪扮無野？見唔到就同幼稚園講！幼稚園日日都見到！！
7個讚
最緊要有証據，影低，錄低啲聲都好，搵社工，搵學校老師校長…
呢期相對會比較敏感，佢都唔會好似之前咁架…
🥲行多一步就可以幫幫個小朋友
4個讚
錄多d片，低調d，岩岩先有臨臨呢個case，間學校同老師仲批鬥緊。有片唔到佢地唔郁。
你可以幫到大b，媒體同互聯網都係你既工具。
你要有心理準備，bb要你湊，細佬會決裂。如果你弟婦細佬係黑底，可能搵定地方。 講到尾，錢都係好重要。
你有冇儲低。
報警，拍片做證據，可以教，但教不等如打，係兩樣野。
1個讚
大B個頭俾佢撞牆咁多次，可唔可以帶佢去驗傷？如果有傷，已經可以做嘢。
「寧教人打仔，莫教人分妻」呢句說話害死好幾代人。
報警無用，一定要搞大佢，細佬弟婦咁仆街，拉去坐一世就啱。我寧願兩個小朋友無父母喺身邊都唔想有對禽獸父母虐待佢。。三歲咋，睇文字都心痛。唔好諗報警有冇用，報咗開咗file 先，無人跟進先再搞大。
1個讚
細路仔好可憐，個個見到都唔幫佢，咁細個又唔識保護自己。
你可以同佢學校講, 行多步
你細佬好有問題喎、點可能扮聽唔到望都唔望下
搵你細佬傾吓先啦
真係cls，Ｄ人唔想教就咪生啦，仲要生2個，3歲咁細點打得落手架
睇咗咁多留言，希望你最遲明天去幼稚園通知學校同社工，小朋友真係靠你去救佢，星期六日搵籍口去佢哋屋企，係你面前你弟婦都咁對小朋友，好難想像平時會點
樓主中段話唔知係咪自己諗多，我自己咁睇，如果個阿媽真心愛小朋友，你因為多心報警，出發點只係為保護個細路，最多搞清楚件事善意虛報，比著我係唔會嬲得落。
你明明見到佢打仔，依家講緊虐待一個三歲小朋友，佢冇能力保護自己。如果諗住等，唔知下次會唔會咁唔好彩一嘢撞埋牆死咗。
救人呀講緊，報警冇用都係大家估計，如果有用呢？咁就救返個小朋友。就算唔立案，搞大咗件事隔離左右都知，係咪大家都會提高警惕？報完之後最好用長輩身份通知埋學校，幫手留意小朋友情緒。
如果係出於善意，有乜好驚？真係唔夠膽就去醫院去搵學校幫手，只響網上講咗件事冇完度架。
JM, 我信你真心想救個小朋友，只係不得其法。你冷靜啲諗清楚應該點做先唔會後悔啦。我真心希望個小朋友冇事呀
P.S. 另外響人地屋企裝cam係犯法架，我記得以前有節目講過，非法得黎嘅證據唔可以做呈堂證供。我唔知係咪真，有冇法律人士解惑？
2個讚
呢樣係真, 不過係指呈堂證據呢個階段唔會consider, 但上到court, 就唔係由樓主負責搵證據, 而係律政司,
目前最重要係有證據係手, 樓主/老師/社工/報紙先可以做下一步,
最起碼有片/相, 報紙先會登, 所以目前裝cam告唔告得入已不在考慮 , 而係要有野係手
cam影低左，法庭用唔到蘋果都用到啦～
唔好意思，因為我係新注冊會員所以回覆有限數，我有睇哂咁多位既留言，我亦用左好長時間同細佬傾，好可惜我係睇到細佬錫老婆多過個對仔，而且佢什至覺得現今社會太錫小朋友，根本呢啲嘢唔會影響成長。但我係睇到佢有意識係唔啱但搵唔到方法。
我今日通知左幼稚園，但學校社工註場時間同我返工時間夾唔到，我知佢地全家今日會過返去大東北果邊，我亦唔知學校方面會點跟進。
有一位話我當時小朋友講「我好驚」時我唔識去抱住佢，我係做得唔夠好，好多時我都覺得自己除左懦弱仲係因為覺得如果我做得太盡，個老母唔知會點報復係個細路身上，因為我當時拉住條八婆，同佢講「你依家虐兒，我會報警」時係放左手去攞電話，所以佢打得大力左，仲推到佢落牆，我有試過過去抱佢，但佢老母阻止，我如果當時肯努力啲或者大力啲唔理條八婆就唔會有呢種無助感。好老實講我係唔想成為破壞人地家庭既仇人，根本屋企人都唔多中意我，根本連細路父母都唔覺有問題，我做咩多舊魚？
臨臨件事，其實個親父既哥哥之前有同個細佬因為打細路既事有爭吵過，但就因為無做多一步結果就出現悲劇。
想問一下，如果係我地屋企裝呢？裝係佢地過黎時住既房度，咁會唔會相對於去佢地屋企裝合法啲？
喺自己屋企的話，要比對方知道你有裝Cam, 和裝咗喺邊，咁就ok。
1個讚