你檢查有咩事都一定係公立，例如甲亢，私家就唔會收，所以你check哂有無事先再諗私唔私家
公家生好睇彩數，有預算個人覺得私家好好多。我第一胎公家經歷唔好，第二胎私家可能有對比，覺得好似度假咁住得好開心。
1個讚
我自己在公立醫院都有相當差的經歷
但亦不能否認 儀器設備真係公立醫院先至最好
我前老闆當年條腰有事 俾超高價錢都照入公立私家房 為的就係佢地啲儀器設備
只可以話普通case入公立，只會俾人當你係一舊肉咁看待。
嚴重case入公立，佢會當返你係一個人。
4個讚
前年仁安生
緊急開刀 加bb照黃疸 半私家房 7萬幾
比預算平緊急開刀加$5000幾
睇你醫生收費 一般50000幾
我唔夠膽去公立醫院 產檢所有野都私家
識有人公立生 傷口都未縫好就推出來 要同下個接生 急尿又比姑娘罵 生完環境又嘈 休息唔到
我覺得係陰影
私家醫院會幫你餵bb 出院前果幾日可以好好休息🥲
1個讚
同埋我覺得公立最唔好係迫你一定要餵人奶
我唔係想引起咩人奶或者奶粉嘅爭執，我明白人奶係好好，有人奶當然係一定想俾bb食人奶，但我相信好多媽媽岩岩生完，體力精神都未恢復嘅時候俾公立姑娘係咁chur餵人奶係一件幾咁痛苦嘅事。
利申：私家生，餵左3個月人奶+奶粉
4個讚
呢樣同意，公立嘅“鼓勵”餵人奶政策真係好顛，迫到啲媽媽覺得唔餵人奶好似有罪咁。
1個讚
可能每間唔同，屋企人有甲亢，幾個月前私家生左
真係好變態，住8人房，除左南亞裔冇投訴，個個媽媽都唔識餵，俾d bb咬到損左流血，姑娘都只會叫你繼續忍痛餵，唔會有奶俾。可以話bb頭幾日都挨餓。之後去私家，明明姑娘就話流血就唔好餵奶住，因為bb食到血係唔好！
仲有，因為照顧bb太辛苦捱到胃痛，痛到成個蝦米咁，都要自己揍bb，問姑娘拎胃藥，姑娘話冇醫生係度唔可以俾你，要死頂兩個鐘等醫生返。
1個讚
原本我喺樓上留言話覺得公院QM唔差
不過睇返其他人留言我先記起住院3日住到最後我確實有d抑鬱。醫生、姑娘、姐姐大部份都好人，喺產房助產士一直喺度，無話等得耐走左去；聯針手勢都好，我即日已經可以正常咁坐唔覺痛；生完姑娘會幫我睇我餵奶姿勢啱唔啱，我唔夠人奶姑娘都肯俾我bb 補水奶。
但公院無其他人會幫你餵奶，抑鬱主要因為唔夠瞓、探訪時間短（每日兩節，每節一個鐘，疫情唔知佢點安排）、生產後hormone 影響。
我無後悔公立生，但認同公立生有時好講彩數。幾萬蚊雖然唔算好「平」，但我地都可以輕鬆俾得到。我相信你都一定係負擔得到先考慮喺唔喺私家生，主要就睇你想唔想花依筆錢買嗰幾日既服務。
1個讚
多謝你明白我，有部份人生完公立冇事，唔等於其他人都冇事，我地只係講出有可能發生既情況。我依家都非常後悔聽左d媽媽講「政府好好」、「有咩事咪又係去返公立」，搞到個小朋友咁就一世，我寧願出事既係我。如果當時有一個醫生肯入來睇下我，可能就冇事。私家生既錢係永遠唔及一世既醫療開支。
1個讚
我公立生既 醫生護士嬸嬸都好好
可能當時農曆新年,佢地互相祝賀下,佢地心情好好咁,但生完出左小問題, 攪到我要食抗生素。仲要覆診幾次。
如果有錢我會揀私家。
有一個身邊case,book左私家開刀,點知緊急穿水,去私家緊急開刀,孖胎由原本預算十二萬,出院用左二十幾萬。
有多餘錢就梗係私家,如果手緊就無計
其實佢地咁樣會攪到媽媽好大壓力，就愈難上奶。bb食唔夠奶又易有黃疸，但又唔俾你補奶粉，咁真係好咩。我覺得每日媽媽喺生bb前都一定會諗好左俾咩bb,唔會因為你咁「鼓勵」法而多左人餵，分分鐘趕客嚇走左d媽媽添
1個讚
我公立私家都生過，如果負擔得到，私立無得輸。公立硬件好，但軟件難以接受，成個過程係媽媽自生自滅，除非好危急，否則幾乎無支援，而大部分你覺得需要支援嘅嘢，佢哋都唔覺得係嘢。姑娘十個有七個都黑口黑面，見過有媽媽比護士鬧到喊，只因為佢瞓着咗無起身餵奶。
私立我仁安生，無見過一個面口差嘅姑娘，真係一個都無，仲會主動問妳有咩需要，見過有姑娘會扶個剛剛落床嘅媽媽去廁所後，仲教埋點清潔下體，兼安撫佢情緒，同公立完全兩個世界。
咁當然啲服務係買返來，而且好貴下，私家下下都係錢，BB常見嘅黃疸照一晚燈都千幾二千，媽媽生時有咩唔順利，就更加貴。但仁安如果搵佢哋醫生產檢，係可以買保險，touch wood有咩事，保險會包底。
4個讚
我第一胎私家生，聽得太多政府生嘅朋友講嘅不愉快經歷，有啲怕怕
我19年向寶血生，真係平靚正，5萬埋單
果時係貪近、平、靜，揀寶血生
但聽聞而家加左價要6-7萬落樓，再生我會考慮第二間醫院
唔知講咩好，只能夠祝福你小朋友健康快樂
辛苦你了。
我2 次都係QM，覺得無論係醫生、護士、助產士、姐姐都好好，醫院supporting / back up又足，唯一公院要自己湊BB、如果已經可以落床&食物唔ok
2005，生大女，有無痛分娩、獨立產房、順產
2019，引產、一樣係跟足程序去做、入產房、有齊笑氣、止痛、老公又可以陪產。
今胎去咗外國，都係選擇公立。
1個讚
公立醫院唔代表唔安全，只不過有可能服務冇私家咁好。
但一般情況下，公立冇得揀開刀，要順產兼得好少好少情況下肯俾你用無痛，所以我覺得你接受到順產就揀公立，除非你有閒錢先去私家順產。
我自己因為太怕痛，所以一早已經決定係私家開刀，其實都好肉赤🥲🥲🥲
我係公立生都好慘,我本身健康底,無咩要求,但公立D人可能就係見我咁,蝦得就蝦,我最後係醫院情緒失控爆喊
我係屯門生,無人幫我湊過BB,我係第一胎,BB出世就探病時間,果D護士俾左BB我就咩都叫我自己同老公攪,之後就一直要我自己湊,連第一晚都無幫我湊過…
@Lightwriter 我係屯醫,俾個呀姐兇我地話醫院唔會有熱水俾,又鬧我地D媽媽唔主動拎個熱水壺俾佢,住3日都唔肯幫我換床單(有血積),我張病床仲要係爛既