唉呀… 咁儍豬
其他嘢就真係唔好輕信政府嘅
但處理生仔風險嗰啲又真係要信政府
2個讚
純個人分享，可能我真係唔好彩。
公立臨生冇醫生理，產房只有我自己一個，好凍，老公之後先入來，有陣痛先大叫助產士，助產士見必唔出又出去幫第二個。直到生得先有醫生，只出現過幾分鐘簽文件。結果BB因為產程太耐，腦部出現問題，係一世架。助產士聯針手勢差，生完一個月都唔行到路。產後房姐姐唔肯洗傷口，令傷口感染發炎。BB出世之後黃旦，但健康院等左兩個鐘都未轉介到去醫院檢查，又因為度數未達佢地高既準則，唔俾照燈，剩係叫你觀察。轉頭去私家醫生，發現度數其實已經好危險要即時照燈，照完燈就冇事。但黃旦廷遲醫治，係會對bb有永久創傷。
Well, 如果咁都叫多餘，我都唔知講咩好
3個讚
你邊間生咁慘？
我自己都公立生（QE)，啲助產士、護士、產房姐姐都好好人。我岩岩生完勁凍，個產房姐姐仲突登比件岩岩消毒焗完（仲暖笠笠）嘅袍我著。
1個讚
私家唔會好貴咋喎⋯⋯
咁你都真係唔好彩啦⋯⋯
正常公立順產係唔會有醫生喺度㗎喎，得助產士，我全程都有一個喺我隔離陪我，有時仲唔止一個，佢哋喺度吹水分散我注意力
我喺QM生覺得醫護人員都好好，我反而係怕私家有啲咩特發事唔想負責任就掟我返落去公立過程仲危險
⋯⋯如果我預知生產係咁順利一定會去私家生，比十萬八萬享受服務～
我公立生，入院嗰陣遇上houseman，check唔到我穿水，喺產前房可能咁啱夜晚啦，姑娘問完有無肚痛就出左去無理我哋，要自己按鐘。到朝早同姑娘講，佢拉左個路經嘅醫生check，開左7度，光速落產房，幾個助產士喺度，因為bb心跳慢，有醫生接生。產房醫生姑娘都好專業。
到產後房，落得床就推左bb埋嚟餵奶換片，係半夜可以放護士站，或bb去檢查，其餘時間都要照顧bb，夜晚仲要去學餵奶，除左食飯、去廁所就係餵奶。臨走有堂上，教產後運動。
睇下妳頂唔頂得順日夜餵奶嘅生活。
自己之前揀左私家+開刀，覺得對BB最安全。
1個讚
我兩胎都係仁安生，第二胎廿六週出血入咗公立，醫生叫我臥床，早上我好有禮貌麻煩姐姐幫較高少少張床，點知佢罵我點解唔自己落床較。醫生幫我照超聲波，又照唔到咩事，最後出私家照先搵到原因。
呢啲嘴臉好討厭！
2個讚
我試過生完惡露整污穢張被，姐姐叫我轉去另一邊用都ok
之後3日都真係無同我換過。說好的衛生呢？
1個讚
懶到咁！
我喺浸會順產，
原本係揀QE，咁臨預產期前2個月QE有2單醫療事故，因此我擔心，即book私家。
冇後悔，浸會服務好好，生產得好順利，比我再揀多次，我都會揀浸會。
個仔有黃，照左幾日燈，埋單6萬幾。
1個讚
如果唔係有10萬閒錢唔建議去私家
我朋友全個孕期都好健康正常, 但去到順產生嘅一刻發燒, bb 都唔舒服, 結果搞一輪, 由原本預算嘅7萬, 變到13萬埋單
4個讚
係，去私家真係睇荷包有幾厚。
我自己就覺得無需講到去公立就地獄，又神化私家（咁始終個服務都係買嘅）。
荷包夠厚，個人身體無事無幹就去私家。
7個讚
原本一直都諗住喺政府生，但係發覺政府啲醫生真係好粗魯，有幾次產檢完都俾佢搞到流血，最後都係怕咗，決定去私家生
我覺得公立都要睇邊間，東區婦產科出名好好嘅，我呀嫂兩胎喺東區生都話好好。
我上年產檢就東區、私家兩邊走，中期試過流啡入左東區幾日，d姑娘都好好，最後冇事我就番番仁安生b，埋單接近8萬
我完全明白公立有幾垃圾呀！不過D人死都話公立係「最安全」、「最有配套」（但無人手用到囉！）。
有錢負擔得到，梗係揀個有經驗既醫生去大私家醫院生，就算胎盤前置、高血壓、孕糖都唔係問題，醫生會同你講定要預 budget 多幾多，最緊要荷包鬆動或公司有保險 cover。
1個讚
咁硬件上係公立好啲喎，而私家醫院亦都唔會收高危case
2個讚
試過倒水整濕左張床，姑娘入嚟見到即刻同我換
我只可以講 去私家生 真係好似住酒店咁舒服
起碼服務態度好
老公全天候陪伴
生完 真係情緒會好差
姑娘細心慢慢教你喂人奶
你可以選擇姑娘喂奶定自己喂
晚上起碼有個好休息
姑娘換更都會來打招呼
我朋友黎到都話要將來係度生
4個讚