宜家就7w 咁嘅時勢去邊生仔好啊 公立醫院好似感覺好唔安全
私立又貴 身邊朋友個個都係公立生 但評價一般
有沒私家醫院平靚正推介
首先，錢係咪問題？
第二，身體有冇問題？(係咪高齡）
第三，開刀定順產？
我自己係浸會生，覺得配套好齊！
當然，冇比較過其他！
1個讚
私家，仁安，性價比最高
唔算好貴，5-6萬？（唔清楚最updated價)
個人對公立有非常不愉快既經歷
唔單止有機會傷害到媽媽，對小朋友身體都有終生傷害
都要睇你住邊區, 同有冇諗住開刀。
有d區既公立醫院唔差，例如港島QM。
不過我未試過喺私家生對比唔到個體驗有幾大分別，淨係知找數張單既分別，公院生幾百蚊搞掂。
2個讚
剛剛有家人仁安開刀生b 八萬幾
其實講「公立對媽媽BB唔安全」就多餘嘅，有咩事私家醫院都係掟番你去公立。
12個讚
有血壓高、胎盤前置等問題一定係公立。
公立又無乜嘢嘅，我兩胎都係公立。我真係無能力俾幾萬蚊去生bb
1個讚
係呀。仲有bb出世後有例如黃膽都係返去公立。
以前啲大陸人都俾六萬幾喺公立生仔。
其實好現實，私家生就睇荷包，根本無可能有「平靚正」（我唔知你嘅「平」係要幾平）
1個讚
咁如果本身媽媽有呢啲問題，公立生就好啲，就算初生嬰兒嘅配套都係公立好啲。
1個讚
平一定係公立，我自己覺得私家生要幾萬好貴(順利先幾萬，touch wood 有咩事仲唔止)。
生仔都係前後瞓幾日醫院啫，留返啲錢請陪月或買BB嘢比較實際。
3個讚
睇下你會唔會想開刀或者無痛分娩囉
因為政府係冇得揀的
我仔而家3個幾月喺屯門醫院生（仲要全餐），可能因為疫情關係冇乜大陸人，其實我覺得幾好，姑娘同姐姐都好好
…係冇得探囉
以前我生嗰陣時最多內地人。諗返起又無乜嘢。以前仲有入境處上嚟搵非法入境者
私家冇得絕對嘅平靚正
除非肯定冇特別嘢
而冇人能夠同你講肯定
以前浸會都有個家庭走去門口抗議佢失誤
1個讚
係咪嗰單，諗住幾萬埋單，最後變咗40萬埋單嗰單？
唔太記得，都好多年前
1個讚
喂我唔明個 係想表達咩喎
醫療事故無論係咪醫院錯，都聽落好慘
同埋我係想講一有咩突發事件私家就唔會平㗎喇
1個讚
我記得嗰單對夫婦都抵死嘅。個媽媽本身胎盤低，QE都比咗期佢哋開刀。但佢哋唔信政府，去咗浸信會醫院開刀，諗住7萬埋單。
點知手術途中媽媽大出血，埋單$40萬，然後媽媽都要番去QE繼續治療（因為條數越滾越大，老公根本頂唔順）
4個讚