2021最受歡迎小學排行榜正式出爐！
呢個係教育局官方數據，只睇家長選擇，係目前最客觀最公正嘅排名榜！
每年名次會有起落，部分熱門校網好多並列排名，睇多幾年(3年以上)，基本上就知道邊幾間係“寶校”，唔使問人嘅…
Link:
https://www.bookofschool.com/hk/bos/most-like-school.html
4個讚
好像不太合理
趙榮德：我每年都用「世襲超額收生」方法，把全港36個校網的[小學]排名，原因是這個方法可以找出最受[家長]歡迎的小學。
你會問，為何「世襲超額收生」方法可以找出最受歡迎小學？
答案是：如果那些小學不受家長歡迎，在這些小學任職的家長，怎會把子女送入去讀？同樣的原因，家長又怎會把弟妹，送進其兄姊正在就讀的小學？
用「世襲超額收生」方法排列好處有：
一. 可信性高：因為世襲超額這個數字是從教育局在網上提供的資料計算出來的，有根有據，全冇「花假」。
二. 幫助「自行分配」選校：家長可以參考排名高的小學作自行分配心儀學校。
三. 幫助「統一派位」選校：「統一派位」乙部要求家長盡量填滿三十個選擇。這方法實際上已經把該校網排了位，所以參考性甚高。
1個讚
邊個校網唔合理？
排名每年會有少少變化，睇多幾年基本上都無走雞…
我都覺得唔合理
校網11
好似流流地
12網都唔合理
2個讚
12 好流!
1個讚
12網5寶年年都包尾…不過每年順序少少唔同…
Nonono
聖彼得一定唔會排到落校網入面既第8，受歡迎程度得2隻手指公
依個唔似係排行榜
你睇埋2020，2019啦…
聖彼得2020排第2，2019都係並列第2…
11網有好多其實係並列，好似今年53%-55%就有6間…
睇呢啲排行榜我睇頭，無睇尾，大坑李陞排第三？認真？
吓？原來個所謂排名係計自行收生率？
咁唔怪之得唔合理啦。
都話左要睇多幾年…
呢間大坑李陞長期倒數，偶然一次升上黎…
自行收生率的確每年有起落，但係睇3年以上一般都好準。
好嘅學校，自行收生率一定長期都高；
差嘅學校，自行收生率一定長期都低。
睇收生率唔會準，你要睇返個學額
以11網為例，經常排第一既既般小，其實學額得60個，2021年個排名第一其實就只有45人自行。聖彼得有180個學額，雖然只有53.33% 自行，但其實有多過般小一倍既人自行入去。
但我覺得睇收生無咩意思，睇中學派位好似relevant d。
1個讚
中一派位，每間小學公佈信息好唔同，其實都幾難比較。
11 網好唔合理喎大佬，女校有乜理由排咁後？男女校肯定係 Peter 仔係龍頭，佢升中好過其他男女校，乙一爭崩頭。
12 網有乜理由瑪利曼同軒銅排李陞大坑後面？？？冇聯繫學校，升中麻麻，唔可能囉！
14 都有問題，有乜理由佛教康山排得前過香港嘉諾撒同北循？
31 問題都大，油麻地街坊同基道排得前過聖瑪利？？？？
41 網都怪，聖家排名高過瑪利諾？？唔係話聖家唔好，但冇可能佢受歡迎過瑪利諾囉。
呢啲不論係 10 年前定 10 年後，都一定係有問題。
呢個榜得個笑字，12 網師奶都唔會擺李陞大坑做第一，軒銅有聯繫 QC 同 BPS，阿毛都知唔會咁傻仔揀間冇聯繫中學又升中麻麻嘅學校。叩門都唔會叩李陞大坑，會叩軒銅。
唯一可取就係佢哋榜尾係幾乎最正確。
就算公佈消息唔一樣，都有好多高度透明嘅小學。就攞 40 網基福、荔天同善導，佢哋年年有數字，年年基福都係三者之中最弱，最少人入讀 Band 1（百分比），但又偏偏呢個榜排名近三年高過佢哋。
41 網嘅喇沙同瑪利諾年年都咁低，但佢哋不論升中定係受歡迎程度，都係當區數一數二，乙一爭餐懵。
咁即係用呢個方法去計算學校受歡迎程度同升中業績，都係不可取。