呢個排名好流下，跟佢揀學校死得
3個讚
我區最頭同最尾既都算準、之後就得啖笑
多謝comments。
我都係果句，排名每年有波動(尤其係港島，認真睇你會發現差距好細)，但係睇3-5年平均基本上就會好準。
頭尾準，已經算好好用啦，始終呢個榜單得一個reference point.
2016-2021 寶覺小學排位：7、7、6、5、10、10
2016-2021 軒銅排位：1、1、12、9、1、9
2016-2021 油麻地街坊排位：4、4、5、4、5、6
2016-2021 聖瑪利排位：7、7、6、7、7、7
2016-2021 新會商會學校排位：7、6、10、15、9、11
2016-2021 聖士提反女子排位：11、9、12、8、8、9
2016-2021 般咸道官立排位：10、4、2、1、10、1
有三年軒銅可以排第一，有三年係差過寶覺？？？？即係好定差？既然軒銅係好學校，年年升中都理想過寶覺，點解波幅咁大？聖瑪利年年都低過油麻地街坊？？即係聖瑪利差過佢？
般官年年排位都高過聖士提反女子？（註：唔係話般官唔好，假設一個家庭得一個女，叩門叩到呢兩間，試問有人會捨得放棄聖提女嗎？）新會居然有三年高過聖士提反女子？？
自行收生率，用於名聲差嘅學校係啱嘅，但對於有名氣嘅學校就完全唔準。一間學校受唔受歡迎，唔係睇自行，而係睇佢升中，因為香港家長都係偏功利，10 個有 9 個都係揀升中好。假設一個家庭，佢有兄弟姐妹讀緊油天，所以自行入左，但阿女叩到聖瑪利，佢會選擇油天，定係聖瑪利？又假設 12 網，哥哥讀緊聖雅各，細佬叩到聖若瑟，會放棄聖若瑟嗎？聖雅各年年都排得前過聖若瑟喎！
所以呢個排名參考價值很低很低。只可以講，最尾嗰間係大部分時間啱，但前面全部都唔可以咁樣睇一間學校好唔好。但唔識字嘅師奶唔洗呢個表都知包尾嗰間最唔好，咁呢個表意義就不大了。仲有其他區很多例子都唔啱，不過就唔詳細列了。
睇升中，一定好過睇自行，呢個我同意。
問題係，學校公佈嘅升中資料，透明度非常差，所以真實情況好難講。
自行嘅最大優勢，就係呢個data透明度高，而且無得收埋。當然，部分校網(尤其係港島)因為差別好細，所以要拎個%平均排先準。
淨係拎名次平均，就唔會準。
升中資料唔公佈，即係唔理想囉。除左直屬資料敏感唔公佈，其他學校有得講都講，兩軒、兩油、兩協、兩呂、兩基灣都公佈曬。咁需要知道「越公開透明越受歡迎」就得。所以資料透明度越高，就代表該校越值得讀越讀得書，咁呢個表就冇特別參考價值了。
正如我上面所列出嘅例子，聖瑪利年年都排得好後，年年自行收生率得 50% 鬆啲，反而兩油天、循道年年超收多，年年 60% 以上，咁樣就代表佢哋受歡迎過聖瑪利嗎？呢幾間都係乙一多人唔入。
呢個表對於單性別學校完全唔公平，世襲機率低過其他學校，往往收生都唔容易超收。所以呢個表只能夠用於睇寶校，睇名校唔 work。但大家睇排名都係想睇名校為主，其次係二線校，睇下邊啲可以容易啲乙二中獎（呢個表係睇唔到邊間學校可以乙二），唔係睇寶校，因為寶校人人皆知，同你所講嘅一樣，「唔洗問」。
上面其他網民都覺得唔準唔合理，似乎冇其他網民覺得合理？ 
BTW，大埔區某校年年自行收生好勁架，外區家長睇呢個表真係會畀佢呃曬。學校內裏。。。太多不能說的秘密。九龍城某英小都有試過呢個榜登第一位，而且區內大熱，但內裏同大埔學校發生同一樣問題。兩校就讀家長都應該知道發生了什麼事。如果家長有興趣自行報佢哋，甚至係抽獎想入佢哋，可以私下 PM。
其你知唔知個網站學校排名係好似openrice咁，多人點評就會排高D嫁？
咁都好信
有D網站排名係靠點評，但係呢個“最受歡迎小學”排名只睇自行收生率，所以係最客觀。
不過，最客觀唔等於最全面。
其實揀學校睇自行收生率真係冇乜意思
點解？想請教下
重未好識玩升小遊戲規矩
樓主個網有份嫁
自己狂話好
1個讚
@ocelotofun @hkpapa852
請問一下兩位，如果唔計學校既教育方針，擇小學係味只需要睇升中派位就得？
有無地方可以睇到D準確既排名呢？定係其實要自己一間間上返校網度睇？
因為對小學無咩概念，唔知有咩好既直私，直頭你地上面講既都無聽過，有D唔知點入手。
謝謝。
樓上@ocelotofun解釋左
例如有d受歡迎嘅小學自行唔多人揀，但係好熱門，
好多人大抽獎擺第一
只睇自行睇唔倒間小學大抽獎係咪多人揀
以前有「升學專家」教人揀小學睇自行爆唔爆，害人不淺
我覺得冇必要追求排名，因為排唔到。喇沙同聖若瑟，瑪利諾同瑪利曼，可以點樣排？就算係中學，用 DSE 都難排，唔係間間都出曬全盤成績。
加上，一條龍、直屬、聯繫嘅學校有優勢，是否真係代表到學校自身學術能力？軒小升 Band 1 好過好多學校，多過一半入到 Band 1 學校，但唔代表軒小學術程度好高，只係咁啱佢佢身處灣仔又聯繫皇仁。
62網已經非常非常非常唔合理，睇完得啖笑
明日。謝謝你。
你留意清楚呢個網站過去既史先講啦!
而且小一自行收生代表乜? 灣仔SJCPS年年自行無收爆, 代表佢唔夠受歡迎麼?
唔好學男神校前副校咁, 一知半解亂吹就扮專家係度荼毒升小家長
1個讚
認真的, 比較多資料既係 “亡國” 個邊
呢邊個版面太唔方便, 無乜心機係度放資料
以前有「升學專家」教人揀小學睇自行爆唔爆，害人不淺
做乜咁話人? 話晒人地係男神校前副校 (可能因為學校知佢係咁, 所以一直無得坐正囉!)