話說今日我係學校自己班個group幫個仔問其他家長功課，有個媽咪家長好好即時解答左，資料又齊全，我都好感謝佢幫忙，我老公都係個group內，佢即時讚個媽媽家長勁，我本身諗住講笑同老公講，夠膽係老婆面前讚其他女人，佢又好認真答我，係ma,佢真係勁ma, 資料又齊全，我聽到後無出聲，內心其實唔開心，我知道我一直都唔叻，做唔好媽咪角色，但始終聽到個老公係我面前讚其他女人，個心up住up住甘，我係未好小氣呀？
呢個post好無聊的，只想宣洩一下，因無其他途徑講出來，請大家見諒，謝謝大家
1個讚
咁你老公feel 唔feel到你唔高興？ 如果feel 到仲繼續讚就唔係咁識做啦，當然，你唔高興都正常，因為覺得自己被比下去，不過諗深一層身邊總有比自己叻既人，所以盡量做好自己就得否則做人會好辛苦。
2個讚
小氣係應該喎呢個位，唔好話係咪係自己太太面前讚人，男人結左婚本來就應該要有自覺，就算讚其他女人都只可以係客套說話個隻，仲要比人聽得出係客套說話，畫返條線，不過算啦我知好多男人都唔識呢樣野，所以先搞到婚後男女關係咁棘
小氣呀
你咪好容易唔開心囉!
1個讚
同埋唔好諗咩叻唔叻，每個人都有自己叻既位，人地當然有人地叻既位，學到咪學，學唔到咪當聽書
謝謝你回覆，佢應該feel到我唔高興，我自知唔叻，唔會唔敢同人比較，但係我出到聲話佢讚其他女人，佢甘答我，我的確係好傷心，但又無野好講，可能我破璃心喇，內心其實好驚
謝謝你，我就係甘嘅感覺
真係好小氣
你老公幾好喎
我幼稚園同小學家長群組、我老公從來冇加入過。
3個讚
人係會小氣呷醋，唯有學識睇開啲，專注返係「有呢位同學媽媽真係好，往後鼓勵仔仔多啲同呢個同學玩」呢個開心啲嘅事。
你老公肯入埋 group 好難得。10 個爸爸有 9 個都唔會，剩低嗰個連小朋友幾時生日讀咩班、班主任邊個都唔知 
2個讚
比起小氣，覺得你自信心問題更大，唔好成日將自己唔叻掛喺咀邊，做得媽咪要學習內心強大啲，都唔好做無謂比較，唔想老公讚人哋就唔好開個頭俾氹佢踩，如果想佢多啲認同自己就開口同佢講，做個自信、老實嘅老婆，加油
5個讚
唔需要同人比、個個人都唔同。
換個角度諗下有個幫到手家長朋友其實係好好彩。
1個讚
有個咁熱心既家長好難得、有個咁識做既老公更難得吖
2個讚
要問其他家長功課，係問邊方面先，係你唔識做要請教人？定係小朋友冇寫手冊？
如果小朋友冇寫手冊，咁就唔關你事啦，係小朋友冇做好自己應該要做嘅野。
如果係請教點做功課，而家小朋友d功課有d真係唔易，請教下係正常嘅。
每個人都有自己嘅長處嘛，你多d喺老公面前展示下你嘅長處，又同老公講下，如果喺你面前讚其他女人，你係會有d唔開心，要比佢知道呀，希望佢會改善下。
呢個真係。
所以唔好諗自己小唔小氣，而係諗嘩～～～遇到一個咁好既家長肯出聲幫人。
1個讚
你老公又真心左嘅
dum下老婆都要ga ma
雖然比著我應該都會嬲老公一下咁多
讚其他女人讚得咁順口呀拿
不過應該唔係單一事件先令你咁諗
可能日常都有啲野令你有唔開心嘅位
有少少小氣喇
其實你老公真係好正常既回答…
如果你知男人諗野理性 d,女人諗野感性 d,係與生俱來!咁你就唔會傷心,亦唔覺自己小氣,傻豬 
你咁講，我就諗起有次去飲中同嗰餐，見返啲細時好frd嘅男同學。咁我大緊肚，但嘔到儍，所以好瘦。有個中同個老婆又大肚，佢就同個老婆講，“佢咁瘦，點解你…” 好明顯係講笑嘅，但大佬呀，你老婆會點諗㗎，可能唔高興㗎喎，我同你哋無仇無怨㗎!
2個讚