係，咁個媽媽真心勁啊嘛。
咁我又覺得你唔需要同人比喔。咁唔通你同老公睇緊電視，你老公讚個女主角真心靚，身體又正，你又嬲啦喔？
你老公係咪好少講甜言蜜語花巧嘢嗰啲人？
如果係嘅，咁你咁樣問佢佢照答你事實，呢個係佢嘅個性。壞處係有時會令你唔開心，因為佢唔識講你心目中想聽嘅嘢。但係好處係佢個人可靠，有安全感，相信呢個都係你當初揀佢嫁俾佢嘅原因。
唔好唔開心啦，佢呢啲老實人，係得個group度都係啲嫁咗人嘅女人師奶，佢根本就唔覺得自己讚緊一個女人，只係覺得遇到高手咁解姐。好似打機嗰陣遇到啲教你沖關嘅人。
如果你小氣，唔開心，佢應該會覺得好煩，因為佢真係唔知你嬲咩，咁樣好唔抵，又影響感情，係咪？
1個讚
其實你老公都係講事實啫
下次你都用返呢套對你老公, 比佢感受返你嘅感受
1個讚
通常feel唔到
每人叻嘅野唔同，有媽媽煮野好叻，餐餐好餸靚湯同自家甜品，有媽媽學歷比較好可以跟到功課，有媽媽學過樂器可以教小朋友，有媽媽IT科技叻可以幫仔女電腦知識。
咁唔識呢啲唔會否定自己係一個好媽媽，老公說話可能無心，男人講野可能一陣自己已經唔記得，無謂太上心。
3個讚
我都覺得小氣左D,我反而試過嬲學校GROUP家長,佢問我野就得,我問佢野就明知都唔出聲…
1個讚
你老公又唔係讚嗰個媽媽靚…佢應該只係真心覺得個媽媽好勁。我覺得你都可以試下多D讚賞其他人呀, 加油。
1個讚
有時問個問題，見到好多藍剔都未有人答，都幾洩氣㗎。所以真係要感謝熱心家長!
2個讚
ERRRR 係小氣而且有D無謂…
2個讚
我老公成日讚工人叻過我，我都係有d唔開心，不過未之於嬲。我一般會講笑咁寸返「不如我走，留低你同工人好唔好？」咁佢就會識做，唔講咁多。
我覺得唔開心就係會有少少。佢每講一次我個心就好似扣左1分感情分咁，講左20次左右我就會嬲。佢識做既讚返我，讚我1次又加返1分
事實上如果工人蠢過你同懶過你、可能仲唔開心。
2個讚
將人地優點同自己老婆比較好無謂，專家教仔都叫人唔好將自己仔女同人地仔女比較啦
係架,有時D功課大家都唔肯定,討論下點做都好呀~
因為我之前只係同一個家長熟(本身認識),咁我初初開學咪問下佢野囉,佢仲有個大女小三,細女同我女都係小一,點知佢有少少發脾氣話佢都唔知 
我老公缺乏求生技能，應該要即刻耍冧啦！
你呷醋嗰吓覺得你好可愛呀 
使乜同其他媽媽比… 有啲媽媽生完幾件身材都仲好好, 但可能係因為佢用照顧小朋友嘅時間去 gym 去美容院, 又有啲媽媽對小朋友嘅一齊呵護備至, 大小事瞭如指掌但亦都可能忽略咗自己同老公, 到個小朋友大個有自己生活時, 好多呢類媽媽都會突然無咗生活重心… 每個人有唔同故事, 多啲諗吓令自己 proud 嘅事, 自我肯定先可以成為小朋友嘅好榜樣嘛
兩樣野無兩選其一既關係既。工人叻過我，老公都可以唔洗咁講。事實不等於可以講，除非講左可以幫到人改善。
正如我一個小朋友叻d，我都唔會話另一個小朋友蠢。我只會鼓勵佢做更好。小朋友俾我話完蠢唔開心，唔通話「好過佢同你一樣蠢」咩
我兩個下屬一個勁一個差，我為左公司評估，和為左同事改善，我會語氣平靜地講一個係差d，但下一句我就要幫同事諗下點樣可以進步，而唔會話「你真係差呀嘛」。
我覺得係小器啦，如果係同學爸爸答左你，你老公係咪都會讚佢？咁你又會唔會覺得唔開心？如果都會嘅，咁就唔係「讚第二個女人」嘅問題。如果唔會嘅，點解你又唔會同個「爸爸」鬥叻呢？
人類唔係男就係女架啦，真心讚人仲要諗咁多野咩。如果你老公講嘅係事實而你哋兩個關係又冇咩特別問題的話，我會覺得你老公好真誠，係好就係好，人地幫左你就要講多謝，佢都係做返佢心諗果句出來姐。唔好諗咁多啦
2個讚